1 John 4:16 - Sei di Uka Ago Ruaka di Buka Bedakai

¹⁶ Mina ye, Sei una uka mado, mina una una diba ma ina rofu mokena vari gira aesifa. Sei bi uka mana amiye, ma kaere amiye uka manasa amedo, bi Sei sa amedo ma ina ka inasa amedo.

1 John 4:16 ပူးပေါင်းရင်းမြစ်များ

John 6:69

Una bi mokena vari gira aesi una una diba ya bi Sei di amiye kikifa.”

John 9:3

Ma nikabai reyo, “Diya mina amiye o ini nono baba vegu no reyadi dada, idu Sei di reremama rena ina fafau vei mama riyaganedi dada.

1 Corinth vene 2:9

Idu bura reyo kana: “Beika amiye yokoi di ne yaku vena de reyo ma anema yaku neidena de reyo, ma beika amiye di ukari mokena de reyo, mina bi beika Sei yaku ina uka madedi vene ina rofu dogo reyo.”

1 John 3:1

Va mokefa, uni Baba di uka mana di gokai una rofu bi sena maro, ye una bi ini mida mida vo nibiyagane. Una bi rama iniye ini mida mida. Mina resi kono tora noibanu di vene bi una toto, adina ina vene bi Sei toto.

1 John 3:16

Uka mana di vegu bi yomina vegu dudu vei mama regifa: ye Keriso una rofu ini vegu maro. Mina dada una ka uni usika ourena rofu uni vegu magifa!

1 John 3:24

Ini ago gira neidedo amiye bi Sei sa amedo ma Sei ka inasa amedo. Ma una una diba ina bi unasa amedo, adina bi ini Vima una maro.

1 John 4:7

Nai uka maida vene, uniye uniye uka mabinadi, adina uka mana bi Sei rofu dedo. Amiye kaere uka mado, bi Sei rofu vata niyo ma ina diba Sei.