1 John 4:1 - Sei di Uka Ago Ruaka di Buka Bedakai

¹ Nai uka maida vene, vima tau rofu mokena vari gira ga aefa, idu vima ebene refa, mina bi Sei rofu ba ide, adina Sei di ago nidedi ofa vene tau tora ka bi kono tora noibanuri diyadi.

1 John 4:1 ပူးပေါင်းရင်းမြစ်များ

Mark 13:21

“Kamini amiye yokoi yaku ya nigo vonisi, ‘Ve kumo, Keriso bi yomini!’ ma ‘Ve kumo, ina bi yomironi!’ ini ago rofu mokena vari gira ga aefa.

Luke 12:57

“Beika resi ya kaya vegu bi rama ba ide mina de moidedi?

Luke 21:8

Ma niyo, “Nari rei mona refa; yokoi yaku ga ya eru reyaine. Ini adina amiye tau gade nai roka dudu baesi iniye nikake regedi, ‘Na bi Keriso!’ ma ‘Ari rama bi bae okiyo mini!’ Ina vene usi ga difa.

Moimai di vegu 17:11

Minari bi ago neidena vene, diya Thessalonica vene kana. Mina vene sina neidegasa ada tora gade dudu moigamadi. Paul yaku ari neinei Sei di ago niokugamo bi ofa ba rama niyo ago mina maina regamadi.

Moimai di vegu 20:29

Na na diba gabi ya feregidari, bi sufa gadeva auna yaku yi fogori okisi mamoe amededi bi moi no regedi.

1 Corinth vene 12:10

Yokoi rofu bi mokena vegu regi di vava masi yokoi rofu bi Sei di ago nigi di vava masi yokoi rofu vima rama o vima ofa diba nina di vava masi yokoi rofu ago bouna bouna nina di vava masi yokoi rofu ago bouna bouna di adina diba nina di vava mado.

1 Corinth vene 14:29

Sei di ago nidedi vene remanu o regodenu ago niyagane ma bedakai yaku ini ago mokei mona reyaganedi.

1 Thessalonica vene 5:20

Sei di ago nido amiye di ago rofu ga mokei itu refa.

1 Thessalonica vene 5:21

Beika baika tau mina vei mona resi buni maka moi gira ribifa;

2 Thessalonica vene 2:2

bi yi mokena bi evade moi forovai ga rebifa, o uka esika ga refa, adina bi be vene yaku nidedi bi Varika amiye di meda bi okiyo, vo nidedi. Be yaku mokededi bi vima di agori o sina sina yokoiri, o fefa yokoiri bura reyafa.

1 Timothy 4:1

Kamini Vima kikifa yaku ni mona mona redo, meda koina nigori, bedakai bi ini mokena vari gira aena rofu etagae resi ofa ofa vima ma vima no ini oteimana ago neidegasa usi digedi.

2 Timothy 3:13

Idu amiye no ma ofa ofa nina vene bi ini vegu nori isivaga iniye nigedi. Ina yaku amiye bedakai moi eva rigedi ma bouna vene ka ina vene rofu eva nigedi.

2 Peter 2:1

Idu Sei di ago nidedi ofa vene senagi amiye di fogori ameyadi, ye ofa ofa oteimana vene yi fogori ka amegedi. Ina bi sui dudu dui resi tarua sikori rena ma rama de ago, mina niogau resi Varika amiye, kaere bi ina vene ka voi reyo nisui regedi, ye ini vegu moi no rina evade maka iniye fafau moi degedi.

1 John 2:18

Nai mida mida, ari bae koina nigo di meda bi negau niyo! Ya nigamadi kana, Keriso di tuma amiye bi baego; ma gua Keriso di tuma vene tau gade bi sena ogau niyadi. Mina dada, una una diba ari bae koina nigo di meda bi negau niyo.

1 John 2:7

Nai uka maida vene, mina ago gira ya rofu bura reida bi ruaka de, mina bi sena ago gira, ini adinari gutuna yasa mini. Mina sena ago gira bi ya yaku sena neideyadi.

2 John 1:7

Adina eru rededi vene tau bi kono tora noibanuri diyadi, kaere Iesu Keriso bi amiye roaita kana nisi soka reyo, mina niogau de rededi. Mina kana amiye bi eru redo amiye ma Keriso di tuma amiye.

3 John 1:11

Nai uka maida amiye, vegu no mina tari ga re, idu vegu buni mina maka tari re. Kaere amiye yaku vegu buni redo, bi Sei di; kaere amiye yaku vegu no redo bi Sei de vego.

Niokuna sina 2:2

Yi reremama, moimai rena ma toro dudu, are rei gira reyadi bi na na diba. Resi vegu no vene beika rededi bi na na diba ya ura de rededi, ye kaere iniye vo niyadi bi nifeidena vene idu bi de, ya yaku ina vene di uka maina resi veitao reyadi, ina bi ofa vene.