1 John 3:3 - Sei di Uka Ago Ruaka di Buka Bedakai

³ Ma amiye kaere Keriso rofu uka mokena aego, bi ini uka ideri moi ruaka rigo, Keriso ini uka ideri vegu no yokoi de amedo kana.

1 John 3:3 ပူးပေါင်းရင်းမြစ်များ

Matthew 5:48

Mina dada yi Baba omari bi rorobo iniye maka kana ya vene ka rorobo iniye maka dudu ameyaganedi!

Luke 6:36

Amiye rofu iriyeduka refa, yi Baba ka bi iriyeduka ya rofu redo kana.

John 17:19

Resi ina dada na kaya moi akeke rida, ye ina ka ago rama dudu moi akeke rigedi.

Moimai di vegu 15:9

Ina vene rofu ma una rofu bi yokoi moi idana de riyo; Iesu rofu mokena vari gira aeyadi, dada ina vene di uka moi ruaka riyo.

Rome vene 15:12

Ma Isaiah dudusa yomakai niyo, “Jesse di davari yokoi vata nigo; mina dadigo amiye bi tutubena idana vene ourefeidego, ye ini uka mokena mina amiye rofu aebigedi.”

2 Corinth vene 7:1

Nai uka maida vene, una bi mina nitore reyo ago nufa dada, ye roaita ma vima moi kino rededi beika baika tau noibanu rofu, uniye moi gaima risi amegasa, ori dudu uni vima tau noibanu Sei di vegu manadi.

Colossae vene 1:5

Mina bi uka mokena omari ya rofu ae mukora reyo dada. Ya bi sena mina ago ramari, mina ago buni bi neideyadi.

2 Thessalonica vene 2:16

Gua uni Varika amiye Iesu Keriso ma uni Baba Sei, kaere bi una rofu uka madedi, bi buni tora gade dudu toga toga ameibobina di mokena tora ma uka mokena buni una maradi.

Titus 3:7

Ye makai dudu, uni vegu bi rorobo niyo, ini buni tora gade dada, ma toga toga ameibobina vegu di uka mokena moinari, bi ini mida mida nigifa.

Hebrew vene 12:14

Amiye tau gadesa uka amuta dudu va amegi resi vegu kikifa refa, adina amiye yokoi mina nufa de bi Varika amiye vena de rego.

Hebrew vene 6:18

Kamini bi mina ago remanu moi idana de rigedi ma Sei ina fafau ofa ofa ago nigi anua rego. Ye una kaere ori disi ini yeiva ideri ameyafa bi uka mokena uni budari aeyo, mina moi gira rigi egira rei mona reyo.

Hebrew vene 7:26

Ini adina bi buni iniye una bi Sei ma amiye utari naivo amiye tora mina kana nufa, kaere bi kikifa, vegu no nufa de, ini vegu bi kino de, ma vegu no rededi vene moi tae risi oma odorori ini roka moi odoro riyo.

James 4:8

Sei atafu baefa, ma ina yaku ya atafu baego. Ya vegu no rededi vene, yi vana koitefa! Ya mokena adaka vene, yi uka moi ruaka rifa!

1 Peter 1:15

Idu yi beika tau regedi bi kikifa dudu, Sei kaere ya raka niyo kana,

1 Peter 1:3

Buni tora gade Sei uni Varika amiye Iesu Keriso di Baba rofu manadi! Ini iriyeduka tora gade dada ,dudusa vata nina vegu una maro, Iesu Keriso muyenari gutuna dadi rae reyo ida dudu. Mina bi toga amei baena di uka mokena una vata baeyo.

2 Peter 1:4

Mina dudu ina yaku ini nitore rena ago di beika baika buni tora gade gade una rofu maro. Ye mina kana vegu dudu, ya bi mina kono di vegu no rena rofu, ori disi Sei di vegu buni rau regedi.

2 Peter 3:14

Ye mina resi, nai uka maida vene, mina tua redediri, vegu buni maka ma no yokoi de, Sei di nemokori, ma uka amuta inasa yi buni di yeiva mama refa.

1 John 2:6

kaere yaku nigo bi Sei sa amedo vo nido, bi Iesu Keriso vegu amegamo kana vegu amebiyaine.

1 John 4:17

Mina ida dudu uka mana bi moi rorobo riyo, ye kota rego meda okigori, uka gira moigifa, adina mina konori una ka bi ina kana dada.