1 John 3:2 - Sei di Uka Ago Ruaka di Buka Bedakai

² Nai uka maida vene, ruika una bi Sei di mida mida. Gabi una bi gokai kana bi ogau nina kode. Idu, yomina una diba: Keriso ogau nigori, una bi ina kana nigifa, adina ini rama iniye vegifa.

1 John 3:2 ပူးပေါင်းရင်းမြစ်များ

Matthew 5:8

Kaere uka kino yokoi de nufa bi ada regedi; ini adina Sei vegedi!

Luke 17:30

Amiye di mida ogau nigo medari ka mina kana vegu vata nigo.

Luke 20:36

Adina dudusa muyegi anua regedi; ina bi dadi rae rena di mida mida, ye Sei di naivo naivo vima egere nisi ini mida mida nigedi dada.

John 1:12

Idu amiye tau gade kaere faiva nisi ini roka fafau mokena vari gira aeyadi, bi Sei di mida mida nigi di vava maro.

John 11:52

mirona vene dada maka de, idu Sei di mida mida gagani gaganiri rerevaida niyadi ka egogo resi moi yokoi maka rigo.

John 17:24

“Baba, na ura reida kaere na maro vene, bi goidu ameida sanari nasa ka amegedi, ye vabara na maro veibiyaganedi, senagi kono rina koderi na uka maro dada.

Rome vene 8:16

Vima iniye yaku uni vimasa ninegau resifa una bi Sei di mida mida.

Rome vene 8:18

Adina gua mina ariri di esika gurausifa nai mokenari bi keika, mina vabara tora una rofu moi ogau rigo kana de iniye.

Rome vene 8:19

Ini adina beika tau Sei yaku riyo bi uka dadina dudu, Sei di mida mida moi ogau rina meda tua rededi.

Rome vene 8:29

Adina mina vene kaere senagi diba niyo bi senagi ka ini Mida di vima kana nigi abidi reyo, ye dubuiyaka ma tobaiyaka tau di fogori ourena Mida niyaine.

1 Corinth vene 13:12

Adina gua una yaku garasi dudu agubori kana vesifa, idu gabi bi uniye Sei di seira vegifa. Gua bi ini berou maka diba nida; gabi diba ni vau regida—Sei yaku na ka diba ni vau redo kana.

1 Corinth vene 15:49

Ini adina una bi mina kono dudu riyo amiye kana, ye makai una ka mina oma gutuna deyo amiye kana nigifa.

1 Corinth vene 2:9

Idu bura reyo kana: “Beika amiye yokoi di ne yaku vena de reyo ma anema yaku neidena de reyo, ma beika amiye di ukari mokena de reyo, mina bi beika Sei yaku ina uka madedi vene ina rofu dogo reyo.”

2 Corinth vene 3:18

Ma una muko seira bou de reyafa vene tau noibanu yaku garasiri kama redo kana, Varika amiye di vabara vesifa ma vima yokoi makari una moi idana riyo, vabara keika gutuna vabara tora rofu. Adina mina vegu bi Varika amiye rofu deyo, kaere ina bi Vima.

2 Corinth vene 4:17

Adina mina ituari, mina esika aita moisifa yaku toga toga vegu ameibobina vabara tora iniye ina kana koina, bi mina rofu una dogo redo.

Galatia vene 3:26

Adina ya tau gade bi mokena vari gira Iesu Keriso aena dudu Sei di mida mida niyadi.

Galatia vene 4:6

Adina ya bi ini mida mida dada, Sei yaku ini Mida di Vima uni ukari nifeideyo ma raka nido, “Baba, nai Madini.”

Philippi vene 3:21

kaere mina kono di roaita yau moi idana rigo ma uni roaita yaku ini roaita buni vabara nufa kana nigedi. Adina ini vava dudu, beika baika tau gade ina gabireri raga rededi.

Colossae vene 3:4

Keriso, kaere bi yi vegu amena rama, ogau nigori, bi ya ka inasa vabara nufa ogau nigedi!

Hebrew vene 9:28

ye Keriso kaere bi amiye tau di vegu no koite makugi, uru yokoi maka ini vegu maro, bi dudusa ogau nigo; vegu no koite makuna rofu de, idu ina rofu uka dadina dudu tua rededi vene moi vegu rigika dego.

2 Peter 1:4

Mina dudu ina yaku ini nitore rena ago di beika baika buni tora gade gade una rofu maro. Ye mina kana vegu dudu, ya bi mina kono di vegu no rena rofu, ori disi Sei di vegu buni rau regedi.

1 John 2:28

Ma gua nai mida mida, inasa amebifa, ye ogau nigori, una bi mokena buni moisi ini dego medari, maena dudu ina rofu de sui nigifa.

1 John 2:7

Nai uka maida vene, mina ago gira ya rofu bura reida bi ruaka de, mina bi sena ago gira, ini adinari gutuna yasa mini. Mina sena ago gira bi ya yaku sena neideyadi.

1 John 3:1

Va mokefa, uni Baba di uka mana di gokai una rofu bi sena maro, ye una bi ini mida mida vo nibiyagane. Una bi rama iniye ini mida mida. Mina resi kono tora noibanu di vene bi una toto, adina ina vene bi Sei toto.

1 John 3:10

Mina bi gokai diba nigifa kaere bi Sei di mida mida ma kaere bi Bodaka di mida mida: kaere amiye mokena rorobo de rebigo bi Sei di mida de, mina kana kaere ini usika ourena uka de mago ka makai.

1 John 3:21

Nai uka maida vene, uni uka meko yaku una rofu de nido una bi no vonisi, bi una bi Sei di nemokori uka gira nigifa.

1 John 5:1

Kaere amiye Iesu bi Keriso rofu mokena vari gira aego, bi Sei di mida kana vata niyo, ma kaere amiye yaku Baba uka mago, bi ini odiyo mida ka uka mago.

Niokuna sina 2:28

mina bi nai Baba gutuna vava moiyaka kana. Na yaku ka uriyaku Magai magida.

Niokuna sina 22:4

Ini seira vebigedi ma ini naori bi ini roka amego.