1 John 2:11 - Sei di Uka Ago Ruaka di Buka Bedakai

¹¹ Idu amiye yokoi ini usika ourena gubuyo rego, bi mukunari amesi ini ideri nana resi goinari dibo redo bi toto, adina mukuna yaku ini ne moi taufa riyo.

1 John 2:11 ပူးပေါင်းရင်းမြစ်များ

John 12:35

Ye ina vene rofu niyo, “Mina vabara bi yasa de amei doba rego. Vabara yasa amedori, diga bogasa rebifa, de bi mukuna yaku ya ebu rego baebu. Kaere mukunari diga bogasa redo amiye goinari dido bi ina toto.

John 12:40

“Sei yaku ini nemoko moi taufa risi ini uka kebi riyo, ini nemoko dudu vesi ini uka dudu diba nisi na rofu kero regedi baebu, ma ina moi buni rigida.”

2 Corinth vene 3:14

Idu ini uka mukuna niyadi. Ini adina senagi bogo mina medari mamo, uka ago kori bura vedediri, mina muko bi gua ka amedo ma moi etagae rina kode, Keriso maka dudu moi etagae rigo dada.

2 Corinth vene 4:4

Mina kono di ofa sei yaku mokena vari gira de aededi vene di mokena moi forovai reyo, ye Keriso, kaere iniye bi Sei kana, ini vabara di ago buni di vabara vegi anua rededi.

Titus 3:3

Una ka sena bi mokena buni yokoi de, ago neidena de, dona auna di moke moke resi ofarosi regamadi ma roaita moi ada regika vegu no yaku una ourefeidegamo. Ma uni mokena no masi amiye be rofu ka maunu nigamafa. Resi amiye be rofu gubuyo resi uniye uniye ka gubuyo regamafa.

2 Peter 1:9

Adina kaere mina kana asanu rena de bi, vei mona ide ma nemoko bi taufa, ma beika ini vegu no reyo ma moi ruaka riyo, senagi bi toto niyo.

1 John 1:6

Una yaku nisifa, una bi inasa auta resifa vonisi, idu mukunari nana rei disifa, bi ofa nisi ago rama dudu de amesifa.

1 John 2:10

Kaere amiye ini usika ourena uka mado bi vabarari amedo, ye beika yokoi bi de resi vegu no rofu eyarego.

1 John 2:9

Kaere amiye yaku nigo bi vabarari amedo, idu ini usika ourena gubuyo redo, bi gua toga mukunari amedo.

1 John 3:15

Ini usika ourena gubuyo redo amiye, bi amiye umuyedo amiye. Ya ya diba, toga toga ameibobina vegu bi amiye umuyedo amiyesa de amedo.

1 John 4:20

Kaere amiye yaku nigo, “Na bi Sei uka maida,” idu ini usika ourena gubuyo redo, bi ofa ofa amiye; adina kaere amiye yaku ini usika ourena, kaere bi ini nemoko yaku vedo, bi uka de mado. Ka bi de Sei, kaere bi ini nemoko yaku de vedo, bi uka magi anua rego.

Niokuna sina 3:17

Adina nisa, ‘Na gugura tau gade nufa ma nai baku baku bi buni, beika yokoi de maina reida.’ Idu rama iniye, ya ya toto ya bi no iniye iniye, irava amiye, iriyeduka nufa, ne taufa ma faisara ameisa amiye.