1 John 1:5 - Sei di Uka Ago Ruaka di Buka Bedakai

⁵ Gua beika ago ina rofu neideyafa ma ya rofu niogau resifa bi yomini: Sei bi vabara, ma mukuna yokoi inasa bi de.

1 John 1:5 ပူးပေါင်းရင်းမြစ်များ

John 1:19

Ye Jew vene di ourefeidena vene yaku Sei ma amiye utari naivo vene ma Levi rubu di vene be Jerusalem gutuna nifeideyadi, ma John Baptist nikaiteyadi, “Ya bi kaere?”

John 1:4

Mina ago ideri bi vegu; ye mina vegu bi amiye di vabara.

John 1:9

Mina bi rama vabara—mina yaku kono tora noibanuri desi amiye tau vakoi moi vabara redo.

John 8:12

Iesu dudusa ina vene rofu ago niyo, “Na bi kono tora noibanu di vabara. Amiye kaere na usi baego bi mukunari de digo, idu vegu di vabara moigo.”

John 9:5

Na bi konori amegasa bi kono tora noibanu di vabara.”

1 Corinth vene 11:23

Adina Varika amiye gutuna beika ago moisi ya rofu niyaka bi yomakai: ye Varika amiye Iesu di siri reyo urusari bi beredi be moisi

1 Timothy 6:16

Ina maka bi de muyego; ina rofu ekaira de rena vabarari amedo, ma yokoi yaku ina de veyo ma vegi anua redo. Ina rofu bi kikifa rena ma toga toga ourefeidena vava maraine. Rama.

James 1:17

Beika baika neinei bi buni ma rorobo maro bi odoro gutuna dedo, mina bi vabara di Baba gutuna, kaere agubo de kana, ini mokena moi kero de redo.

1 John 3:11

Ini adinari gutuna baeyo gua neideyadi sina bi yomini: uniye uniye rofu uka mabinadi.

Niokuna sina 21:23

Taoni bi meda ma eyo kamu regi baku de reyo, adina Sei di vabara yaku kama reyo ma Mamoe mida bi ini ramefa mini.

Niokuna sina 22:5

Ma urusa bi koina. Ramefa o meda di vabara baku de regedi, adina Sei Varika amiye ini vabara nigo ma toga toga ourefeidegedi.