1 Corinth vene 4:4 - Sei di Uka Ago Ruaka di Buka Bedakai

⁴ Nai uka di mokenari no yokoi na fafau mina na na toto, idu makai na moi rama de redo. Ye Varika amiye na kota redo mini.

1 Corinth vene 4:4 ပူးပေါင်းရင်းမြစ်များ

2 Corinth vene 1:12

Adina uniye ni-ika resifa bi yomakai: uni uka di mokena yaku niokudo gokai mina konori uni vegu regamafa bi, Sei yaku vegu rama resi ago rama nido kana regamafa; ye besa besa ya vene rofu rei mona regamafa. Una bi diya mina kono di mokena tora dada de regamafa, idu Sei di buni tora gade dada regamafa.

2 Corinth vene 5:10

Adina una tau noibanu Keriso di kota rena fata di budari ogau nigifa, ye yokoi yokoi yaku beika roaitari reyo kana ini obini moigo, vegu buni ba vegu no bi.

1 Corinth vene 4:5

Mina dada, mina meda koderi, Varika amiye di dena koderi, kota ga refa. Mina medari, Varika amiye yaku beika baika mukunari sui niyadi bi vabara moi baesi amiye di uka di mokena moi ogau rigo. Kamini amiye neinei ini roka tora Sei gutuna moigo.

Rome vene 2:13

Adina kaere ago gira neidededi bi Sei di nemokori mokena rorobo nufa de, idu ago gira usi rededi vene, ina bi vegu rorobo nigedi.

Moimai di vegu 23:1

Paul bi kanisoro vene di ne tu ramari vesi niyo, “Nai usika ourena, na bi Sei di nemokori uka di mokena buni dudu ameyaka baeyo gua mina medari mini.”

John 21:17

Ma uru regode ere niyo, “Simon, John di ubama, na ura reisa ba ide?” Kamini Peter bi iriyeduka reyo, adina bi uru regode nikaiteyo, “Na ura reisa ba ide?” Ye nikabai reyo, “Varika amiye e, ya bi beika baika tau gade ya diba; ya ya diba ya ura reida!” Ma niyo, “Nai mamoe mida mida vana re.

Rome vene 4:2

Adina Abraham bi reremama buni dudu moi rorobo riyo vonisi, bi beika yokoiri nivasina rego nufa—idu Sei di nemokori bi de.

1 Corinth vene 4:3

Idu ya vene o kota rena amiye yokoi na kota regedi vonisi, bi na rofu bi beika baika keika iniye maka. Rama iniye, na kaya ka kota de reida.