1 Corinth vene 10:7 - Sei di Uka Ago Ruaka di Buka Bedakai

⁷ Ina bedakai ofa sei nivakededi vene kana ga nifa; yomakai bura reyo kana, “Amiye yaku iruku ma koru gira irigi ameinu resi koa rena vegu regi kora reyadi.”

1 Corinth vene 10:7 ပူးပေါင်းရင်းမြစ်များ

Moimai di vegu 15:20

Ye minari bi, fefa yokoi bura resi ina vene nigifa bi ofa sei kino nufa di nemokori aeyadi iruku, vibani bauye moisi umuyeyo ma dava bi irina ga reyagane; koa rena ka ga reyagane.

1 Corinth vene 10:14

Mina resi, nai uka maida vene, ofa sei nivakena feresi tae rifa.

1 Corinth vene 5:11

Idu gua na yaku ya vene rofu bura reida bi usika ourena yokoi di roka nufa ma amiye diba nidedi ina bi koa redo, o udu redo, o ofa sei nivakedo, o amiye kovai nido, o koru gira tau gade irido, o duma duma redo vonisi, bi auta ga refa. Mina kana amiyesa iruku ka irina ga rebifa.

1 Corinth vene 6:9

Ya ya diba ba ide mokena vari gira de aededi vene yaku Sei di ourefeidena amena sana de moigedi? Ya kaya ya kaya ga eru rebifa; kaere ina bi koa rededi, o ofa sei nivakededi, o meyadi vene kana bi koa rededi, o rumana vene bi rumana vene idanasa ini roaita rau rededi, o rumana vene bi rumana venesa koa rededi,

1 Corinth vene 8:7

Idu amiye tau noibanu bi mina toto. Ye bedakai, ofa sei sena nivakegamadi dudu, gua ini iruku ofa sei nivakegi manari kana iridedi ma ini uka di mokena yau ninari moi kino ridedi.

1 John 5:21

Nai mida mida, ya kaya ofa sei rofu egavoi rebifa!