Romans 7:18 - Kobon

¹⁸ Yad nɨŋbin, yad bɨ nöp mɨdpin rö, mɨdmagö prɨ aŋ yad daŋ mɨd aij gagöp. Gasɨ hibur mɨdmagö yad gasɨ aij ñö, nan aij ap gagnabin. Gasɨ magö yad u, gɨ aij gɨnam a gem nɨŋbin u pen yad gɨnam rö lagöp.

Romans 7:18 ပူးပေါင်းရင်းမြစ်များ

Madyu 15:19

Gasɨ kale ke nɨŋöm, gasɨ naij nɨŋöm, nɨbi bɨ al pak löm, nɨbi si bɨ si göm, nan gau si udöm, manö kub hagnaböl ñɨn u manö piral hagöm, nɨbi bɨ rɨmnap kalɨp hag juöm, gɨpal.

Luke 11:13

Kale nɨbi bɨ aij wasö u pen ñɨ pai kale gau nan aij gau nöp ñɨnabim. Bapi kumi kabö adö laŋ au mɨdöp u Bɨ aij yabɨƚ. Nɨpe nan naij ap ñagnab. Ana Uɫ u hanɨp ñɨmön a geinabim u, Bapi kalöp ñɨnab,” a ga.

John 3:6

Nɨbi bɨ yag daubal rö yag daulö mɨdpal, pen God Ana nɨpe apöm ana magö kale aŋ daŋ gö kamɨŋ mɨdeinabim.

Romans 13:14

Pen kale Bɨ Kub Jisas Krais ud waƚɨj rö yɨmim, mɨdmagö prɨ aŋ hon daŋ gasɨ göp adö u aigöl gun gɨnabun a gɨmim gasɨ u nɨŋagmim.

Romans 7:15

Anɨb u me, nan aij gɨnam, a gɨ gasɨ nɨŋbin adö u gagpin; yad nan si nan naij gep adö u, yad magö anɨbu mulu kal nɨŋbin u, yad anɨg gagnam, a gɨpin adö u nöp gɨpin. Pen nɨhön gɨnɨg anɨg gɨpin u nɨŋagpin.

Romans 7:19

Anɨg gö me, gɨ aij gɨnam, a gɨ nɨŋbin adö u gagabin; gɨ naij gagnam, a gɨ nɨŋbin adö u nöp pör gɨnö arab.

Romans 7:25

Bɨ Kub hon Jisas Krais nöp! God nɨp aij a gabin! Pen manö hagpin i, anɨg göl mɨdöp: gasɨ yad u God nɨp nagɨ wög gep bɨ rö mɨdpin u pen mɨdmagö prɨ aŋ yad daŋ au, nan si nan naij gep magö u nagɨ wög gep bɨ rö mɨdpin.

Romans 7:5

Nöd pen Krais hon udaga ñɨn u, nan si nan naij gep magö u hanɨp ud sɨsɨ lɨmɨdöp. Lo manö adö u nöp hain gun a gɨ mɨdmɨdun u pen gasɨ naij aŋ hon daŋ pɨral hiɨkö, mab asɨ ñɨŋ umeb magö u waiö lö, mɨd aij gɨmɨdagun. God aip mɨdep rö laga.

Galesia 5:17

Gasɨ anɨb mɨhau, ap böŋ lap ɫɨp gɨ ud arnab, ap böŋ lap ɫɨp gɨ ud arnab u me, gun a gɨnabim adö u gɨmim rö lagnab.

Galesia 5:24

Krais Jisas nɨbi bɨ nɨpe gau, gasɨ ke nɨŋöm haƚöwaƚö gɨmɨdal nagɨ adö anɨbu arö gɨpal. Nagɨ adö gɨmɨdun anɨbu, mab kros ba laŋ Krais Jisas aip umöb.

Pilipai 2:13

God nɨpe nöp kƚö göm mɨdmagö kale aŋ daŋ gasɨ ñö, nɨp aij gɨnab adö u gun a gɨmim anɨg gɨpim.

Pilipai 3:12

Yad nan hagajɨn anɨbi magöŋhalö udem bɨ asɨŋ mɨdagöp mɨdpin u hagagabin. Pen Krais Jisas yɨp udö bɨ aigeg bɨ rö mɨdeinabin a göm ga u rö udnam a gem, kƚö gem dip arabin.

Daidas 3:3

Pen nɨhön: hon ke nöd u rö nöp gasɨ nɨŋ aij gagun, God Manö hagöp rö jɨ nɨŋun, hañ romaŋ hon ke gasɨ göp rö nöp gun a gun, bɨ nagɨman rö mɨdmɨdun. Hon nan si nan naij nöp göl gɨ mɨdmɨdun; nɨbi bɨ gau kalɨp gasɨ naij nɨŋun, nan kale gau nan hon rö mɨdaiböp, a gun, kalɨp pen nɨŋno mulu lugö pen nɨŋlö mulu lugö gɨmɨdun. Pen jɨ nɨŋlö pen jɨ nɨŋun gɨmɨdun.

1 Pida 4:2

Ñɨn anɨbu rɨköm, ñɨn aigeg Mɨnöŋ naböŋ iƚ i hañ romaŋ mɨdeinabun u, God nɨp aij gɨnɨm adö u nöp gun, a göm, mɨdmagö kale ke uraknab adö u gagnaböl.