Romans 16:8 - Kobon

⁸ Mam mɨdmagö yad Ampliedas, Krais nɨp cɨg aij göp u, nɨp hagmim, “Pol nöp, ‘Mɨdpan?’ a göp,” a gɨmim.

Romans 16:8 ပူးပေါင်းရင်းမြစ်များ

Madyu 5:47

Kale añ mam kale gau nöp hag wɨhai udnabim u, nɨbi bɨ God nɨp gasɨ nɨŋagpal gau, nɨbi bɨ yɨharɨŋ gau kalɨp gɨpal rö nöp gɨnabim.

Romans 16:5

Pen nɨbi bɨ Krais Jisas nɨŋ udpal ram kalɨp ber u magum gɨpal gau kalɨp u rö nöp hagmim, “Pol kalöp, ‘Mɨdpim?’ a göp,” a gɨmim. Mam mɨdmagö yad Epinidas nɨp hagmim, “Pol nöp, ‘Mɨdpan?’ a göp,” a gɨmim. Esia Propins au, Krais nɨp nöd uda bɨ me anɨbu.

Romans 16:7

Pen bɨ rɨdɨk yad nɨŋeb rö, Adronaikas abe, Junias abe, kalɨp mɨhöŋ hagmim, “Pol kalöp mɨhöŋ, ‘Mɨdpil?’ a göp,” a gɨmim. Kalpe mɨhöŋ Krais nɨp nöd nɨŋ udlö, yad hainö nɨŋ udnö. Yɨp nagɨ lɨla rö, kalɨp mɨhöŋ u rö nöp nagɨ lɨlö, jɨm ñun mɨdmɨdun. Pen bɨ Jisas manö ud arep gau, bɨ anɨb mɨhau kalɨp nɨŋ aij yabɨƚ gɨpal.

Romans 16:9

Mam Urbanɨs nɨp hagmim, “Pol nöp, ‘Mɨdpan?’ a göp,” a gɨmim. Mam anɨbu yad aip Krais nɨp wög jɨm ñöl gɨmɨdul. Mam aij Sɨdakis nɨp u rö nöp hagmim, “Pol nöp, ‘Mɨdpan?’ a göp,” a gɨmim.

Pilipai 4:1

Anɨb u, nɨbi bɨ aij yad gau. Mɨlö kub gai i mɨdem, kalöp mɨdmagö lem, am nɨŋnam a gem, gasɨ u nɨŋöl gɨ mɨdpin. Kalöp nɨŋem, ñɨñɨ lem gasɨ halö mɨdpin. Manö kalɨ kƚiñ rɨkpin anɨbi nɨŋmim, anɨg gɨmim, Bɨ Kub nɨŋ ud pɨdöŋ göl gɨ mɨdaimim.

1 Jon 3:14

Hon Krais nɨbi bɨ añ mam gau kalɨp mɨdmagö lɨbun u me, hon nɨŋbun, hon nɨbi bɨ hadö umbal rö mɨdaino adö u arö gun, kamɨŋ gɨsön nɨbö u hadö udpun. Nɨbi bɨ mɨdmagö lagpal gau, kale nɨbi bɨ hadö umbal rö mɨdpal.