Romans 16:18 - Kobon

¹⁸ Nɨbi bɨ anɨg gɨpal gau, Bɨ Kub hon Krais nɨp wög u gun, a göm gasɨ u nɨŋöm gagpal; kalɨp ke aij göp adö u nöp gasɨ nɨŋöm gɨpal. Kale manö hain hain rö, nɨbi bɨ hib dap raneb manö u nöp hag hag gɨ mɨdlö nɨŋöl gɨ, nɨbi bɨ nɨŋ aij gagpal gau manö piral kale nɨŋ udöm dui gɨpal.

Romans 16:18 ပူးပေါင်းရင်းမြစ်များ

Madyu 24:11

Pen nɨbi bɨ iru nöp apöm, “Hon God manö hagep bɨ,” a göm, manö piral haglö, nɨbi bɨ iru nöp manö piral kale u udnaböl.

Madyu 24:24

Nɨbi bɨ rɨmnap, God nɨbi bɨ nɨpe hag la gau, böŋ hanɨp lau aulaŋ a göm, piral hagöm hagnaböl, ‘Yad me Krais; yad me bɨ God manö hagep bɨ ap,’ a göm, nan gagep rö rɨmnap gɨnaböl. Pen God nɨbi bɨ nɨpe hag la gau udagnaböl, wasö.

Madyu 6:24

“Bɨ añɨ ap, bɨ kub mɨhöp kalɨp wög gɨ ñɨnɨm rö lagöp. Nɨhön gɨnɨg: bɨ kub ap nɨp nɨŋö aij geinab, ap nɨp arö gɨnab: pen bɨ kub ap nɨp nɨŋö aij geinab, ap nɨp arö gɨnab. Anɨb u, kale mani nan aij mɨnöŋ naböŋ adö iƚ i mɨdöp gau, nɨŋbe aij gö, God nɨp arö gɨnabim rö löp u, nɨŋ aij gɨmim.

Madyu 7:15

“Pen nɨbi bɨ God manö hagabun a göm piral hagpal gau, kaj sipsip hain aij rö halu löm aunaböl u pen apöm mɨdöl gɨ, kain hapeb nɨbi bɨ hau löp rö u kalöp gɨnaböl. Anɨb u, nɨŋ aij gɨmim.

John 12:26

Pen nɨbi bɨ an yɨp wög gɨnɨg gɨnabin a gɨnab u, nɨpe yɨp hain gɨnɨm; yad gai mɨdeinabin u, nɨbi bɨ wög gɨ ñeb yad aip mɨdeinab. Nɨbi bɨ an wög yad gɨ ñɨnab, Bapi yad nɨbi bɨ anɨbu hib nɨpe u dap rannab.”

Romans 14:18

Hon Krais nɨp nɨŋ udun anɨg göl geinabun u, God nɨŋö aij gɨnab; nɨbi bɨ gau nɨŋöm, gɨ aij gɨpal, a gɨnaböl.

Romans 16:19

Kale pen God manö aij u ud aij gɨmim, hagöp rö gɨmɨdim, nɨbi bɨ gau magöŋhalö nɨŋbal u, yɨp aij yabɨƚ göp. Nan nɨhön God amgö ilö nɨpe aij gɨnɨm u, kale nɨbi bɨ gasɨ nɨŋeb rö mɨdmim, nan nɨhön God amgö ilö nɨpe nan si nan naij rö mɨdnɨm u, kale nɨbi bɨ gasɨ hauƚ rö mɨdmim u, yɨp aij gɨnab.

2 Korid 11:3

Pen yad pɨñɨŋ gɨpin u, hadame nöp haiŋo u pir alö, Ip nɨŋ uda rö, nɨbi bɨ rɨmnap kalöp u rö nöp manö piral gau hag ud arlö, gasɨ kale nɨŋbal rö nɨŋmim, Krais nɨp gasɨ añɨ nɨŋmim ud aij gɨpim u, arö gɨmim rö löp.

2 Korid 2:17

Nɨbi bɨ iru nöp mani nan gau iru nöp udun a göm, God Manö aij nɨpe u hag ajpal. Pen hon unbö rö gagpun. God nɨpe hanɨp hag lɨ yuöm nɨŋ mɨdö nɨŋöl gɨ, hon Krais nɨbi bɨ nɨpe mɨdun manö nɨŋö yabɨƚ nöp hagun a gun, God Manö aij nɨpe u kabö göl nöp hag ñɨbun.

2 Korid 4:2

Pi göm gɨpal adö u abe, nable gö nɨŋöl gɨ gɨpal adö u abe hon gagpun. Nɨbi bɨ gau kalɨp manö piral hagagpun. Hon God Manö hag ñɨnɨg gabun u, manö hon rɨmnap halö hagun hag ñagpun. Nan nɨhön nɨhön gɨpun gau piral adö u gagpun. God Manö aij nɨpe u kabö göl nöp waiö hag ñɨbun. Anɨg gɨno, nɨbi bɨ gau hanɨp nɨŋöm, mɨdmagö aŋ kale daŋ nɨŋnaböl, hon God amgö ilö adö nɨpe u bɨ aigale bɨ rö mɨdpun.

Galesia 1:10

Manö hagabin anɨbi, nɨbi bɨ gau hib yad u haglö adö araŋ, a gem, hagagabin. God yɨp nɨŋöm ñɨñɨ lɨnɨm a gem hagabin. Yad nɨbi bɨ gau kalɨp wañ wañ göl gɨ hagagabin. Ai gɨnɨg: yad anɨg gem wañ wañ göl gɨ hagbnep u, Krais wög gɨ ñeb bɨ nɨpe ap mɨdagbnep.

Pilipai 2:21

Bɨ rɨmnap anɨg gagpal; kalɨp ke aij gɨnɨm rö gasɨ nɨŋöm gɨpal; Jisas Krais nɨp aij gɨnɨm rö gasɨ nɨŋöm gagpal.

Pilipai 3:19

Kale ram mɨnöŋ naij yaŋ u arnaböl. Hañ romaŋ kale gasɨ göp adö u nöp gasɨ nɨŋbal. Nan si nan naij gɨlö nable gɨböp pen kale bɨ gau kalɨp waiö hagpal. Nan mɨnöŋ naböŋ adö iƚ i mɨdöp nöp gasɨ nɨŋbal.

Kolosi 2:4

Nɨbi bɨ rɨmnap pir alöm, manö kƚiñ aij rɨmnap haglö nɨŋöl gɨ, manö piral kale anɨbu nɨŋ udmim rö löp a gem, kalöp manö anɨbi hag ñɨ aij gabin.

Kolosi 3:24

Wög gɨ ñɨbim u, Bɨ Kub Krais nɨp wög gɨ ñɨbim. Kale nɨŋbim Bɨ Kub nɨpe pen ñöm kalöp nan aij ñɨnab.

2 Desalonaika 2:10

God nɨp kauaƚ mauaƚ mɨdöp bɨ u, nɨbi bɨ gau kalɨp pir alöm, neb neb hagöm, ɫɨp ɫɨp göm gɨ dam mɨdö nɨŋöl gɨ, mab ke yaŋ arnɨg gɨnaböl nɨbi bɨ gau manö nɨpe u udnaböl. Kale Krais manö aij u nɨŋöm manö nɨŋö a göm nɨŋ udöm mɨdmagö aŋ kale daŋ lɨblap u, God kalɨp nɨbi bɨ nɨpe ke rö udböp. Pen kale anɨg gagla; kale manö aij u jɨ nɨŋla.

1 Dimodi 6:5

Kale Jisas manö nɨŋö nɨpe u arö göm, God adan arnabun uɫpö kɨƚno mani nan gau udnabun, a göm, gasɨ naij nöp nɨŋöm, pör pör nöp manö pen pen hagpal.

Jems 1:1

Yad Jems. God, Bɨ Kub Jisas Krais, kalɨp apil mɨhau wög gɨ ñabin. Kalöp nɨbi bɨ Jisas Krais manö aij nɨpe u nɨŋ udmim, ju am ram mɨnöŋ ke gau gau mɨdpim gau, köp anɨbi kalɨ kƚiñ rɨkem, “Kale mɨdpim?” a gabin.

2 Pida 2:3

Mani nan gau udun, a göm, kalöp manö piral yabɨƚ hagnaböl. Anɨg gɨnaböl u pen God nɨpe hadame nöp nɨŋ nöp mɨdmɨdöp. Nɨpe kalɨp manö kub hagöm al pak lɨnɨg gab.

Jude 1:1

Yad Jud, Jems nɨmam nɨpe u. Jisas Krais wög gɨ ñeb bɨ nɨpe ap mɨdpin. Manö kalɨ kƚiñ rɨkabin anɨbi, kalöp nɨbi bɨ Bapi God, kalöp udnabin a göm udöm mɨdmagö löp nɨbi bɨ gau, kalɨ kƚiñ rɨkabin. Jisas Krais nɨpe kalöp abad mɨdöp.

Jude 1:12

Pen kale God nɨp mɨdmagö löl gɨ, añ mam pen pen mɨdmagö löl gɨ, nan jɨm ñöl ñɨŋnɨg apim, magum gɨpim ñɨn u, kale God nɨp gasɨ nɨŋöm wasö, yɨharɨŋ apöm nan uŋam ud ñeb gɨ ñɨŋlö, gac kale kalöp u rö nöp cɨg göp. Anɨb u, kumi apöm möŋ alagöm yɨharɨŋ pak gɨ dö gɨ aröp rö u mɨdpal. Mab ñɨŋeb magö pɨlagö iƚ halö ud julö hadö böŋ nöp mɨƚep ga rö mɨdpal.

Jude 1:16

Bɨ manö piral hagpal, kalɨp hagabin gau, kale pör hag har har göl gɨ, manö udöl gɨ, gɨ mɨdpal. Hanɨp ke aij gɨnab adö u gun, a göm, haƚöwaƚö gɨ naij gɨlö arab. Yad nöp bɨ kub mɨdpin, a göm, gasɨ u nɨŋöm, hagpal. Pen nɨbi bɨ rɨmnap hanɨp aij gɨnɨm adö u gɨlaŋ, a göm, kalɨp hib dap raneb manö piral nöp hag hag gɨlö aröp.

Repelesin 1:1

Yad Jon, God wög gɨ ñeb bɨ nɨpe ap mɨdpin. Manö kalɨ kƚiñ rɨkabin anɨb i, nöd waiö nɨŋagla. Nɨbi bɨ God nɨp wög gɨ ñɨbal gau, nan nɨhön nɨhön söl gɨnɨm u nɨŋlaŋ, a göm, God nɨpe Jisas Krais nɨp hagö, nɨpe pen ejol nɨpe u yuö apöm gö, yad naböŋ nɨŋnö.