Romans 14:23 - Kobon

²³ Pen nan rɨmnap gasɨ mɨlö lun ñɨŋnabun u, manö mɨdeinab. Nɨhön gɨnɨg: anɨg geinabun, God nɨp aij gɨnɨm a gɨ gasɨ u nɨŋun ñɨŋagnabun; nɨp aij gɨnɨm aka aij gagnɨm a gɨ gasɨ u nɨŋun ñɨŋnabun. Hon anɨg göl rö haƚöwaƚö geinabun u, nan si nan naij gɨnabun.

Romans 14:23 ပူးပေါင်းရင်းမြစ်များ

Romans 13:2

Anɨb u, nɨbi bɨ an gapman manö rɨb jueinab, God haga gapman mɨdöp manö nɨpe u abe rɨb junab. Bɨ anɨbu God nɨp manö kub hagnab.

Romans 14:5

Pen nɨbi bɨ rɨmnap nɨŋlö, ñɨn ap God ñɨn kub nɨpe rö löp, ñɨn ap ñɨn yɨharɨŋ rö löp. Pen nɨbi bɨ rɨmnap nɨŋlö, ñɨn ap God ñɨn kub nɨpe rö lagöp, ñɨn magöŋhalö ñɨn ke ke rö mɨdagöp. Anɨb u, kale ke ke mɨdpim rö, gasɨ kale aij nɨŋbim adö anɨbu nɨŋmim gɨpe arnɨm.

1 Korid 8:7

Pen nɨbi bɨ rɨmnap manö anɨbu nɨŋagpal. Nagɨ adö u aij, nagɨ adö u naij, a göm nɨŋ aij gagal. Anɨb u, god piral gau nɨp nan pak sabe gɨ ñɨbal nan u ñɨŋöm, nɨhön gɨnɨg god piral ñɨbal nan ñɨŋbun a göm gasɨ iru nɨŋnaböl.

Daidas 1:15

God nɨbi bɨ aij nɨpe gau nan rɨmnap hil gagpal; nan aij a göm haƚöwaƚö udpal. Pen nɨbi bɨ nan si nan naij nöp gɨmɨdal gau abe, nɨbi bɨ Krais nɨp nɨŋ udagpal gau abe, nan iru nöp hil gɨpal. Nɨbi bɨ anɨb gau rö, gasɨ rɨmɨd kale böŋ nöp naij gö, gasɨ nɨŋ aij gagpal.

Hibru 11:6

Nɨbi bɨ God nɨp nɨŋ udöm, God Manö hagöp u manö nɨŋö hagöp a gɨnaböl gau nöp, God nɨŋö aij gɨnab. Nɨhön gɨnɨg: nɨpe kamɨŋ mɨdöp rö, nɨp sabe gɨno, hanɨp manö hagöp rö gɨnab a gɨpal nɨbi bɨ gau nöp ud aij gɨnab.