Repelesin 2:9 - Kobon

⁹ Nɨpe hagöp, “Yad nɨŋbin, nɨbi bɨ rɨmnap, hon God nɨbi bɨ yɨjɨg göl mɨdpun a gɨpal u pen Seden sabe gep ram nɨpe mɨdöm, kalöp manö udöl gɨ mɨdpal. Marö kalöp nɨhön nɨhön mɨdöp gau, yad u rö nöp nɨŋbin. Kale nɨbi bɨ mög gep rö mɨdpim u pen yad nɨŋbin God amgö ilö adö nɨpe u kale nɨbi bɨ gep yabɨƚ mɨdpim.

Repelesin 2:9 ပူးပေါင်းရင်းမြစ်များ

Madyu 4:10

Hageia, Jisas Seden nɨp haga, “Ne ke gau aru! God Manö u kalɨ kƚiñ rɨköm hagla, ‘God Bɨ Kub hib nɨpe u nöp hagpe adö arnɨm; wög nɨp nöp gɨmim,’ a gɨla,” a ga.

Luke 12:21

“Anɨbu rö me, nɨbi bɨ nan aij gau iru nöp ud magum göm mɨñ mɨñ gɨpal u, pen God amgö ilö nɨpe au kale nɨbi bɨ mög gep rö mɨdpal,” a ga.

Luke 22:65

Pen manö naij anɨbu rö, nɨp rapɨn iru nöp hagla.

Luke 4:18

“Bɨ Kub u yɨp, wög yad gɨmön, a göm, Ana nɨpe yuö yad aip mɨdöp. Anɨb u, nɨbi bɨ mög gep rö mɨdpal gau kalɨp manö aij u hag ñɨnö, nɨŋ aij gɨnaböl. Nɨbi bɨ nagɨman rö mɨdpal gau kalɨp hubɨk yunö, arnaböl. Nɨbi bɨ amgö we göp rö mɨdpal gau kalɨp gɨnö, amgö ñɨl nɨŋnaböl. Nɨbi bɨ uɫham mɨdpal gau kalɨp ud aij gɨnö, mɨd aij gɨnaböl.

Luke 6:20

Jisas bɨ nɨpe gau kalɨp amgö nɨŋöl gɨ haga, “Kale nɨbi bɨ mög gep rö mɨdpim gau, God kalɨp ud aij göm abad mɨdeinab. Gasɨ anɨbu nɨŋmim mɨñ mɨñ gɨmim.

John 16:33

“Pen kalöp manö hag ñajɨn anɨbi, yad aŋ daŋ nöp mɨdmim, agamɨj mɨd aij gɨmim a gem hag ñajɨn. Mɨnöŋ naböŋ iƚ i mɨdpim rö, kalöp mɨŋör ñɨnaböl. Pen gasɨ halö mɨdaimim, nan nɨhön nɨhön mɨnöŋ naböŋ iƚ i kalöp gɨnab u, yad kƚö anɨbu magöŋhalö ud raƚa mɨgan yad u hadö lɨbin,” a ga.

Aposɨl 26:11

Juda magum gep ram gau ajem, nɨbi bɨ Jisas nɨp nɨŋ udla gau kalɨp mulu kal nɨŋem, kale Jisas manö nɨpe u arö gɨlaŋ, a gem, kalɨp gɨ naij gɨmɨdin. Yad gasɨ adö añɨ ap nöp nɨŋem, ñɨn rɨmnap nɨbi bɨ anɨb gau kalɨp uƚhai nɨŋɨn, a gem, ram mɨnöŋ mɨlö kub gau ajmɨdin.

Romans 12:12

Bɨ Kub hanɨp udnab, a gɨmim, aij a gö nɨŋöl gɨ, nɨp abad mɨdaimim. Kalöp marö rɨmnap auainɨm, agamɨj mɨdaimim. God nɨp sabe gep u arö gagmim, pör nöp sabe göl gɨ mɨdaimim.

Romans 2:17

Pen kale Juda nɨbi bɨ gau, hib kale ke dap ranöl gɨ hagpim, “God nɨpe lo manö hanɨp ña u me, nɨbi bɨ nɨpe ke yabɨƚ mɨdpun.

Romans 5:3

Mɨŋör auö, uɫham mɨdpun u, mɨñ mɨñ göl gɨ mɨdpun. Nɨhön gɨnɨg: mɨŋör auö, uɫham mɨdeinabun u, hon kƚö gun, Jisas Krais cɨg aij gun, arö gagnabun.

Romans 8:35

Krais hanɨp mɨdmagö yabɨƚ löp u me, an nɨp wasö göm hanɨp ud asɨk ke lɨnab? Nan ap ke waiö löm, hanɨp ud asɨk ke lɨnɨm rö lagöp. Hanɨp marö rɨmnap gɨnab aka, uɫham mɨdeinabun aka, kɨyö kub leinab aka, waƚɨj mɨdageinab aka, gasɨ mɨlö nɨŋnabun aka bɨ rɨmnap hanɨp, Krais pɨg mɨdpal, a göm, hanɨp gɨ naij gɨnaböl aka, al pak lɨnaböl aka, nan nɨhön gɨnab, Krais aip jɨm ñöl nöp mɨdeinabun.

Romans 9:6

God Manö haga u, haga rö nöp ga. Isrel ñɨ pai rɨklö, rɨk dam dapɨl gɨ damöm, rɨk daula gau rɨmnap Isrel nɨbi bɨ kabö rö mɨdagpal.

2 Korid 6:10

mɨŋör kub göp u pen mɨñ mɨñ göl gɨ mɨdpun; bɨ mög gep rö mɨdpun u pen wög hon gɨpun adö u nɨbi bɨ iru nöp nɨbi bɨ gep rö mɨdpal; nan mɨdagöp rö mɨdpun u pen magöŋhalö udpun.

2 Korid 8:2

Mani kale mɨdagö, uɫham mɨdeila u pen kale mɨñ mɨñ göl gɨ mani kale God nɨp ñeb haƚöwaƚö ñɨla.

2 Korid 8:9

Bɨ Kub hon Jisas Krais hanɨp mög nɨŋöm ud aij ga rö nɨŋbim; nɨpe ram nɨpe au mɨdöm, nan ap uƚep gaga me. Mɨd aij yabɨƚ gaia u pen kalöp nan a göm, magöŋhalö mɨdeia au arö göm, iƚ i apöm, bɨ mög gep rö yabɨƚ u mɨdeia. Nɨpe anɨg ga u, kale nɨbi bɨ gep rö, nɨbi bɨ nan ap uƚep gagöp rö mɨdaimim a göm, anɨg ga.

1 Desalonaika 3:4

Kale aip mɨdun, hanɨp gɨ naij gɨnaböl a gɨno u, kale anɨb unbö rö nöp gɨla u hadö nɨŋbim.

1 Dimodi 1:13

Pen nöd yad mɨd aij gagmɨdin. Yad God nɨp hag juem, Krais Jisas nɨbi bɨ nɨpe gau kalɨp gɨ naij gem, bɨ naij, bɨ kal yabɨƚ mɨdmɨdin. Pen God nɨp nɨŋagem, manö haga iƚ u nɨŋagem gɨnö u me, yɨp mög nɨŋöm uda.

1 Dimodi 6:18

Anɨb u, kalɨp hagaimön, nan iru mɨdöp rö, nɨbi bɨ gau ud aij göm, kalɨp mög nɨŋöm, nan kale rɨmnap kalɨp haƚöwaƚö ñöl. Kale nɨbi bɨ rɨmnap kalɨp gɨ aij göm, gɨ ud arlö ud arlö, kalɨp iru gagnɨm.

Repelesin 1:9

Yad namam Jon, Kiŋ hon Jisas ram nɨpe mɨdun, nɨp wög gɨ ñɨno, nɨbi bɨ gau hanɨp gɨ naij gɨlö, gasɨ iru nɨŋagun, gasɨ halö mɨdun, nɨp arö gagun, kƚö yabɨƚ gun gɨno arab. Yad God Manö u hag ñem, Jisas apöm manö aij hanɨp hag waiö la manö nɨŋö anɨbu hag ñɨnö, yɨp nagɨ löm, dam ñɨg solwara rɨb gus ga airan Padmos au lɨla.

Repelesin 2:13

Nɨpe hagöp, “Yad nɨŋbin, kale bɨsƚam yabɨƚ mɨdpim. Nɨbi bɨ ram mɨnöŋ kale mɨdpim aŋ au, Seden kiŋ rö abad mɨdöp. Pen kale manö yad nɨŋ ud aij gɨmim, yɨp cɨg aij göl gɨ mɨdpim. Ram mɨnöŋ Seden abad mɨdöp anɨbu, namam Adipas manö aij yad u nɨbi bɨ gau kalɨp hag ñɨ mɨdö, nɨp al pak lɨla u pen yɨp arö gagpe.

Repelesin 2:2

Nɨpe hagöp, “Kal wög kƚö gɨmim gɨ dammim bɨsƚam mɨdmim, jɨ nɨŋagpim u, nɨŋbin. Nɨbi bɨ gɨ naij gɨpal gau kalɨp nɨŋbe, kalöp aij gagöp. Bɨ Jisas manö ud arep mɨdpun, a göm, manö piral hagpal gau kalɨp nɨŋ aij gɨmim, asɨ masɨ gɨpim.

Repelesin 2:24

Pen kale Daiadaira nɨbi bɨ rɨmnap, nɨbi anɨbu manö naij hag ñöb manö u udagmim, Seden manö naij yuö a gɨpal manö u udagpim rö, manö marö kalöp rɨmnap hagagnabin.

Repelesin 3:9

Nɨbi bɨ rɨmnap, hon God nɨbi bɨ yɨjɨg göl mɨdpun a gɨpal u pen Seden sabe gep ram nɨpe mɨdpal. Pen yad kalɨp gɨnö, kale magöŋhalö am ma iƚ kalöp au kugom yɨmöm, ubör yɨhöŋ göm, yad kalöp mɨdmagö lɨbin u nɨŋöl.

Repelesin 7:14

Hageia hagnö, “Bɨ kub. Yad nɨŋagpin; pen ne nɨŋban,” a gɨnö. Anɨg hagnö, yɨp haga, “Nɨbi bɨ gai i kalɨp marö ñɨlö, bɨsƚam yabɨƚ mɨdöm kamɨŋ aubal. Pen kale Sipsip Pi hagape nɨpe u udöm, waƚɨj kale gau uɫ maɫɨ gɨlö, rud göp.