Repelesin 13:6 - Kobon

⁶ Nɨpe anɨg göm, God nɨp hag juöm, hib nɨpe manö naij hagöm, ram mɨnöŋ nɨpe kumi kabö adö laŋ au hag juöm, adö laŋ au nɨpe aip mɨdpal gau kalɨp hag juöm, ga.

Repelesin 13:6 ပူးပေါင်းရင်းမြစ်များ

Madyu 12:34

Kale haiŋo ñɨ pai yag daubal gau me anɨg hagabim. Kale nɨbi bɨ naij anɨbu rö, aige gɨmim manö aij hagnabimŋ Nɨbi bɨ manö hagpal rö nɨŋnabun me, hibur gasɨ mɨdmagö kalɨp aŋ daŋ nɨhön rö mɨdöp u nɨŋnabun.

Madyu 15:19

Gasɨ kale ke nɨŋöm, gasɨ naij nɨŋöm, nɨbi bɨ al pak löm, nɨbi si bɨ si göm, nan gau si udöm, manö kub hagnaböl ñɨn u manö piral hagöm, nɨbi bɨ rɨmnap kalɨp hag juöm, gɨpal.

John 1:14

Pen Manö anɨbu, nɨpe apöm bɨ hañ romaŋ löm, hanɨp aip han mɨdmɨdöp. Anɨb u, hon mailö magö aij nɨpe hadö nɨŋbun. Nɨpe Bap Ñɨ nɨpe añɨ yabɨƚ u me, Bap nɨpe ke mailö magö aij ke halö mɨdöp rö, Ñɨ nɨpe u rö nöp mɨdöp. Pen nɨpe hañ romaŋ löm bɨ rö apöm, hanɨp magöŋhalö mög nɨŋöm mɨdmagö yabɨƚ löm, God Manö nɨŋö u magöŋhalö hag ñɨ aij gɨmɨdöp.

Romans 3:13

Aɫab kale u ado malo göm, pör piral yabɨƚ nöp hagpal. Rugu mɨgan kale u, wip umö paƚu gɨ aij gaglö, haƚɨŋ naij auöp u rö mɨdöp. Nɨbi bɨ rɨmnap kalɨp nɨŋlö mulu lugö, hag juöm, manö naij hagpal u, re naij hauaɫ rö mɨdpal.

Kolosi 1:19

God gasɨ nɨpe ke nɨŋöm gö, God nɨpe mɨdöp rö nöp, Krais anɨb unbö rö nöp mɨdöp.

Kolosi 2:9

Nɨhön gɨnɨg: Krais hañ romaŋ halö mɨdöp u pen God mɨdöp rö u, Krais nɨpe anɨb unbö rö nöp mɨdöp.

Hibru 9:2

Sel ram anɨbu, ram raul mɨgan mɨhöp geila. Ram magö raul mɨgan ap gɨ löm, Ram Raul Mɨgan Uɫ u a gɨla. Raul mɨgan anɨbu hapö mɨɫaŋ lauep nan ap löm, abañ bad ap löm, God nɨp sabe gɨ ñeb bred u pör pör dam abañ adö anɨbu lɨmɨdal.

Hibru 9:24

Sel ram nöd nɨbö Isrel nɨbi bɨ gɨ löm God nɨp sabe gɨ ñɨmɨdal u, nan ram mɨnöŋ kumi kabö adö laŋ au mɨdöp gau ana rö nɨŋöm gɨpal rö nöp mɨdeia. Pen Krais ram mɨgan raul anɨbu rö araga. Nɨpe ram mɨnöŋ kumi kabö adö laŋ au aramöm, uri hanɨp bɨ aŋ nɨbö rö mɨdöm God mɨdöp aip mɨdöp.

Repelesin 11:12

Pen bɨ God manö hagep anɨb mɨhau nɨŋlö, manö kub ap kumi kabö adö laŋ nɨbö, “Kale auɨl!” a ga. Nɨbi bɨ kauaƚ mauaƚ kale mɨhöŋ gau nɨŋ mɨdlö nɨŋöl gɨ, kumi rud ap kalɨp wam wam gɨ udö, God ram mɨnöŋ kumi kabö adö laŋ au arlö.

Repelesin 12:12

Anɨb u, kale kumi kabö adö laŋ au mɨdpim gau, mɨñ mɨñ göl gɨ mɨdaimim. Pen kale mɨnöŋ naböŋ abe, ñɨg solwara u abe mɨdpim gau, kalöp mög nɨŋbin. Nɨhön gɨnɨg: Seden nɨp kale mɨdpim anɨb yaŋ ud yulö, ñɨn nɨpe iru mɨdagöp rö, kal yabɨƚ juöp,” a ga.

Repelesin 15:5

Pen yad kauyaŋ nɨŋem nɨŋnö, God nɨp sabe gep sel ram au Ram Raul Mɨgan Kamɨŋ Aij Ke Yabɨƚ u hiɨköl mɨdeia.

Repelesin 18:20

“Pen God nɨpe gö Babilon böŋ nöp pa jö ma jö gɨ mɨdöp u, kale kumi kabö adö laŋ mɨdpim gau paj hagmim obi ale ale gɨmim mɨñ mɨñ gɨmim! God gö, bɨ si udep nɨbi anɨbu böŋ nöp ap lug paköp u, kale Krais nɨbi bɨ nɨpe mɨdpim gau abe, Krais manö aij nɨpe ud arep bɨ gau abe, God manö hagep bɨ gau abe, kale obi ale ale gɨmim mɨñ mɨñ gɨmim! Nɨpe kalöp gɨ naij ga u nɨŋöm God nɨpe nɨp manö kub hagöm, nɨp pen ilön kub yabɨƚ ñöb me u,” a ga.

Repelesin 21:3

Pen yad apdi nɨŋnö, sea kiŋ mɨdeia aŋ au nɨbö, manö kub wɨñ al hagöm haga, “Mɨñi rɨköm, God nɨpe ke nɨbi bɨ gau aip ram gɨ löm mɨdeinab. Nɨpe nɨbi bɨ gau aip han mɨdeinab nɨŋöm kale nɨbi bɨ nɨpe mɨdeinaböl. God nɨpe ke kalɨp aip mɨdöm, God kale mɨdeinab.

Repelesin 4:1

Pen manö kalɨ kƚiñ rɨkpin anɨbu naböŋ nɨŋ damem, kauyaŋ u naböŋ nɨŋem nɨŋnö, God ram mɨnöŋ kumi kabö adö laŋ au ajöŋ hiɨköl mɨdeia. Nöd aƚɨŋ magö rö hagö nɨŋnö u, kauyaŋ u hagöm yɨp haga, “Adö i aumön, nan hain gɨnab gau nöp yamnam,” a ga.

Repelesin 4:4

Sea kiŋ nɨpe u aŋ yaŋ mɨdö nɨŋöl gɨ, bɨ kub bɨs gɨpal sea kiŋ unbö ñɨn juöl ado gɨ da mɨhau mɨhau (24) gau löm gɨgabö gɨla. Bɨ kub manö ud asɨkep gau waƚɨj rud yɨmöm, kabö gol udöm gɨla usajɨl bad gau ke ke löm, asɨk mɨdeila.

Repelesin 5:13

Pen yad nɨŋnö, nan nɨhön nɨhön God gɨ lö ake lab kumi kabö adö laŋ, mɨnöŋ naböŋ iƚ i, mɨnöŋ yuö yaŋ, ñɨg solwara aŋ gau magöŋhalö, kɨmap hagöm hagla, “Bɨ sea kiŋ bɨs göp u abe, Sipsip Pi u abe, kale hib ke halö mɨdpil, a gun, hib kalpe mɨhau hagno adö araŋ. Kale aij ke yabɨƚ mɨdpil, a gun, hib kalpe mɨhau hagno adö araŋ. Kale mailö aij ke halö mɨdpil, a gun, hib kalpe mɨhau hagno adö araŋ. Kale kƚö ke yabɨƚ mɨdpil, a gun, hib kalpe mɨhau hagno adö araŋ,” a gɨla.

Repelesin 7:15

Anɨb u me, “Kale God sea kiŋ iƚ aŋ au mɨdöl gɨ, sɨdö aŋ, sɨbön yaŋ, sabe gep ram raul mɨgan nɨpe u wög nɨpe göl gɨ, gɨpal. Bɨ sea kiŋ bɨs gɨ mɨdöp u kalɨp abad mɨd aij yabɨƚ gɨnab.

Repelesin 7:9

Pen manö kalɨ kƚiñ rɨkpin anɨbu naböŋ nɨŋ damem, kauyaŋ u naböŋ nɨŋem nɨŋnö, Bɨ sea kiŋ asɨka u abe, Sipsip Pi u abe mɨdlö nɨŋöl gɨ, nɨbi bɨ iru nöp amgö ilö adö kale au urak mɨdeila. Nɨbi bɨ anɨb gau, ram mɨnöŋ ke ke la rö, iƚ ke ke la rö, hañ ke ke la rö, manö yabɨƚ ke ke la rö, gau nɨbö gau nɨbö apöm mɨdeila. Nɨbi bɨ wö ralep rö mɨdageia anɨb gau, magöŋhalö waƚɨj rud nöp yɨmöm, galon uɫaŋ ud mɨdöl gɨ,