Pilipai 4:5 - Kobon

⁵ Nɨbi bɨ hain aij yabɨƚ mɨdaimim, nɨbi bɨ gau magöŋhalö nɨŋöl. Bɨ Kub söl aunab.

Pilipai 4:5 ပူးပေါင်းရင်းမြစ်များ

Madyu 6:25

“Adö anɨbu me kalöp hagabin: nan gai nɨbö ñɨŋun mɨdaiun, waƚɨj gai nɨbö rol gun mɨdaiun, a gɨmim, gasɨ kub u nɨŋagmim. Kamɨŋ mɨdep u nan kub; nan ñɨŋeb nan pro. Uri mɨdpun i, hañ romaŋ nan yabɨƚ; hañ romaŋ waƚɨj rol gep nan pro. Anɨg gö nɨŋmim, God kalöp gɨ la u, nɨpe nan ñɨŋeb, waƚɨj hañ romaŋ rol gep, nan pro anɨb gau ñagnab a gɨ nɨŋbim ar?

Madyu 6:34

Anɨb u, rol ruö nɨhön gun mɨdaiun, a gɨmim gasɨ kub u nɨŋagmim. Ñɨn uri u ñɨn uri. Uri ñɨn i nöp nan mɨŋör rɨmnap mɨdöp u, u nöp gasɨ nɨŋmim.

Luke 21:34

“Pen nɨŋ aij gɨmim. Kale ñɨg wain ñɨg kƚö iru ñɨŋmim hauƚ lɨmim, nan mɨnöŋ naböŋ adö iƚ i nöp gasɨ nɨŋ mɨdeinabim ñɨn anɨbu nöp, yaur kaj wal wayöŋ hel lɨlö yɨŋɨd nöp udöp rö u gɨnab.

1 Korid 16:22

Nɨbi bɨ an, Bɨ Kub nɨp mɨdmagö lagnab u, pen ilön udnɨm. Anɨb u, Bɨ Kub hon, ne aumön!

1 Korid 6:7

Pen kale Bɨ Kub Jisas nɨŋ udpim rɨmnap urakmim, nañɨn namam kale ke rɨmnap dam manö kub hagpim u nɨŋem nɨŋbin, kale Bɨ Kub Jisas nɨŋ udpal nɨbi bɨ gɨpal rö gagabim. Bɨ Kub Jisas nɨŋ udpim nañɨn namam rɨmnap kalöp gɨ naij gaiöl u, arö gɨnabim u aij; urakmim kalɨp dam manö kub hagnabim u aij wasö. Bɨ Kub Jisas nɨŋ udpim nañɨn namam rɨmnap nan kalöp ɫɨp gɨ udaiöl u, arö gɨnabim u aij; urakmim kalɨp dam manö kub hagnabim u aij wasö.

1 Korid 8:13

Anɨb u, nan ñɨŋeb rɨmnap ñɨŋnö, añ mam ap nɨŋöm ap lug pakeinab u, yad nan yuö rɨmnap ñɨŋagnabin; yɨharɨŋ haɫɨ maj nan ñɨŋem umnabin.

1 Korid 9:25

Nɨbi bɨ resɨs göm, nöd amjakun a göm gasɨ u nɨŋbal gau, asɨ masɨ gɨ aij göm, pör kƚö göm eksais gɨ dam dam, hainö resɨs gɨnaböl. Usajɨl bad pör mɨdep wasö u, nan pro nöp udun a göm, anɨg gɨpal. Pen hon usajɨl bad pör mɨdep udun a gun, anɨg gɨpun.

2 Korid 10:1

Nɨbi bɨ rɨmnap yɨp hagpal, “Pol nɨpe hon aip mɨdöm, bɨ hain manö hagagep bɨ u mɨdöp u pen am mɨlö gau mɨdöm, köp kalɨ kƚiñ rɨköm, manö kƚö göm hagöp,” a gɨpal. Pen kale manö adö ap hagöm hagpal, “Pol nɨpe nɨbi bɨ mɨnöŋ naböŋ iƚ i nɨbö gau nɨŋbal rö nöp nɨŋöm hagöp,” a gɨpal. Krais nɨpe Bɨ hain aij agamɨj mɨdöp rö, hib nɨpe hagem yad ke Pol kalöp manö kƚö gem hagabin, kale gasɨ nɨŋ aij gɨmim gɨ aij gɨmim. Yad amem nɨbi bɨ yɨp manö naij hagaböl gau kalɨp manö kub hagnabin. Pen kale gɨ aij gɨpe, kalöp anɨg unbö rö gagnabin u yɨp aij gɨnab.

2 Desalonaika 2:2

Pen nɨbi bɨ rɨmnap hagpal, Bɨ Kub ado gɨ aunab ñɨn u böŋ nöp auöp a gɨpal. Pen Pol bɨ gau God Ana gasɨ ñö manö hagla u nɨŋun kalöp hagabun a gaiöl, aka Pol bɨ gau anɨg haglö bɨ rɨmnap nɨŋöm manö daubal u nɨŋun kalöp hagabun a gaiöl, aka Pol bɨ gau köp kalɨ kƚiñ rɨköm yulö auöp i a gaiöl u, mɨdmagö kale pɨƚu gö, Pol bɨ gau kale ke manö anɨbi hag yula a gɨmim gasɨ iru nɨŋagmim.

Daidas 3:2

Pen nɨbi bɨ rɨmnap gau kalɨp manö piral haglö hib kale lugagnɨm; pen pen hagagöm, nɨbi bɨ rɨmnap gau hag ud aij göm, nɨbi bɨ gau magöŋhalö aip nɨbi bɨ hain mɨd aij göm, göl.

Hibru 10:25

Nɨbi bɨ rɨmnap God Manö nɨŋun a göm apöm magum gɨmɨdal u pen hainö arö gɨpal rö, gagun. Bɨ Kub ado gɨ apöm manö kub hagnab ñɨn u söl mɨdöp a gun, ap magum gun, manö aij nɨŋbun u, pen pen hag ñöl gun, jɨm ñöl mɨdaiun.

Hibru 10:37

God Manö u nɨŋun nɨŋbun, manö ap kalɨ kƚiñ rɨköm hagla, “Magö uƚep nöp ap mɨdöp Bɨ aunɨg gab u aunab.

1 Pida 4:7

Söl mɨdöp, nan nɨhön mɨdöp gau magöŋhalö pɨs gɨnɨg gab. Anɨb u, gasɨ nɨŋ aij gɨmim, agamɨj mɨd aij gɨmim, God nɨp sabe gɨmim.

Repelesin 22:20

Bɨ manö kalɨ kƚiñ rɨkpin anɨbi hagöp Bɨ u hagöm hagöp, “Yau! Söl mɨdöp nɨnabin,” a göp. Anɨb unbö rö aij! Bɨ Kub Jisas, ne aumön!

Repelesin 22:7

Jisas manö hagöm hagab, “Nɨŋim! Söl mɨdöp nɨnabin. Nan nɨhön nɨhön hainö gɨnɨg gab u, buk anɨbi mɨdöp. Nɨbi bɨ an manö anɨbi nɨŋ udöm, hagöp rö gɨnaböl gau, aij gö nɨŋöl gɨ mɨñ mɨñ gɨnaböl,” a göp.