Mark 9:33 - Kobon

^33-34 Pen adan aŋ au amöl gɨ, Jisas bɨ nɨpe gau, “Yad nöp bɨ kub, ne bɨ kub wasö,” a göl gɨ, pen pen haglö ara. Am Kapaneam amjaköm, ram raul u amöm, Jisas kalɨp hag nɨŋöm, haga, “Adan aŋ au apöl gɨ, manö nɨhön hagpe auajɨp?” ö ga. Hagö, bɨ nɨpe gau manö anɨbu hag nɨŋöl göm aula u nɨŋöm, nable gö, pen hag ñagla.

Mark 9:33 ပူးပေါင်းရင်းမြစ်များ

Madyu 17:24

Pen hainö, Jisas bɨ nɨpe gau aip daun pro Kapaneam amjaklö, bɨ God sabe gep ram dakɨs udep gau kale apöm Pida nɨp hagla, “Manö hag ñeb bɨ kale u dakɨs ñöb halö?” ö gɨla.

Mark 2:8

Pen gasɨ nɨŋla anɨbu, adɨŋ Jisas ke nɨŋöm haga, “Kale nɨhön gɨnɨg gasɨ anɨbu rö nɨŋabim.

Mark 3:19

Pen ap Judas Iskariod. Nɨpe me hainö Jisas nɨp mumug ga.

John 21:17

Jisas kauyaŋ pen hag nɨŋa, “Saimon Jon ñɨ nɨpe. Ne yɨp mɨdmagö lɨban aka?” ga. Pen Jisas anɨg göm, manö adö añɨ anɨbu nöp, “Ne yɨp mɨdmagö lɨban aka?” hag nɨŋöm hag nɨŋöm gö me, Pida gasɨ iru nɨŋöl gɨ haga, “Bɨ Kub. Ne nan gau magöŋhalö nɨŋban. Anɨb u, yad nöp mɨdmagö lɨbin u, ne hadö nɨŋban me,” a ga. Hageia, Jisas haga, “Anɨb u, sipsip yad gau abad mɨdaimön.

Hibru 4:13

Nɨhön nɨhön gɨnabun gau, God nɨŋ mɨdö nɨŋöl gɨ gɨnabun; agamɨj pi göl gun rö lagöp. Pen nɨpe nöp hanɨp manö kub göm, nɨhön nɨhön gɨpun manö u hag nɨŋö nɨŋöl gɨ nɨp hag ñɨnabun.

Repelesin 2:23

Nɨbi bɨ nɨp hain gɨpal gau kalɨp böŋ nöp al pak leinabin me, nɨbi bɨ yad ram mɨnöŋ ke ke cöc ke ke mɨdpal gau, yɨp nɨŋ aij göm nɨŋnaböl, yad nɨbi bɨ gasɨ rɨmɨd aŋ kale yaŋ nɨŋ aij gem, magöŋhalö gɨpim rö nɨŋem, kalöp añɨ añɨ pen anɨbu rö ñɨnabin.