Madyu 8:26 - Kobon

²⁶ Hagaila, kalɨp haga, “Nɨhön gɨnɨg pɨñɨŋ gabimŋ Kale manö yad pro pro rɨmnap nɨŋ udagpim aka?” ga. Anɨg hagöm, uraköm, pɨnöm asad udeia u hagö hir göm, ñɨg ral aueia u ur göm ga.

Madyu 8:26 ပူးပေါင်းရင်းမြစ်များ

Madyu 16:8

Pen Jisas kale hageila anɨbu ke nɨŋöm haga, “Kale nɨhön gɨnɨg bred dauagpun, a gɨmim, hag amɨl apɨl gabimŋ Kale yɨp nɨŋ ud aij gagpim. Bɨ paip dausan rö mɨdeila ñɨn u, bred magö unbö mamɨd u udem, ud jö gɨ ñainö, ñɨŋöm naböŋ naböŋ pɨl pali geila, wadɨ aigegö rö yagpe ajmaŋ raua?

Madyu 17:20

Hageila, Jisas haga, “Nɨŋ udep magö kale u uƚep göp u me, hag yu wasö nɨŋmim arö gɨpim. Pen nɨŋim! Nɨŋ udep magö kale u mab masded yɨŋ magö pro mɨdöp rö u mɨdeinab u, nan nɨhön nɨhön hageinabim, hagnabim rö gɨnab. Nö ilö i, ‘Ke gɨdaŋ aru,’ a gɨnabim u, arnab.

Madyu 6:30

Nan pɨƚpɨƚ anɨb gau nan yɨharɨŋ. Pör mɨdöm wasö, mɨñi rö mɨdöm, rol rö laubal. Pen God nan yɨharɨŋ anɨb gau gɨ löm rɨb adɨk aij gɨ ñöb u, nɨhön gɨnɨg hanɨp abad mɨdagnab a gɨmim nɨŋbimŋ Kale anɨg gasɨ nɨŋnabim u, kale God nɨp nɨŋ ud aij gagpim.

Madyu 8:27

Anɨg gö, kale aiö göm hagla, “Bɨ kal yabɨƚ i nɨpe bɨ aige rö bɨ gajɨp nɨŋöm pɨnöm asad udeia u hir göm, ñɨg ral auajɨp u ur göm göp?” ö gɨla.

Luke 4:35

Pen Jisas kɨjaki abaŋ al mɨdeia anɨbu nɨp hag göm haga, “Manö hagagmön! Bɨ u arö gɨmön höŋ aru!” a ga. Jisas hagö, kɨjaki aiön pi höŋ aröl gɨ bɨ anɨbu nɨp, nɨbi bɨ mɨdeila aŋ au ud yuöm ara. Pen nɨp mɨñu magö pakaga; kamɨŋ ara.

Romans 4:20

God nɨpe Ebraham nɨp manö kƚö nɨŋö haga u, Ebraham gasɨ mɨhöp nɨŋaga; nɨpe böŋ nöp nɨŋ uda. God Bɨ pɨdöŋ halö, manö kƚö nɨŋö haga rö nöp gɨnab, a göm, God manö haga u nɨŋ udöl gɨ mɨdeia rö, gasɨ magö nɨpe u pɨdöŋ rɨmnap halö udöm, nɨpe God manö haga u ud pɨdöŋ yabɨƚ göm, God hib nɨpe u hagö adö ara.

Repelesin 10:2

Nɨpe kumi kabö adö laŋ nɨbö apöm, ma yɨjɨg kɨd u ñɨg solwara adö u rauöm, ma sɨdagö kɨd u mɨnöŋ adö u raua. Köp pro bad ap pɨƚai udöl gɨ mɨdeia.