Madyu 5:15 - Kobon

¹⁵ Nɨbi bɨ gau hapö lauöm rin cög mɨgan gau pi gagnaböl. Adö au gɨlaŋ rɨk lɨlö mailö gö, nɨbi bɨ ram raul mɨgan gau magöŋhalö nɨŋ aij gɨnaböl.

Madyu 5:15 ပူးပေါင်းရင်းမြစ်များ

Mark 4:21

Jisas pen kauyaŋ manö ap hod rɨköm haga, “Nɨbi bɨ gau hapö lauöm rin cög mɨgan gau aka abañ adö hanbal mo gayɨk gau pi gagnaböl; adö aulɨk lɨlö mailö gɨnab.

Luke 11:33

“Nɨbi bɨ gau hapö lauöm rin cög mɨgan gau pi gagnaböl; adö au gɨlaŋ rɨk lɨlö mailö gö, nɨbi bɨ gau ram raul mɨgan anɨbu apöm waiö nɨŋnaböl.

Luke 11:36

Hañ romaŋ kale aŋ daŋ magöŋhalö mailö gɨ mɨdöl gɨ, mɨgan pro marap sɨbön mɨdageinab u, hapö mailö gö kalöp mailö pak ñɨnab unbö rö lɨnab,” a ga.

Luke 8:16

Jisas anɨg hagöm haga, “Nɨbi bɨ gau hapö lauöm rin cög mɨgan aka abañ adö hanbal u mo gayɨk gau pi gagnaböl. Adö au gɨlaŋ rɨk lɨlö mailö gö, nɨbi bɨ gau ram raul mɨgan anɨbu apöm mailö anɨbu nɨŋnaböl.

Pilipai 2:15

Kale anɨg gɨmim, ram mɨnöŋ iƚ i mɨdmim, nɨbi bɨ naij yabɨƚ nan si nan naij gɨmɨdal gau aip mɨdpim u pen kale God ñɨ pai nɨpe aij yabɨƚ asɨŋ mɨdagöp mɨdeinabim. Kamɨŋ ñeb manö u ud nɨbi bɨ nan si nan naij gɨmɨdal gau kalɨp ñɨmim, gapɨ magö kumi kabö laŋ ñɨ lab rö u, kale mailö ñɨ lɨmim. Anɨb u, Krais ado gɨ aunab ñɨn u, Krais manö aij kalöp pör hag ñɨbin u, hagnö pak lɨ aragöp, nɨŋöm adö anɨbu nöp gɨpal a gem, mɨñ mɨñ yabɨƚ gɨnabin.

Hibru 9:2

Sel ram anɨbu, ram raul mɨgan mɨhöp geila. Ram magö raul mɨgan ap gɨ löm, Ram Raul Mɨgan Uɫ u a gɨla. Raul mɨgan anɨbu hapö mɨɫaŋ lauep nan ap löm, abañ bad ap löm, God nɨp sabe gɨ ñeb bred u pör pör dam abañ adö anɨbu lɨmɨdal.

Repelesin 2:5

Nöd yɨp mɨdmagö lɨ mɨdmim gɨ aij gɨpe nagɨ aij anɨbu, nɨhön gɨnɨg arö gɨpun a gɨmim kuöyaŋ udmim, nöd mɨd aij gɨmɨdim rö mɨdaimim. Wasö u, yad apem ƚam kale u pɨƚɨ gɨ udnabin.