Madyu 23:16 - Kobon

¹⁶ “Nɨbi bɨ gau kalɨp God adan la u yam aij gɨpun, a gɨpim u, pen kale bɨ amgö we u me, kale ke nɨŋagpim! Anɨg gɨpim anɨbu, manö kub yabɨƚ mɨdöp. Nɨbi bɨ gau kalɨp manö pir almim hagpim, ‘Hon, “God sabe gep ram mɨdöp rö, nɨŋö hagabun,” a gɨnabun u, hainö arö gun, a gɨnabun u, arö gɨnabun. Pen gol udöm, nan God sabe gep ram raul yaŋ gɨla gau, hib anɨbu hagöl gɨ, “Nɨŋö hagabun,” a gɨnabun u, hagnabun rö nöp gɨnabun me; arö gagnabun,’ a gɨpim.

Madyu 23:16 ပူးပေါင်းရင်းမြစ်များ

Madyu 15:14

Bɨ anɨb gau kale amgö we. Bɨ amgö we ap, bɨ amgö we ap nɨp uɫ gɨ damöm, mɨhöŋgöl uƚöm mɨgan u ap lug paknabil,” a ga.

Madyu 23:13

“Kale God lo manö hag ñeb bɨ gau abe, bɨ Perisi gau abe, kale manö pir alöm gɨ naij gep bɨ. God kalöp gɨ naij gɨnab. Kale ke God nɨbi bɨ udöm kumi kabö adö laŋ au abad mɨdeinab mɨgan u aragmim, nɨbi bɨ arnɨg gɨpal gau kalɨp adan rɨkpim.

Madyu 23:17

Kale bɨ amgö we, bɨ hauƚ! Kale gasɨ nɨhön nɨŋbim: gol u nan yabɨƚ aka God sabe gep ram uɫ u nan yabɨƚŋ Nan yabɨƚ me, God sabe gep ram uɫ nɨpe u. Ram uɫ mɨdeinab u, nan ram raul mɨdöp abe uɫ mɨdeinab me.

Madyu 23:19

Kale bɨ gasɨ rɨmɨd lagöp gau, nan nɨhön u nan kubŋ Nan God nɨp pak sabe gɨ ñɨbal nan u, aka kabö bɨd adö au sabe gɨ ñɨbal uŋ Nan yabɨƚ me, kabö bɨd u. Kabö bɨd adö au mɨdeinab u me, nan anɨbu nan God nɨp ñeb rö lɨnab.

Madyu 23:24

Nɨbi bɨ gau kalöp adan yamun, a gɨpim, pen kale ke bɨ amgö we. Nan pro pro gau nɨŋbe, nan yabɨƚ rö löp, pen nan kub nan hib waiö mɨdöp gau nɨŋagpim.

Madyu 23:26

Kale Perisi bɨ gau gasɨ rɨmɨd lagöp. Pler kap kale aŋ yaŋ ñɨg lɨ yu aij gɨbep, höŋ adö gau u rö nöp mɨd aij gɨböp.

Galesia 5:3

Yad kalöp kauyaŋ hag aij gɨnɨg gabin! Bɨ gau manö hon udmim a gɨpal gau kalɨp yau a gɨpe, hañ kalöp rɨb gɨ dö geinaböl u, hainö kale Juda lo manö u magöŋhalö udmim hain gɨmim.

Jems 5:12

Pen añ mam bɨ. Nan kub yabɨƚ u, God hib nɨpe u yɨharɨŋ hagagmim. “God nɨŋ mɨdöp rö, nɨŋö hagabun,” a gɨmim, hagagmim. “Kumi kabö adö laŋ mɨdöp rö, nɨŋö hagabun,” a gɨmim, hagagmim. “Mɨnöŋ iƚ i mɨdöp rö, nɨŋö hagabun,” a gɨmim, hagagmim. “Nan gau nan rɨmnap mɨdöp rö, nɨŋö hagabun,” a gɨmim, hagagmim. Yau, a gɨnabim u, “Yau” nöp, a gɨmim. Wasö, gɨnabim u, “Wasö” nöp gɨmim. Wasö u, manö kub udnabim.