Jude 1:25 - Kobon

²⁵ God nɨpe añɨ. Nɨpe hanɨp ud kamɨŋ yuöp. Bɨ Kub hon Jisas Krais hanɨp, a göm, umöm uraka u, hadame dagol gau rɨköm, mɨd damöm, uri, hainö, pör pör nöp nɨpe mɨdep nöp mɨdöm, nɨpe Bɨ mailö aij halö, Bɨ aij unbö ke, Bɨ kƚö naij yabɨƚ, Bɨ magöŋhalö abadep mɨdöp. Anɨbu, hib nɨpe pör nöp hagno adö araŋ. Anɨb unbö rö aij.

Jude 1:25 ပူးပေါင်းရင်းမြစ်များ

Madyu 6:13

Hon gɨ naij gun rö löp u, ne hanɨp abad mɨdö, hon gɨ naij gagun,’ a gɨmim.

Luke 1:47

Yad böŋ nöp umeb rö mɨdainö, God yɨp mög nɨŋöm ud kamɨŋ yua u, nɨp gasɨ nɨŋem ñɨñɨ yabɨƚ lɨbin. Yad yɨharɨŋ pai nɨp wög gɨ ñeb mɨdpin u pen yɨp hauƚ gagöp. Anɨg göp u, mɨñi rɨköm, hainö rɨköm, rɨk dam lɨnaböl gau, nɨbi bɨ magöŋhalö yɨp gasɨ nɨŋöm hagnaböl, ‘God nɨbi anɨbu ud aij yabɨƚ ga,’ a gɨnaböl.

John 4:22

Kale Sameria nɨbi bɨ sabe gɨpim pen bɨ aigale bɨ rö nɨp sabe gɨpim u nɨŋagpim; pen hon Juda nɨbi bɨ, Bɨ sabe gɨmɨdun Bɨ u nɨŋbun. Nɨhön gɨnɨg: God nɨpe aige göm nɨbi bɨ ud kamɨŋ yunab u, hanɨp Juda nɨbi bɨ haga.

John 5:44

Nɨbi bɨ rɨmnap gau hib kale haglö adö areinab u, kalöp aij gɨnab. Pen Bɨ God añɨ nöp mɨdöp u hanɨp nɨŋö, aij gɨnɨm, a gɨmim, gasɨ u nɨŋagpim. Anɨb u, kale ai gɨmim yɨp nɨŋ udnabim?

Romans 11:33

Anɨb u, yad nɨŋbin, God nan magöŋhalö nɨŋöb; gasɨ nɨpe gasɨ aij yabɨƚ. God nɨpe gasɨ nɨŋ kɨd yabɨƚ nɨŋ hiɨköm, adö anɨbu ke yabɨƚ göp. God nɨpe gasɨ nɨŋöm, nan anɨg anɨg gɨnabin a göm, gasɨ aij nɨŋöb rö, bɨ ap gasɨ aij unbö rö mɨdagöp. Hon God gasɨ rɨmɨd nɨpe nɨŋun, nɨpe ke göp rö gun a gun, gagnabun!

Romans 11:36

Nɨhön gɨnɨg: God nɨpe nan gau magöŋhalö gɨ la; kƚö nɨpe nöp nan anɨb gau magöŋhalö mɨdöp; nan anɨb gau magöŋhalö God nɨp ñɨñɨ löl gɨ mɨdöl. Anɨb u, hib nɨpe u pör pör nöp hagno adö arnɨm! Anɨb unbö rö aij.

Romans 16:27

God añɨ gasɨ aij gasɨ kƚö göm nɨŋöb u, Jisas Krais nɨp hanɨp nan a göm yuö aua rö, hib nɨpe pör nöp pör nöp hagno adö araŋ. Anɨb unbö rö aij me.

Epesas 1:8

God nɨpe gasɨ nɨŋ kɨd hiɨköm nan magöŋhalö gau nɨŋöb u, hanɨp nan aij aij anɨb gau haƚöwaƚö ñöb.

Epesas 3:10

God ga anɨbu, uri Krais nɨbi bɨ nɨpe ram mɨnöŋ iƚ i mɨdpal gau gɨlö nɨŋöl gɨ, ejol kumi kabö adö laŋ abad mɨdpal gau, God bɨ gasɨ nɨŋ kɨd hiɨköm nɨŋöb u nɨŋöl, a göm ga.

Epesas 3:21

Anɨb u, hon Krais Jisas nɨbi bɨ nɨpe mɨdun nɨp cɨg mɨdpun gau, hib nɨpe pör nöp pör nöp ud arno adö araŋ! Anɨb unbö rö aij.

1 Dimodi 1:17

Kiŋ kub nɨpe hadame dagol mɨdmɨdöp, uri mɨdöp, hainö pör pör nöp mɨdeinab. Nɨpe kamɨŋ mɨdep magö u nöp mɨdöp; umeb magö u mɨdagöp. Nɨbi bɨ nɨp amgö nɨŋagpal. Nɨpe nöp God añɨ nöp mɨdöp. Bɨ Kub mailö unbö ke halö anɨbu, hib nɨpe pör pör nöp hagno adö araŋ. Anɨb unbö rö aij.

1 Dimodi 2:3

Anɨb unbö rö gɨnabun aij. God, Ud Kamɨŋ Yuep Bɨ hon u, nɨp u rö nöp aij gɨnab.

Daidas 2:10

Nap kale gau nan si udagöm, pör nöp nap nan kale gau magöŋhalö abad aij göm, wög magöŋhalö gɨ aij göm göl. Anɨg göl gɨ aij geinaböl u, nɨbi bɨ gau nɨŋöm, God Ud Kamɨŋ Yuep Bɨ hon u manö nɨpe nɨŋöm hagnaböl, manö anɨbu manö nɨŋö manö nɨŋ udep a gɨnaböl.

Daidas 2:13

Anɨb u, God hon Jisas Krais hanɨp ud Kamɨŋ yuöp u, mailö halö ado gɨ aunab a gun, gasɨ halö mɨdun aij gö nɨŋöl gɨ mɨdpun.

Daidas 3:4

Nöd anɨg gɨmɨdun u pen hainö God, Ud Kamɨŋ Yuep Bɨ hon u, God nɨbi bɨ mög nɨŋöm mɨdmagö löp u hanɨp nɨbi bɨ waiö la.

Hibru 13:8

Jisas Krais nöd mɨdmɨdöp rö, uri anɨb unbö rö nöp mɨdöp; pen uri mɨdöp rö, hainö pör pör nöp anɨb unbö rö nöp mɨdeinab.

1 Pida 4:11

God kalöp gasɨ aij ñö, kale nɨbi bɨ gau kalɨp hag ñɨnabim u, gasɨ nɨŋ aij gɨmim, God Manö aij u kabö göl nöp hag ñɨmim. God kalöp gasɨ aij ñö, kale nɨbi bɨ rɨmnap wög gɨ ñɨnabim u, God kalöp kƚö nɨpe ñöb u udmim, nɨbi bɨ gau kalɨp wög gɨ ñɨmim. Anɨg geinabim u, Jisas Krais nɨbi bɨ nɨpe mɨdpim u nɨŋöm, kale God hib nɨpe u haglö adö arnab. Jisas Krais, Bɨ kƚö yabɨƚ u nöp, nɨp aij a göl gɨ, hib nɨpe pör pör hagno adö araŋ. Anɨb unbö rö aij.

2 Pida 1:1

Yad Saimon Pida, Jisas Krais manö ud arep bɨ ap. Yad wög gep bɨ nɨpe ap mɨdpin. God hon Jisas Krais hanɨp ud kamɨŋ yua u, nɨpe Bɨ aij unbö ke. Jisas Krais hanɨp mög nɨŋöm gasɨ aij ñö, hon nɨp nɨŋ udpun. Kale nɨbi bɨ gau, Jisas Krais kalöp gasɨ aij ñö, kale u rö nöp nɨp nɨŋ udpim gau, kalöp köp anɨbi kalɨ kƚiñ rɨkabin.

2 Pida 3:18

Pen Bɨ Kub hon Jisas Krais hanɨp ud kamɨŋ yuöp u, nɨpe nɨbi bɨ mög nɨŋöm ud aij göp u nɨŋbim rö, Jisas Krais nɨp nɨŋ aij yabɨƚ gun, a gɨmim, gasɨ anɨbu nɨŋöl gɨ mɨdpe arnɨm. Bɨ Kub hon hib nɨpe u pör nöp pör nöp hagno adö arnɨm! Anɨb unbö rö aij.

Repelesin 1:6

Hon Kiŋ kub Jisas Krais ram nɨpe mɨdun, Nap God nɨp sabe gep nɨbi bɨ nɨpe mɨdpun. Anɨb u, Jisas Krais, Bɨ mailö aij halö u, Bɨ kƚö yabɨƚ u, hib nɨpe u pör nöp pör nöp hagno adö arnɨm! Anɨb unbö rö aij.