Hibru 8:6 - Kobon

⁶ God Nɨp Nan Sabe Gep Bɨ Kub Yabɨƚ hon Jisas, bɨ God nɨp nan sabe gep bɨ kub yabɨƚ nöd nɨbö gau gɨmɨdal rö gagab; nɨpe wög kub yabɨƚ gab. God Nɨp Nan Sabe Gep Bɨ Kub Yabɨƚ hon Jisas gö God nɨbi bɨ nɨpe udnab manö u, Mosɨs kalɨ kƚiñ rɨka manö u rö mɨdagöp. God nɨbi bɨ nɨpe udnab manö u hagnɨg, nɨpe manö kƚö hagöm haga, “Yad kalöp manö nɨŋö hagabin, nɨbi bɨ yad kalɨp nan aij yabɨƚ ñɨnabin,” a ga.

Hibru 8:6 ပူးပေါင်းရင်းမြစ်များ

Luke 22:20

Kale nan ñɨŋ haköm, Jisas ñɨg wain kap u udöm, kalɨp ñöl gɨ haga, “Hagape yad lugö umnö me, God kalöp nɨbi bɨ yad, a göm, udnabin a ga manö adö u am pɨdöŋ gɨnab u me, kalöp ñɨg wain i ñabin.

Romans 9:4

Pen nɨhön: God Isrel kai nöp kale ñɨ pai yad mɨdeilaŋ a göm, mailö aij nɨpe kalɨp nöp yamöm, yad kalöp unbö gɨnabin a göm manö kƚö nɨŋö kalɨp nöp hag ñöm, lo manö nɨpe u kalɨp nöp hag ñöm, kale aigöl göm God sabe gep ram u kabö rö sabe göl manö u kalɨp nöp hag ñöm, yad aigöl gem nɨbi bɨ kalɨp ud aij gɨnam manö aij u kalɨp nöp hag ña.

Epesas 2:12

Pen hauƚ gagmim. Kale nöd Krais lau adö mɨdagaibe; kale Isrel iƚ u hö? adö mɨdaibe; God manö nɨŋö hag la u nɨŋagpe; kale ram mɨnöŋ iƚ i mɨdmɨdim pen God nɨp nɨŋagmɨdim.

1 Dimodi 2:5

Nɨhön gɨnɨg: God añɨ ap nöp mɨdöp. Pen Bɨ aŋ nɨbö u, u rö nöp añɨ ap nöp mɨdöp. God böŋ lap mɨdöp; hon nɨbi bɨ böŋ lap mɨdpun. Pen Bɨ añɨ ap nöp nɨbi bɨ ud God aip jɨm ñɨnɨm rö löp. Bɨ anɨbu Krais Jisas, nɨpe ke bɨ yabɨƚ ap.

Daidas 1:2

God nɨpe manö piral ap hagagöp. Nɨpe hadame dagol gau ram mɨnöŋ gɨ laga ñɨn u manö nɨŋö hagöm haga rö, nɨbi bɨ an an manö nɨŋö nɨpe anɨbu nɨŋ udöm, manö nɨŋö yuö u nɨŋ aij göm, u rö nöp gɨnaböl gau, nɨpe kalɨp pör mɨdep magö u ñɨnab.

Hibru 12:24

Jisas nɨpe God manö aij gɨsön nɨbö dapöm bɨ aŋ nɨbö mɨdöp u, nɨp nöp aubim. Ken nɨmam Ebol nɨp al pak lö hagape yua u, manö kub yabɨƚ uda; pen Jisas hagape nɨpe u hanɨp a göm yua rö, God aip jɨm ñöl mɨdaiun rö löp.

Hibru 7:22

God manö kƚö hagöm manö nɨŋö yabɨƚ haga u me, hon nɨŋbun Jisas uma u me, God manö hain nɨbö aij yabɨƚ u ud ke gau lagnab.

2 Pida 1:4

Anɨb u, Jisas Krais nan aij yabɨƚ anɨb gau hanɨp ñöb. Nan aij aij ñöb u udun, gasɨ naij mɨnöŋ naböŋ iƚ i nɨŋöm lug paköl rö löp gau arö gun, God nɨpe ke mɨdöp rö mɨdaiun rö löp.