Hibru 12:4 - Kobon

⁴ Jisas nɨpe Seden aip pen pen ga u, bɨ gau nɨp mab ba laŋ al pak lɨlö uma. Kale pen, Seden kalöp nan si nan naij gɨnɨg ɫɨp gö, anɨg gagun a gɨmim, nɨp aip pen pen gɨpim u, kalöp al pak lagpal.

Hibru 12:4 ပူးပေါင်းရင်းမြစ်များ

Madyu 24:9

“Kale nɨbi bɨ yad mɨdeinabim rö, nɨbi bɨ ram mɨnöŋ gau magöŋhalö kalöp iru nɨŋöm, dam nagɨ löm, gɨ naij göm, böŋ nöp al pak lɨnaböl.

1 Korid 10:13

Nan si nan naij gun a gun gasɨ adö ke ke auöp u kalöp nöp gagöp; nɨbi bɨ gau iru nöp kalɨp u rö nöp anɨg göp. Pen God nɨpe nan nɨhön nɨhön hagnab u, hagnab rö nöp gɨnab. Anɨb u, kalöp abad mɨd aij gö, Seden apöm, nan si nan naij göl a göm, kalöp gasɨ naij rɨmnap ñeinab u, God nɨpe gö, rapɨn gɨnɨm rö lagnab. Seden kalöp gasɨ naij rɨmnap ñɨnab u, God nɨpe adan ap yameinab, adan anɨbu arnabim ap lug pakagnabim.

Pilipai 2:8

Pen gasɨ yad ke nɨŋem gɨnam a göm gaga; God haga rö nöp gɨ dam arö nɨŋöl gɨ, bɨ naij yabɨƚ kalɨp pen ilön ñɨbal rö u, nɨp mab kros ba laŋ al pak lɨlö uma.

Hibru 12:2

Jisas haga rö, hon God nɨp nɨŋ udun, God manö hagöp u manö nɨŋö hagöp a gun, hainö God manö hagöp u magöŋhalö waiö nöp nɨŋ aij gɨnabun. Jisas nɨp mab kros ba laŋ al pak lɨnɨg gɨlö, yɨp bɨ naij rö al pak lɨlö nable udnabin a göm hagaga. Hainö ram mɨnöŋ kumi kabö adö lagod au mɨñ mɨñ yabɨƚ gɨnabin a göm, hanɨp nɨbi bɨ a göm umöm, urak am God ñɨmagö yɨjɨg adö böŋ lau asɨka. Anɨb u, pör pör nöp Jisas nɨp nöp gasɨ nɨŋöl gɨ mɨdaiun.

Hibru 13:13

Anɨb u, nɨp hain gun, nɨbi bɨ yɨharɨŋ gau gɨlö aröp adö u arö gun, höŋ adö u arno, nɨp hag jula rö hanɨp u rö nöp hag juöl.

Repelesin 12:11

Pen añ mam hon gau, Sipsip Pi hagape nɨpe u abe, Krais manö nɨŋö hag ñɨmɨdal u abe gö, Seden nɨp mo kale gau lɨla. Nɨbi bɨ nɨpe nöp mɨdpun, a göm, pɨñɨŋ gagöm, hanɨp al pak lɨnɨg al pak löl, a gɨ gasɨ nɨŋla.

Repelesin 17:6

Pen yad nɨŋnö, nɨbi anɨbu, nɨbi bɨ Jisas nɨŋ udöm manö aij nɨpe waiö hag ñeila gau kalɨp al pak löm hagape kale ñɨg wain rö ñɨŋöm hauƚ al mɨdeia. Ga anɨbu nɨŋem, ju damem gasɨ mɨlö lɨ mɨdainö.

Repelesin 18:24

“Babilon nɨbi bɨ gau nöp, God manö hagep bɨ nɨpe gau kalɨp al pak löm, nɨbi bɨ nɨpe gau kalɨp al pak löm, gɨmɨdal. Nɨbi bɨ mɨnöŋ naböŋ iƚ i al pak lɨmɨdal gau magöŋhalö iƚ u me Babilon nöp. Anɨg göp rö, God nɨp pen ilön kub yabɨƚ u ñöb,” a ga.

Repelesin 2:13

Nɨpe hagöp, “Yad nɨŋbin, kale bɨsƚam yabɨƚ mɨdpim. Nɨbi bɨ ram mɨnöŋ kale mɨdpim aŋ au, Seden kiŋ rö abad mɨdöp. Pen kale manö yad nɨŋ ud aij gɨmim, yɨp cɨg aij göl gɨ mɨdpim. Ram mɨnöŋ Seden abad mɨdöp anɨbu, namam Adipas manö aij yad u nɨbi bɨ gau kalɨp hag ñɨ mɨdö, nɨp al pak lɨla u pen yɨp arö gagpe.