Hibru 11:35 - Kobon

³⁵ Nɨbi rɨmnap nugmul bɨ ñɨ pai kale gau umeila, God nɨp nɨŋ udöm sabe gɨlö, nɨpe gö kauyaŋ urakla. Nɨbi bɨ rɨmnap God nɨp nɨŋ udeila rö, kalɨp ilön ñɨla. God nɨp arö gɨblap, kalɨp hubɨk yulö kamɨŋ arblap u pen, umno God hanɨp gö urakun ram mɨnöŋ aij nɨpe au pör pör mɨd aij gun a göm, God nɨp cɨg göl gɨ nöp mɨdöm nɨp arö gaglö, kalɨp rapɨn gɨ naij göm ilön mab ñɨlö ñɨlö umla.

Hibru 11:35 ပူးပေါင်းရင်းမြစ်များ

Madyu 22:30

Nɨbi bɨ uraknaböl ñɨn u, nɨbi gau bɨ udagnaböl, bɨ gau nɨbi udagnaböl. Ejol kumi kabö adö laŋ mɨdpal rö u mɨdeinaböl.

Mark 12:25

Nɨbi bɨ umbal gau uraknaböl ñɨn u, God ejol nɨpe gau mɨdpal rö mɨdöm, bɨ gau nɨbi udagnaböl; nɨbi gau bɨ udagnaböl.

Luke 14:14

Nɨbi bɨ mög gep rö anɨb gau, nöp pen ñöl rö lagnab u me, hainö God nɨbi bɨ kamɨŋ aij nɨpe gau gö uraknaböl ñɨn u, nɨpe ke nöp pen ñɨnab,” a ga.

Luke 20:36

Pen kale kauyaŋ umagnaböl; ejol gau rö pör pör nöp kamɨŋ mɨdeinaböl. Kale uraknaböl u me, God ñɨ pai nɨpe mɨdeinaböl.

John 5:29

magöŋhalö manö yad nɨŋöm, uraköm, nɨbi bɨ gɨ aij gɨla gau, am yad aip kamɨŋ mɨdeinaböl; pen nɨbi bɨ gɨ naij gɨla gau, uraköm manö kub nɨŋöm pen ilön kub udnaböl.

Aposɨl 22:29

Pol anɨg hageia, bɨ nɨp nagɨ lɨla gau pɨñɨŋ gɨla. Ami bɨ kub yabɨƚ u, “Bɨ i Rom nɨbö rö u pen nɨp nagɨ lɨbin,” a göm, u rö nöp pɨñɨŋ ga.

Aposɨl 23:6

Pen Pol nɨpe nɨŋa, bɨ Kansol kub mɨdeila anɨb gau rɨmnap Sadyusi nɨbi bɨ nɨŋla rö nɨŋla, rɨmnap Perisi nɨbi bɨ nɨŋla rö nɨŋla. Bɨ Sadyusi gau gasɨ kale u nɨŋöm hagmɨdal, “Ejol gau mɨdagpal. Ana mɨdagöp. Nɨbi bɨ gau umöm, böŋ nöp umöm, urakagnaböl,” a gɨmɨdal. Pen bɨ Perisi gau unbö gasɨ nɨŋagmɨdal. Gasɨ kale u nɨŋöm hagmɨdal, “Ejol gau mɨdpal. Ana mɨdöp. Nɨbi bɨ gau umöm, böŋ nöp umöm wasö, uraknaböl,” a gɨmɨdal. Pol nɨpe yam ke ke mɨdeila anɨbu nɨŋöm, manö kub hagöm, haga, “Mam bɨ. Bac bɨ yad gau magöŋhalö Perisi nɨbö; yad u rö nöp Perisi nɨbö nöp. Yad nɨbi bɨ umöm uraknaböl manö hagnö u me, yɨp pen manö kub hagaböl,” a ga. Anɨg hageia, bɨ Sadyusi Kansol kub gau asɨk ke ke löm, bɨ Perisi Kansol kub gau asɨk ke ke löm, manö pen pen hagla.

Aposɨl 24:15

Bɨ Juda aui mɨdpal, nɨbi bɨ aij gau abe, nɨbi bɨ naij gau abe, magöŋhalö umöm uraknaböl, a göm nɨŋbal rö u, yad u rö nöp nɨŋbin.

Aposɨl 4:19

Anɨg hageila, Pida Jon kale pen pe haglö, “Hol God manö nɨp u arö gul, manö kalöp u udlo, God nɨp aij gɨnab aka wasö? Kale ke nɨŋim.

Aposɨl 9:41

Pida pen ñɨmagö kɨd nɨpe u udöm, ud urak ñöm, nɨbi paƚpaƚ gau abe, nɨbi bɨ Jisas nɨp nɨŋ udla gau abe, kalɨp magöŋhalö wɨñ alö aueila haga, “Dabida i,” a ga.

1 Korid 15:54

Hañ romaŋ hij gɨ lugnab u, hij gɨ lugagep lɨnab; hañ romaŋ umeb u, pör pör mɨdep lɨnab ñɨn anɨbu, manö kalɨ kƚiñ rɨköm hagla rö gɨnab. Bɨ God manö hagep Aisaia God Manö kalɨ kƚiñ hagöm haga, “Bɨ Kub umeb magö u al pak lö hadö böŋ nöp pɨs göp,” a ga.

Pilipai 3:11

nɨpe uraka u rö God gö yad u rö nöp uraknabin.