Hibru 11:13 - Kobon

¹³ Bɨ hadame nöp hagabin anɨb gau, God nɨp nɨŋ udöm, God manö hagöp u manö nɨŋö hagöp a göm, hagöp rö nöp hanɨp gɨnab a göm, umla. God kalɨp nɨhön nɨhön hagö, hagöp rö nöp hanɨp gɨnab a göm, nɨp nɨŋ ud mɨdeila u pen God haga anɨbu gö nɨŋöm umagla. God kalɨp nɨhön nɨhön haga u, amgö nɨŋagöm, mɨlö gau nɨbö rö gasɨ kale nöp nɨŋöm, hainö God nan aij hanɨp ñɨnab a ga u hanɨp ñɨnab, a göm, aij gö nɨŋöl gɨ mɨdöm umla. Mɨnöŋ naböŋ adö iƚ i mɨdöm hagmɨdal, “Hon nɨbi bɨ ke gau nɨbö yɨharɨŋ apun mɨnöŋ naböŋ adö iƚ i mɨdpun,” a gɨmɨdal.

Hibru 11:13 ပူးပေါင်းရင်းမြစ်များ

John 12:41

Aisaia hadame nöp manö haga anɨbu, nɨpe Jisas mailö aij nɨpe u nɨŋöm anɨg haga.

John 8:56

God hadame nöp nap Ebraham nɨp hagöm, yad Jisas mɨñi apem mɨdpin ñɨn i nöp hagöm, ‘Ñɨn hain u aunab,’ a ga. Pen nap Ebraham God manö haga u nɨŋöm, manö anɨbu God nɨŋö hagöp, a göm, gasɨ halö mɨdöm ñɨñɨ löl gɨ mɨdeia; ñɨn anɨbu nɨŋöm mɨñ mɨñ ga,” a ga.

Romans 8:24

God nan hainö waiö lɨnab a ga manö u nɨŋ udno, hanɨp uda. Pen nan nɨhön nɨhön hainö waiö lɨnab u magöŋhalö hadö nɨŋbnop, mɨñi gasɨ halö mɨdun ñɨn hain u abad mɨdagaibnop. Nan hadö nɨŋbal u abadagnaböl.

2 Korid 4:18

Mɨnöŋ naböŋ adö iƚ i mɨdun, nan amgö magö nɨŋeb gau gasɨ iru nɨŋagpun; nan adö laŋ au amgö magö nɨŋagep gasɨ nɨŋbun. Nan amgö magö nɨŋeb gau magö uƚep nöp mɨdeinab; nan amgö magö nɨŋagep gau pör nöp pör nöp mɨdeinab.

2 Korid 5:6

Anɨb u me, hon pör pör gasɨ halö mɨdpun. Pen hañ romaŋ anɨb i halö mɨdpun ñɨn aŋ i, Bɨ Kub ram nɨpe kumi kabö adö laŋ au mɨdagpun.

Epesas 2:19

Anɨb u, mɨñi nɨbi bɨ ram mɨnöŋ ke gau nɨbö ju apöm mɨdpal rö u mɨdagpim. Nɨbi bɨ adö gau ajpal rö mɨdagpim. God nɨbi bɨ nɨpe nöd nɨbö gau aip magum gɨmim, nɨbi bɨ nɨpe yɨjɨg göl mɨdpim.

Hibru 11:14

Nɨbi bɨ manö anɨbu rö hagpal gau, ram mɨnöŋ hon yɨjɨg göl ap mɨdöp u a gɨ gasɨ u nɨŋöm, anɨg hagpal.

Hibru 11:17

Pen God, Ebraham hagnabin rö gɨnab aka göm, nɨp haga, “Ñɨ ne Aisak, ‘Rɨkö rɨklö rɨk dam dapɨl gɨlö iru mɨdeinaböl,’ a gɨnö ñɨ u nöp, nɨp dam al pak lɨmön, yɨp sabe gɨ ñɨmön,” a ga. Hagö, Ebraham God nɨp nɨŋ udöm, God manö hagöp u manö nɨŋö hagöp a göm, yɨp hagöp rö nöp gɨnab a göm haga, “Ñɨ yad anɨbu rɨkö rɨklö rɨk dam dapɨl gɨlö iru mɨdeinaböl a ga manö u arö gagnab; ñɨ yad añɨ yabɨƚ u al pak lɨnö, nɨpe gö kauyaŋ uraknab,” a göm, ñɨ nɨpe Aisak nɨp dam bɨd adö u nagɨ adɨk löm, ru udöm bɨg lɨnɨg gö, God haga, anɨg gagmön a ga. Anɨb u, ñɨ nɨpe Aisak nɨp hadö böŋ nöp uma rö la u pen nɨp kamɨŋ udöm dam ado gɨ ara.

Hibru 11:27

Pen Mosɨs nɨpe God amgö nɨŋagep u nɨp nɨŋ udöm, waiö nɨŋnɨm rö lö, Kiŋ Pero nɨp mulu kal nɨŋa u pɨñɨŋ gaga. God nɨp nɨŋ udöm, God manö hagöp u manö nɨŋö hagöp a göm, hagöp rö nöp yɨp abad mɨdeinab a göm, God haga rö nöp göm, Isrel nɨbi bɨ kalɨp uɫ gɨ Ijip arö göm aua.

Hibru 11:39

Nɨbi bɨ hagabin anɨb gau, God nɨp nɨŋ udöm, God manö hagöp u manö nɨŋö hagöp a göm, hagöp rö nöp gɨnab a gɨlö, God kalɨp magöŋhalö, gɨ aij yabɨƚ gɨmim nɨbi bɨ kamɨŋ aij yad mɨdpim, a ga. Pen God kalɨp nan aij ñɨnabin a ga u, nan aij u ñɨn anɨbu udagla.

1 Pida 1:1

Yad Pida, bɨ Jisas Krais manö ud arep ap. Yad kalöp nɨbi bɨ God hadame dagol gau nɨbi bɨ nɨpe ke hag la gau, köp i kalɨ kƚiñ rɨkabin. Kale rɨmnap Podas mɨdpim, rɨmnap Galesia mɨdpim, rɨmnap Kapadosia mɨdpim, rɨmnap Esia mɨdpim, rɨmnap Bidinia mɨdpim. Kale nɨbi bɨ ram Mɨnöŋ mɨlö gau nɨbö rö mɨdpim. Manö anɨb i kalɨ kƚiñ rɨk yunö, ram Mɨnöŋ ke ke mɨdpim gau arö nɨŋnabim.

1 Pida 1:17

God nɨpe nɨbi bɨ gau kalɨp nɨme löm, haƚöwaƚö gagöp; gɨpal gɨpal rö nöp nɨŋöm nɨme löp. God anɨg göp anɨbu, Bapi hon, a gɨpim u, ram nɨpe kumi kabö adö laŋ aragpim ñɨn i, nɨpe Bɨ kub unbö ke, a gɨmim, hagöp hagöp rö nöp gɨmim.

1 Pida 2:11

Anɨb u, nɨbi bɨ nɨŋeb aij yad gau. Mɨnöŋ naböŋ iƚ i ram Mɨnöŋ kale kabö rö wasö, yɨharɨŋ apim mɨdpim. Anɨb u, nan si nan naij Mɨnöŋ naböŋ iƚ i hañ romaŋ gasɨ göp nan gau, mɨdmagö lɨmim gɨpe aragnɨm. Nan anɨb gau gasɨ nɨŋmim gɨpe arö, ana kale aip pen pen gö, ap lug pakmim rö löp.

1 Jon 3:19

Añ mam kalɨp mɨdmagö lun, gɨ aij gɨnabun u me, hon nɨŋnabun, Krais manö nɨŋö nɨpe u nɨŋ udpun. Anɨb u, gasɨ magö hon ke aŋ daŋ hanɨp manö kub hagnab u pen God amgö ilö adö nɨpe u hon mɨñ mɨñ göl gɨ agamɨj mɨdeinabun. Gasɨ magö hon aŋ daŋ u hain, pen God nɨpe kƚö yabɨƚ. Nɨpe gasɨ magö hon magöŋhalö nɨŋ aij göp.