Aposɨl 2:19 - Kobon

¹⁹ Pen kumi kabö adö laŋ nan ke gagep rö rɨmnap gem, mɨnöŋ naböŋ adö iƚ i nan nɨŋeb nɨŋagep ke nɨbö rɨmnap gɨnabin. Hagape göm, mab inöm, hadu adpɨƚ kub göm gɨnab.

Aposɨl 2:19 ပူးပေါင်းရင်းမြစ်များ

John 4:48

Anɨg hageia, Jisas haga, “Kale yɨharɨŋ yɨp nɨŋ udagnabim; nan gagep rö rɨmnap gɨnö nɨŋmim nöp, yɨp nɨŋ udnabim,” a ga.

Aposɨl 2:18

Ñɨn anɨbu, nɨbi bɨ yɨp wög gɨ ñɨbal gau, nɨbi gau abe bɨ gau abe, kalɨp Ana yad yunö, manö aij yad u nɨbi bɨ gau kalɨp hag ñɨnaböl.

Aposɨl 2:20

Sɨdö mailö gagnab; rakɨn hagape bö lɨnab. Anɨg geinab, hainö ñɨn unbö ke nɨbö waiö lɨnab. Bɨ Kub mailö aij unbö ke halö aunab.

Aposɨl 2:22

Pida nɨpe Joel kalɨ kƚiñ rɨka manö anɨbu hag pɨs göm haga, “Kale Isrel nɨbi bɨ, manö hagnɨg gabin i nɨŋ aij gɨmim. Jisas bɨ Nasared nɨbö u bɨ yɨharɨŋ wasö; God nɨpe ke nɨp yuö aua. Ñɨ yad u yunö, nan gagep rö iru nöp göm, nan nɨŋeb nɨŋagep iru nöp göm gɨnab aŋ kalɨp au nɨŋöm, bɨ anɨbu God nɨpe ke hag yuö aua u nɨŋlaŋ, a göm, nɨp yuö aua. Jisas nɨpe nan gagep rö aŋ kale ga u, kale ke hadö nɨŋbim.