3 Jon 1:1 - Kobon

¹ Yad nɨbi bɨ Jisas Krais nɨp nɨŋ udpal gau kalɨp abad mɨdpin. Nöp bɨ nɨŋeb aij yad Gaias köp i kalɨ kƚiñ rɨkabin. Yad nöp mɨdmagö yabɨƚ lɨbin.

3 Jon 1:1 ပူးပေါင်းရင်းမြစ်များ

Aposɨl 11:30

Anɨg hagöm, mani lɨ magum göm, Banabas aip Sol aip kalɨp ñöm hagla, “Kale bɨ mɨhöŋ mani i dammil, Krais nɨbi bɨ nɨpe abad mɨdpal bɨ kub gau kalɨp ñɨl,” a gɨla.

Aposɨl 19:29

Anɨg göl manö kub haglö arö nɨŋöl gɨ, nɨbi bɨ daun kub anɨbu magöŋhalö apöm, Pol bɨ nɨpe mɨhau ud sɨsɨ lɨ ɫɨp gɨ dam manö hagep ka u ud arla. Pol bɨ nɨpe anɨb mɨhau nɨpe aip Masedonia Propins nɨbö ap mɨdailö. Hib kalpe mɨhöŋ u, Gaias aip Arisdakas aip.

Aposɨl 20:4

Pen Pol nɨpe aip ajeila bɨ gau me: Piras ñɨ nɨpe Sopada daun kub Beria nɨbö u; Arisdakas aip Sekadas aip daun kub Desalonaika nɨbö mɨhau u; Gaias daun kub Debi nɨbö u; Dijikas aip Dɨropimas aip Esia Propins nɨbö mɨhau u; Dimodi u.

Romans 16:23

Bɨ Gaias, yɨp Pol dam ram nɨpe u löm, abad mɨd aij göp u, kalöp, “Mɨdpim?” a gab. Bɨ anɨbu nöp Krais lau adö mɨdpal nɨbi bɨ gau hagö, ram nɨpe u amöm magum gɨpal, kalɨp ud aij gɨ mɨdöp. Pen bɨ kuskus pe ñeb Erasdas abe, mam hon Kwodas abe, u rö nöp kalöp, “Mɨdpim?” a gabil.

1 Korid 1:14

Pen am kale aip mɨdainö ñɨn u, nɨbi bɨ iru ñɨg pak ñagnö. Bɨ mɨhöp nöp Krispas Gaias nöp ñɨg pak ñɨnö. Anɨb u, God nɨp aij a gabin.

1 Pida 5:1

Nɨbi bɨ Krais nɨŋ udpal gau kalɨp bɨ abadep mɨdpim gau, kalöp manö hagnɨg gabin. Wög kale gɨpim anɨbu rö, yad u rö nöp nɨbi bɨ Krais nɨŋ udpal gau kalɨp abad mɨdpin. Krais ilön kub udeia u, yad nɨŋ mɨdainö. God nɨpe Krais mailö aij yabɨƚ nɨpe nɨbi bɨ gau magöŋhalö kalɨp yamnab ñɨn u, yad amem nɨŋ mɨdeinabin. Anɨb u, yad kalöp manö anɨbi hagnɨg gabin.

1 Jon 3:18

Anɨb u, ñɨ pai mɨdmagö yad gau. Añ mam gau mɨdmagö lɨbun, a gɨnabun u, manö nöp hagagun; kalɨp nɨŋö nöp mɨdmagö lun, kƚö gun, kalɨp ud aij gun, gɨ aij gun. Anɨg gɨnabun u, hagnabun, hon añ mam gau mɨdmagö lɨbun, a gɨnabun.

3 Jon 1:2

Mɨdamam aij yad. Yad God nɨp sabe gem hagpin, “Gaias nɨp abad mɨdaimön, nɨp mɨña nan ap gagnɨm, mɨd aij gɨnɨm,” a gɨpin. Yad nɨŋbin, ne ana ne aŋ daŋ mɨd aij gɨpan.