2 Pida 1:19 - Kobon

¹⁹ Hon ke God manö apdi nɨŋno u me, hon nɨŋbun, bɨ God manö hagep gau kale manö hagla u, God manö nɨpe nöp hagla; manö böŋ nöp udep u nöp hagla. Manö hagla anɨbu, hapö mɨɫaŋ sɨbön yaŋ lauöm lɨlö, hanɨp mailö yamöb rö u göp. Mailö anɨbu, ñɨ löl gɨ damöm, ram mɨnöŋ rɨknɨg gö nɨŋöl gɨ, gapɨ pagƚɨn hañ aunab mɨdmagö aŋ kale daŋ nɨŋnabim. Hañ aunab u, ram böŋ nöp rɨköp u rö gɨnab.

2 Pida 1:19 ပူးပေါင်းရင်းမြစ်များ

John 5:35

Jon manö haga u, nɨpe hapö mɨɫaŋ mailö ñab rö mɨdö, kale manö haga anɨbu mailö rö nɨŋmim, magö pro uƚep magö ap nöp mɨñ mɨñ gɨpe.

John 5:39

“Kale, pör mɨdep udun, a gɨmim, God Manö u amgö lɨ nɨŋ aij gɨpim u pen manö anɨbu, yɨp a göm kalɨ kƚiñ rɨkla rö nɨŋmim, pör mɨdep udun, a gɨmim, yɨp auagpim.

John 8:12

Jisas manö ap nɨbi bɨ gau kalɨp kauyaŋ hagöm haga, “Nɨbi bɨ mɨnöŋ naböŋ iƚ i mɨdpal gau, yad mailö kale mɨdpin. Nɨbi bɨ an yɨp hain göm ajeinab u, sɨbön aŋ gau rö ajageinab; pör mɨdep mailö aij u udöm ajeinab,” a ga.

Aposɨl 15:29

Nɨbi bɨ rɨmnap god piral gau sabe gɨnɨg, wal kaj nan gau dam pakaiöl, kale ñɨŋagmim. Wal kaj nan gau, hagape u ñɨŋagmim. Wal kaj nan gau rugu ud bu gɨlö umnɨm u ñɨŋagmim. Nɨbi si bɨ si gagmim. Nan hagabun i arö gɨnabim u, gɨ aij gɨnabim. Manö hagpun me u. Kale mɨd aij gɨmim. Köp kalɨ kƚiñ rɨkla u me u.

Aposɨl 17:11

Ammil, Jisas manö aij u hag ñɨlö, Juda nɨbi bɨ Beria mɨdeila gau, nɨbi bɨ Desalonaika mɨdeila gau rö wasö; manö kalɨp mɨhöŋ u nɨŋlö, aij gö nɨŋöl gɨ, “Pol nɨŋö hagab aka?” göm, God Manö u ñɨn añɨ añɨ pör pör amgö lɨ nɨŋ aij gɨmɨdal.

Hibru 2:2

Ejol gau nöp lo manö u damöm, Mosɨs nɨp ñɨla u pen manö anɨbu manö nɨŋö nöp mɨdö nɨŋöl gɨ, nɨbi bɨ manö anɨbu magö ap hagöp rö gagla gau abe, nɨbi bɨ magö ap rɨb rɨkla gau abe, ilön pen udla.

Jems 2:8

Pen God Manö u kalɨ kƚiñ rɨköm hagla, “Ne ke mɨdmagö lɨban rö, nɨbi bɨ gau kalɨp unbö rö nöp mɨdmagö lɨmön,” a gɨla. God lo manö kub yabɨƚ haga u rö geinabim u, kale gɨ aij yabɨƚ gɨnabim.

1 Pida 1:10

Hadame nöp Krais Ana nɨpe bɨ God manö hagep gau kalɨp aŋ daŋ mɨdöm gasɨ ñö, kale Krais ilön nɨhön nɨhön udöm, hainö nan aij yöl nɨhön nɨhön gɨnab manö u hagöm kalɨ kƚiñ rɨkla. Pen Krais ilön udöm umö, God kalöp mög nɨŋöm ud aij gö, mɨd aij gɨnabim manö hagla anɨbu, kale ke nɨŋ aij gagöm, hanɨp uri mɨdpun hagöp aka nɨbi bɨ hainö gau ke hagöp, a göm, kƚö göm uƚhai nɨŋöl gɨ mɨdmɨdal.

1 Jon 5:10

Nɨbi bɨ Jisas nɨpe God Ñɨ nɨpe yabɨƚ, a göm, nɨŋ udpal gau, God manö nɨŋö nɨpe u kalɨp aŋ daŋ mɨdö, kale God Ñɨ nɨpe nɨŋ udpal. Pen nɨbi bɨ Jisas nɨpe God Ñɨ nɨpe wasö gɨpal gau, God nɨpe bɨ pir alep bɨ, a gɨpal. Nɨhön gɨnɨg: God nɨpe ke Ñɨ nɨpe manö nɨŋö hagöp u nɨŋ udagpal.

3 Jon 1:6

Krais nɨbi bɨ kalɨp anɨg gɨpan gau rɨmnap apöm, Krais nɨbi bɨ cöc aui mɨdpal kalɨp hagla, “Gaias Krais nɨbi bɨ nɨpe gau kalɨp mɨdmagö yabɨƚ löp,” a gɨla. Nɨbi bɨ God wög gɨ ajpal anɨb gau ud aij gɨ dammön, kale ram mɨnöŋ ke nɨbö ap arnɨg gɨnaböl u, nan gɨ ñeb rɨmnap kalɨp ñɨmön. Nan kalɨp ñɨnabön u kale udöm, gau ajöm, God nɨp wög göm, nan magö rauöm ñɨŋnaböl.

Repelesin 2:28

Pen nɨbi bɨ yɨp nɨŋ udöm cɨg aij göm nagɨ u ud sɨsɨ göl gɨ mɨdeinaböl gau, kalɨp gapɨ pagƚɨn aij ram mɨnöŋ jɨn parɨkö nɨŋöl gɨ nɨŋbal rö u ñɨnabin.

Repelesin 22:16

“Yad Jisas, ejol yad u hag yunö, amöm kalöp nɨbi bɨ yad cöc ram mɨnöŋ ke ke gau mɨdpim gau, kalöp manö yad anɨbi hag ñöb. Yad me, Depid rɨkö, rɨklö rɨk dam dapɨl gɨlö, Bɨ Kub mɨdeinab a gɨla u nöp yad mɨdpin. Yad me, gapɨ pagƚɨn kub ram runɨg gö nɨŋöl gɨ, ap rannab, a gɨpal u nöp yad mɨdpin,” a ga.