2 Korid 8:5 - Kobon

⁵ Pen göl a gɨno rö gagla. Kale gasɨ nɨŋla, “Bɨ Kub nɨbi bɨ nɨpe mɨdpun u me, hanɨp wög nɨhön ñɨnab u gɨnabun,” a gɨla. Anɨg hagöm, Bɨ Kub nɨp wög göl gɨ, God nɨp aij ga u rö hanɨp wög rɨmnap gɨ ñɨmim a gɨno u, kale anɨb unbö rö nöp gɨla.

2 Korid 8:5 ပူးပေါင်းရင်းမြစ်များ

Romans 12:1

Anɨb u, añ mam bɨ. Kalöp mög nɨŋöm udöp rö, kale pe nan God nɨp sabe gɨ ñɨbal rö, hañ romaŋ gasɨ rɨmɨd kale u, nan kamɨŋ halö rö, nan uɫ rö, God nɨp ñɨmim. Nan damöm, God nɨp sabe gɨ ñɨbal gau, nan naij naij gau ñagpal. Nan aij aij nan ap gagöp gau nöp ñɨlö me, nɨpe ñɨñɨ löm udöp. Anɨg unbö rö me, God hanɨp nan nɨp sabe gɨ ñɨbal rö udnɨm, a gɨmim, nɨp nɨŋ udöl gɨ mɨdmim, hagöp hagöp rö nöp gɨmim.

Romans 6:13

Pen gasɨ naij kale u, hañ romaŋ ñɨn ma kalöp adɨŋ ap, nan si nan naij gɨnɨm, a göm, ɫɨp gɨ gainɨm rö, kale hañ romaŋ kale adɨŋ adɨŋ gau magöŋhalö böŋ nöp wɨhö gɨmim. Jisas aip umun urakpun u me, gasɨ mɨdmagö rɨmɨd hon God nɨp ñun, hañ romaŋ adɨŋ gau God nɨp ñun, nɨpe hagöp rö nöp gun, a gɨmim nɨŋmim.

1 Korid 1:1

Yad Pol. God nɨpe ke yɨp hag la rö, Krais Jisas manö ud arep bɨ nɨpe ap mɨdpin. Mam hon Sosdenes aip aui mɨdul, köp anɨbi, kalöp daun kub Korid au God nɨbi bɨ nɨpe mɨdpim gau kalɨ kƚiñ i rɨkabin. Kale Krais Jisas nɨp nɨŋ udpe u, God hagö, kale nɨbi bɨ ke kamɨŋ aij nɨpe mɨdpim. Bɨ Kub hon Jisas Krais nɨp sabe gɨpal nɨbi bɨ ram mɨnöŋ gau gau magöŋhalö, God kalɨp nɨbi bɨ uɫ nɨpe mɨdaiöl a göm hag la. Krais Jisas nɨpe Bɨ Kub hon mɨdöp; nɨpe u rö nöp Bɨ Kub kale mɨdöp.

2 Korid 4:5

Pen manö hag ñɨbun u, hon bɨ aigale bɨ rö mɨdpun manö u hag ñagpun; Jisas Krais nɨpe nöp Bɨ Kub mɨdöp nɨŋöm Jisas wög nɨp gun, wög gɨ ñeb bɨ kale mɨdpun a gun, manö aij kalöp hag ñɨbun.

2 Korid 8:1

Pen añ mam bɨ. Nɨbi bɨ Krais pɨg mɨdpal Masedonia Propins rɨgoŋ gau, God nɨpe kalɨp mög nɨŋöm ud aij yabɨƚ göp.