2 Korid 11:11 - Kobon

¹¹ Pen manö hagabin anɨbi, kalöp mɨdmagö lagpin aka nɨhön? Wasö yabɨƚ. God nɨŋöb yad kalöp mɨdmagö lɨbin.

2 Korid 11:11 ပူးပေါင်းရင်းမြစ်များ

John 21:17

Jisas kauyaŋ pen hag nɨŋa, “Saimon Jon ñɨ nɨpe. Ne yɨp mɨdmagö lɨban aka?” ga. Pen Jisas anɨg göm, manö adö añɨ anɨbu nöp, “Ne yɨp mɨdmagö lɨban aka?” hag nɨŋöm hag nɨŋöm gö me, Pida gasɨ iru nɨŋöl gɨ haga, “Bɨ Kub. Ne nan gau magöŋhalö nɨŋban. Anɨb u, yad nöp mɨdmagö lɨbin u, ne hadö nɨŋban me,” a ga. Hageia, Jisas haga, “Anɨb u, sipsip yad gau abad mɨdaimön.

Aposɨl 15:8

God gasɨ rɨmɨd mɨdmagö hon magöŋhalö nɨŋöb u, Ana Uɫ hanɨp ña rö, Juda nɨbi bɨ wasö gau kalɨp u rö nöp ña. Anɨg ga u hon nɨŋbun, nɨpe kalɨp abe ud aij göp.

Romans 1:9

Yad God Ñɨ nɨpe manö aij u, gasɨ añɨ u nöp nɨŋem kƚö gem, hag ñɨ ajem, God nɨp wög gɨmɨdin. God nɨpe nɨŋöb, yad nɨp sabe gem, pör nöp hib kale hagabin. God nɨpe adan hiɨkö, kale mɨdpim au am nɨŋnabin, a gem, nɨp sabe gabin.

2 Korid 11:10

Manö hagabin anɨbi, hagöl gɨ nöp mɨdeinabin. Yad Akaia Propins rɨgoŋ rɨgoŋ gau amɨl apɨl gɨ ajeinabin u, mani nan kale rɨmnap udagnabin. Krais bɨ nɨpe mɨdpin rö, nɨŋö yabɨƚ hagabin.

2 Korid 11:31

Bɨ Kub Jisas Nap God, pör nöp hib dap raneb God u, yad piral hagagabin u nɨŋöb.

2 Korid 12:15

Anɨb u, gasɨ yad nɨŋbin u, kalöp nan a gem, mani nan yad gau magöŋhalö yu haknabin aka wög gɨ dam dam Krais manö aij u hag ñɨ dam dam umnabin u, manö mɨdagöp. Pen yad kalöp mɨdmagö yabɨƚ lɨbin u nɨŋnabim u, yɨp pen mɨdmagö lagnabim akaŋ

2 Korid 2:17

Nɨbi bɨ iru nöp mani nan gau iru nöp udun a göm, God Manö aij nɨpe u hag ajpal. Pen hon unbö rö gagpun. God nɨpe hanɨp hag lɨ yuöm nɨŋ mɨdö nɨŋöl gɨ, hon Krais nɨbi bɨ nɨpe mɨdun manö nɨŋö yabɨƚ nöp hagun a gun, God Manö aij nɨpe u kabö göl nöp hag ñɨbun.

2 Korid 7:3

Yad kalöp hag pro gɨnɨg hagagabin. Nöd kalöp hagnö rö, hon kalöp mɨdmagö yabɨƚ lɨbun; kalöp aip kamɨŋ mɨdeinabun aka umnabun u, kalöp mɨdmagö lun jɨm ñöl nöp mɨdeinabun.

Hibru 4:13

Nɨhön nɨhön gɨnabun gau, God nɨŋ mɨdö nɨŋöl gɨ gɨnabun; agamɨj pi göl gun rö lagöp. Pen nɨpe nöp hanɨp manö kub göm, nɨhön nɨhön gɨpun manö u hag nɨŋö nɨŋöl gɨ nɨp hag ñɨnabun.

Repelesin 2:23

Nɨbi bɨ nɨp hain gɨpal gau kalɨp böŋ nöp al pak leinabin me, nɨbi bɨ yad ram mɨnöŋ ke ke cöc ke ke mɨdpal gau, yɨp nɨŋ aij göm nɨŋnaböl, yad nɨbi bɨ gasɨ rɨmɨd aŋ kale yaŋ nɨŋ aij gem, magöŋhalö gɨpim rö nɨŋem, kalöp añɨ añɨ pen anɨbu rö ñɨnabin.