2 Dimodi 3:5 - Kobon

⁵ Hon nɨbi bɨ anɨb gau nɨŋun, nɨbi bɨ God nɨp nɨŋ udpal rö nöp gɨpal, a gɨnabun u pen God Ana nɨpe gö, pɨdöŋ halö mɨdun, God hagöp rö nöp gun, a göm, gasɨ u nɨŋagnaböl. Nɨbi bɨ anɨb unbö rö gɨpal gau arö gɨmön, aip magum gagmön.

2 Dimodi 3:5 ပူးပေါင်းရင်းမြစ်များ

Madyu 7:15

“Pen nɨbi bɨ God manö hagabun a göm piral hagpal gau, kaj sipsip hain aij rö halu löm aunaböl u pen apöm mɨdöl gɨ, kain hapeb nɨbi bɨ hau löp rö u kalöp gɨnaböl. Anɨb u, nɨŋ aij gɨmim.

Epesas 4:14

Anɨg geinab u, hainö hon ñɨ pai pro rö mɨdageinabun. Ñɨn hain anɨbu, Bɨ God Manö hagabun a göm, manö ke ke gau nɨbö gau nɨbö ud ud piral piral hagpal gau, hanɨp yɨgön udöm ñɨg solwara ud ado malo göp rö u gagnaböl.

2 Desalonaika 3:14

Manö köp kalɨ kƚiñ rɨkun hagabun i, nɨbi bɨ rɨmnap nɨŋagaiöl, nɨbi bɨ an an anɨg gɨpal u nɨŋ aij gɨmim, kalɨp manö manö hagagmim; yɨharɨŋ mɨdpe kalɨp nable gɨnɨm.

2 Desalonaika 3:6

Añ mam bɨ. Bɨ Kub Jisas Krais manö yad nɨbi bɨ gau hag ñɨmim a ga rö kalöp hagabun. Mam rɨmnap wög gagöm yɨharɨŋ nöp gɨ ajöm, hagpun rö gagaiöl, kalɨp aip manö manö hagagmim.

1 Dimodi 4:7

Pen aiud yɨharɨŋ gau hag amɨl apɨl gɨpal gau nɨŋagmön. Ne kƚö gɨmön, God nɨp aij gɨnab adö u nöp gɨ mɨdaimön.

1 Dimodi 4:8

Nɨbi bɨ rɨmnap kƚö göm eksais gɨpal gau, hañ romaŋ kale kƚö gɨnab. Pen ne kƚö gɨmön, God Manö hagöp rö nöp geinabön u, kƚö ke udnabön. God nɨp aij gɨnab adö u nöp geinabön u, ram mɨnöŋ iƚ i mɨdeinabön ñɨn i abe, ram mɨnöŋ adö laŋ au mɨdeinabön ñɨn u abe, mɨd aij gɨnabön.

1 Dimodi 5:8

Pen nɨbi bɨ an, nɨbi bɨ nɨpe ke yabɨƚ gau, nɨpɨs nɨme bɨ nɨpe ke gau, ud aij göm nan ñɨŋeb ñöm gagnab u, nɨpe Krais manö aij nɨpe u arö göm anɨg gɨnab. Nɨbi bɨ Krais nɨp nɨŋ udagpal gau, naij yabɨƚ göp anɨbu rö gagpal.

1 Dimodi 6:5

Kale Jisas manö nɨŋö nɨpe u arö göm, God adan arnabun uɫpö kɨƚno mani nan gau udnabun, a göm, gasɨ naij nöp nɨŋöm, pör pör nöp manö pen pen hagpal.

2 Dimodi 2:16

God nɨp gasɨ nɨŋagöm manö yɨharɨŋ pör pör hag amɨl apɨl gɨnaböl u, ne aip hagagmön. Hag dam dapɨl göm, kale God Manö nɨŋö u arö göm, mɨlö gau arnaböl.

2 Dimodi 2:23

Pen manö yɨharɨŋ hag amɨl apɨl göm, pen pen hagpal gau, ne aip hagagmön. Nɨhön gɨnɨg: anɨg geinaböl u, hainö mulu lugö, kal juöm, manö naij hagöm, pen pen gasɨ naij nɨŋnaböl.

Daidas 1:16

God Manö nɨŋ udun, nɨbi bɨ nɨpe mɨdpun a gɨpal u pen kale gɨpal rö nɨŋun nɨŋbun, kale God nɨbi bɨ nɨpe wasö. Kale God Manö aij hagöp rö jɨ nɨŋbal u me, kale nan aij ap göl rö lagöp. Gɨpal anɨbu God nɨŋö mulu lugöp.

Daidas 3:10

Anɨb u, nɨbi bɨ rɨmnap God Manö kabö göl u arö göm, manö rɨmnap ke hagaiöl, mañ añɨ ap hagmön. Pen nɨŋagaiöl, mañu u rö nöp hagmön. Mañu u rö nöp nɨŋagaiöl, kalɨp böŋ nöp arö gɨmön.