2 Dimodi 3:13 - Kobon

¹³ Pen nɨbi bɨ naij manö piral adö u nöp hag ñɨbal gau, naij yabɨƚ gɨlö gɨlö arö, kale nöd nɨbi bɨ naij mɨdmɨdal rö wasö, hainö nɨbi bɨ naij unbö ke mɨdeinaböl. Kale ke God adan aij u nɨŋagöm, nɨbi bɨ rɨmnap kalɨp manö piral anɨbu hag ñɨlö, kale u rö nöp God adan aij u nɨŋagnaböl.

2 Dimodi 3:13 ပူးပေါင်းရင်းမြစ်များ

2 Korid 6:8

Nɨbi bɨ rɨmnap hib hon haglö adö aröp; nɨbi bɨ rɨmnap hib hon udlö yagol lugöp. Rɨmnap hanɨp manö aij hagpal; rɨmnap hanɨp manö naij hagpal. Hon bɨ piral hagep a gɨ gasɨ nɨŋbal u pen hon manö nɨŋö nöp hagpun;

1 Dimodi 4:1

God Ana waiö hagöm hagab, “Ñɨn hain nɨbi bɨ rɨmnap Krais Jisas manö aij nɨŋ udla u arö göm, kɨjaki manö piral anɨbu nɨŋöm, kɨjaki aiön pi yam nɨpe gau manö piral hag ñɨbal u nɨŋ udöm adö anɨbu nöp hain gɨnaböl,” a gab.

2 Dimodi 3:8

Pen bɨ Janis Jabris bɨ mɨhau Mosɨs manö haga u jɨ nɨŋlö u rö, bɨ piral hagpal gau u rö nöp Krais Jisas manö nɨŋö u jɨ nɨŋbal. Kale gasɨ naij yabɨƚ nöp nɨŋöm, Krais Jisas manö aij u jɨ nɨŋbal rö, God kalɨp u rö nöp jɨ nɨŋöb.

Daidas 3:3

Pen nɨhön: hon ke nöd u rö nöp gasɨ nɨŋ aij gagun, God Manö hagöp rö jɨ nɨŋun, hañ romaŋ hon ke gasɨ göp rö nöp gun a gun, bɨ nagɨman rö mɨdmɨdun. Hon nan si nan naij nöp göl gɨ mɨdmɨdun; nɨbi bɨ gau kalɨp gasɨ naij nɨŋun, nan kale gau nan hon rö mɨdaiböp, a gun, kalɨp pen nɨŋno mulu lugö pen nɨŋlö mulu lugö gɨmɨdun. Pen jɨ nɨŋlö pen jɨ nɨŋun gɨmɨdun.

2 Pida 2:20

Nöd Bɨ Kub hon Jisas Krais hanɨp ud kamɨŋ yuöp u nɨp nɨŋ udöm, nɨbi bɨ aip ajöm nan naij mɨnöŋ naböŋ iƚ i gasɨ nɨŋöm haƚöwaƚö gɨmɨdal gau arö göm, mɨd aij gɨla. Pen hainö u, kale ado gɨ amöm, nan si nan naij nöd gɨmɨdal adan anɨbu kauyaŋ arnaböl u, nöd naij mɨdmɨdal rö wasö, uri naij yabɨƚ mɨdeinaböl.

2 Pida 3:3

Pen nan kub hagabin i nɨŋim. Ñɨn hain mɨdpun i rö, nɨbi bɨ gasɨ naij kale ke nɨŋbal rö gɨpal gau, rɨmnap apöm Jisas Krais manö aij nɨpe u hag juöm hagnaböl,

Repelesin 13:14

Pen God nɨpe nan hapeb hain nɨbö anɨbu nɨŋebir arö gö, nan hapeb nöd nɨbö amgö ilö nɨpe au nan gagep rö gaia u me, nɨbi bɨ mɨnöŋ naböŋ gau gau magöŋhalö manö piral nɨpe u nɨŋ udla. Nan hapeb hain nɨbö u nɨbi bɨ gau kalɨp hagö, kale nan hapeb ru mɨlö kɨd ud böŋ nöp al pak lɨla u pen kauyaŋ mɨdöp u hib nɨpe dap rannɨg, nan nɨp rö ap gɨ lɨla.

Repelesin 18:23

Nɨbi bɨ ƚam mailö daun kub aŋ anɨbu kuöyaŋ nɨŋagnaböl. Nɨbi bɨ ñɨlö udöm, mɨñ mɨñ göm, gagnaböl. Nɨbi bɨ ne sɨkim gɨmɨdal gau, ram mɨnöŋ ke ke gau bɨ kub yabɨƚ mɨdmɨdal. Pen nɨbi bɨ ne kuj göm, manö piral hagöm gɨlö, nɨbi bɨ ram mɨnöŋ ke ke gau nɨŋöm magöŋhalö hain göm anɨg unbö rö nöp gɨ naij gɨmɨdal.