2 Desalonaika 1:6 - Kobon

⁶ God nɨpe manö ud asɨk aij göp rö, nɨbi bɨ kalöp marö ñɨbal gau kalɨp pen u rö nöp marö ñɨnab.

2 Desalonaika 1:6 ပူးပေါင်းရင်းမြစ်များ

Kolosi 3:25

Pen God nɨpe nɨbi bɨ gɨ naij gɨnaböl gau manö kub hagnɨg, nɨbi bɨ kub gau, nɨbi bɨ pro gau a göm, manö kub gagnab; adö añɨ u nöp hagöm, ilön ñɨnab.

Hibru 6:10

God haƚöwaƚö gagnab; hagöp rö nöp gɨnab. Kale nöd God nɨp wög gɨmim, mɨdmagö lɨmim, nɨbi bɨ nɨpe kalɨp ud aij gɨmim gɨ ñɨbe u abe, mɨñi u rö nöp ud aij gɨmim gɨ ñɨbim u abe, nɨpe hauƚ gagnab.

Repelesin 11:18

Nɨbi bɨ ram mɨnöŋ gau nɨbö nöp nɨŋöm, kal yabɨƚ jula. Pen mɨñi ne kal juep ñɨn u hadö auöp. Mɨñi nɨbi bɨ umla gau kalɨp manö kub hagep ñɨn u hadö auöp. Mɨñi nɨbi bɨ nöp wög göm, manö ne hag ñɨbal gau abe, nɨbi bɨ manö aij ne nɨŋ udöm, hib ne nɨŋöm ana udpal gau abe, nɨbi bɨ hib halö mɨdpal aka ramö gau mɨdpal gau magöŋhalö, nan aij kalɨp pen ñɨnabön, ñɨn u hadö auöp. Pen nɨbi bɨ haƚöwaƚö göm, nɨbi bɨ rɨmnap kalɨp al pak lɨbal gau, kalɨp pen u rö nöp al pak lɨnabön, ñɨn u hadö auöp,” a gɨla.

Repelesin 15:4

Nɨbi bɨ magöŋhalö nöp nɨŋöm, ana udnaböl. Ne añɨ nöp uɫ mɨdpan. Nöp Bɨ Kub, a göm, hib ne haglö adö arnab. Ne nagɨ yɨjɨg göl adö u nöp gɨ aij gɨpan u nɨŋöm, nɨbi bɨ ram mɨnöŋ gau nɨbö gau nɨbö magöŋhalö apöm nöp sabe gɨnaböl,” a gɨla.

Repelesin 18:20

“Pen God nɨpe gö Babilon böŋ nöp pa jö ma jö gɨ mɨdöp u, kale kumi kabö adö laŋ mɨdpim gau paj hagmim obi ale ale gɨmim mɨñ mɨñ gɨmim! God gö, bɨ si udep nɨbi anɨbu böŋ nöp ap lug paköp u, kale Krais nɨbi bɨ nɨpe mɨdpim gau abe, Krais manö aij nɨpe ud arep bɨ gau abe, God manö hagep bɨ gau abe, kale obi ale ale gɨmim mɨñ mɨñ gɨmim! Nɨpe kalöp gɨ naij ga u nɨŋöm God nɨpe nɨp manö kub hagöm, nɨp pen ilön kub yabɨƚ ñöb me u,” a ga.

Repelesin 18:24

“Babilon nɨbi bɨ gau nöp, God manö hagep bɨ nɨpe gau kalɨp al pak löm, nɨbi bɨ nɨpe gau kalɨp al pak löm, gɨmɨdal. Nɨbi bɨ mɨnöŋ naböŋ iƚ i al pak lɨmɨdal gau magöŋhalö iƚ u me Babilon nöp. Anɨg göp rö, God nɨp pen ilön kub yabɨƚ u ñöb,” a ga.

Repelesin 19:2

God hon manö kub hagöm, manö ud asɨk aij göm, nɨbi bɨ gau kalɨp pen nɨŋö nöp ñöb. Bɨ si udep nɨbi naij yabɨƚ anɨbu, bɨ si udöm aip gɨ ajöm gö, nɨbi bɨ ram mɨnöŋ ke ke gau nɨbö apöm, nɨpe geia u nɨŋöm, anɨg unbö rö nöp gɨ naij geila. Nɨbi anɨbu nɨpe God nɨbi bɨ nɨp wög gɨmɨdal gau al pak la u me, God nɨpe nɨp manö kub hagöm pen ilön kub ñöb,” a gɨla.

Repelesin 6:10

Kale wɨñ kub alöm hagla, “God Bɨ Kub kƚö yabɨƚ. Ne Bɨ Uɫ. Ne nɨŋö yabɨƚ adö u nöp gɨpan! Pen ñɨn aigegö rö mɨdmön, nɨbi bɨ ram mɨnöŋ iƚ yaŋ, hanɨp al pak lɨla gau kalɨp manö kub gɨmön, ilön ñɨnabön?” ö gɨla.