1 Pida 2:8 - Kobon

⁸ Pen manö ap hagla, “Kabö anɨbu nöp, nɨbi bɨ aramöm ma bɨnɨŋ gɨnaböl; kabö anɨbu nöp, nɨbi bɨ apöm, lug paknaböl,” a gɨla. Krais manö aij u nɨŋ udagla u me, ap lug pakla. Pen kale ap lug pakla u, God gɨnab a ga rö nöp ga.

1 Pida 2:8 ပူးပေါင်းရင်းမြစ်များ

Luke 2:34

Pen Simion nɨpe Josep Maria Jisas amlɨ bɨ kalɨp, “God kalöp abad mɨdeiaŋ,” a göm, Jisas nɨme Maria nɨp haga, “Ñɨ anɨbi mɨdö nɨŋöl gɨ, Isrel nɨbi bɨ iru nöp aŋ u ud asɨk ke ke löm, adan naij udöm arnaböl gau, ap lug paknaböl; pen adan aij udöm arnaböl gau, God lau adö arnaböl. God Isrel nɨbi bɨ nɨŋlaŋ, a göm, ñɨ i yua pen nɨbi bɨ rɨmnap nɨp udagöm hag junaböl.

Romans 9:22

Anɨb unbö rö me, God göp. Nɨpe nɨbi bɨ gɨ naij gɨ mɨdpal gau nɨŋö, iru yabɨƚ gö, kalɨp al pak lɨnɨm rö löp u pen, nɨpe mulu halö mɨdöp u nɨŋöm kƚö nɨpe mɨdöp u nɨŋlaŋ, a göm, kalɨp yɨŋɨd anɨg gagöp. God hadame dagol gau gasɨ nɨpe ke nɨŋöm haga, nɨbi bɨ mög nɨŋem ud aij gɨnabin nɨbi bɨ gau mailö aij yad u nɨŋöl, a ga. Anɨb u, nɨbi bɨ anɨb gau mailö aij yad u nɨŋöl a göm, nɨpe nɨbi bɨ gɨ naij gɨ mɨdpal gau gö, gasɨ hibur naij kale u kɨdɨƚ aröp.

1 Korid 1:23

Anɨb u me, Krais hanɨp nan a göm uma manö u hagaino, Juda nɨbi bɨ gau nɨŋöm hagnaböl, “Manö iru göp u nɨhön gɨnɨg hagabim,” a gɨnaböl. Pen Juda nɨbi bɨ wasö gau hagnaböl, “Manö hain nɨbö uƚhai nɨŋabun u hagagabim. U manö ñɨñɨƚoŋ lɨmim hagabim,” a gɨnaböl.

Galesia 5:11

Pen añ mam bɨ nɨŋim! Krais nɨbi bɨ nɨŋ udpal gau kalɨp hañ rɨb gɨ dö gɨmim a gɨbnep, bɨ gau yɨp gɨ naij gagblap. Yad hañ rɨb gɨ dö gɨmim a gɨbnep, Krais nɨpe nɨbi bɨ gau a göm, mab ba laŋ uma manö aij anɨbu nɨŋlö mulu lugagböp.

1 Desalonaika 5:9

Nɨhön gɨnɨg: God hanɨp ga u, ilön kub udlaŋ a göm gaga; Bɨ Kub hon Jisas Krais gö, nɨp aip ram mɨnöŋ kumi kabö adö laŋ au aramun nan aij udnabun a göm ga.

1 Pida 2:6

God Manö u kalɨ kƚiñ rɨköm hagla, “Nɨŋim! Yad kabö ap daun kub Saion lɨnö, kabö anɨbu Saion ram padö rö mɨdeinab. Kabö anɨbu yad ke hag lɨnö; kabö anɨbu kabö aij unbö ke. Nɨbi bɨ an an nɨp nɨŋ udöm cɨg gɨnaböl gau, hainö kale, hon nɨhön gɨnɨg nɨp nɨŋ udpun, a göm, hagagnaböl yabɨƚ,” a gɨla.

1 Pida 2:7

God anɨg hagö, nɨbi bɨ nɨp nɨŋ udpim gau, kabö anɨbu kabö aij unbö ke rö lɨnab; pen nɨbi bɨ nɨp nɨŋ udagpal gau, God Manö u kalɨ kƚiñ rɨköm hagla, “Kabö jɨ nɨŋöm arö gɨla kabö u nöp mɨñi ram padö kƚö yabɨƚ aŋ laŋ u mɨdöp,” a gɨla.

2 Pida 2:3

Mani nan gau udun, a göm, kalöp manö piral yabɨƚ hagnaböl. Anɨg gɨnaböl u pen God nɨpe hadame nöp nɨŋ nöp mɨdmɨdöp. Nɨpe kalɨp manö kub hagöm al pak lɨnɨg gab.

Jude 1:4

Bɨ naij God nɨŋagal rɨmnap agamɨj apöm, kalöp aip magum gɨpal. God nɨpe nɨbi bɨ mög nɨŋöm, Ñɨ nɨpe hag yuö apöm, uma u me, nɨbi bɨ nan si nan naij geinaböl u, God nɨp hag nɨŋlö, nɨpe nan si nan naij gɨnaböl u nɨŋöm arö gɨnab. Pen bɨ naij anɨb gau, manö aij anɨbu ud ado göm hagpal, “Hon nan si nan naij haƚöwaƚö gɨno, God hanɨp pen nan ap gagnab,” a gɨpal. Anɨg gɨpal anɨbu, Bɨ Kub hon Jisas Krais nɨp arö göm, gɨ naij yabɨƚ gɨpal. Hadame dagol gau God Manö kalɨ kƚiñ rɨköm, nɨbi bɨ anɨg gɨnaböl gau ilön kub yabɨƚ udnaböl, a gɨla.