1 Korid 16:7 - Kobon

⁷ Kalöp yɨharɨŋ mailö sɨdö aŋ nɨŋöl arep u yɨp aij gagöp. Bɨ kub yau a geinab, am kale aip rapɨn mɨdem hainö arnabin.

1 Korid 16:7 ပူးပေါင်းရင်းမြစ်များ

Madyu 3:15

Hageia, Jisas haga, “Ne hagabön u arö gɨmön, yad hagabin rö nöp gul me, God hagöp hagöp rö nöp gɨnabul,” a ga. Hageia Jon, “Nɨŋö hagpan,” a göm, Jisas nɨp ñɨg pak ña.

1 Korid 4:19

Pen Bɨ Kub u yɨp yau a gö, yɨŋɨd nɨnabin. Yɨharɨŋ manö nöp hagöm, God nɨbi bɨ nɨpe mɨdagal; kƚö nɨpe u udöm me, nɨbi bɨ nɨpe yabɨƚ mɨdpal. Anɨb u, amjakem nɨbi bɨ aƚeb aƚeb ñɨbal gau manö nöp hagaböl aka God kƚö nɨpe udöm mɨdpal a gem nɨŋnabin.

2 Korid 1:15

Adö anɨbu nöp me, nöd Masedonia Propins aragnö ñɨn u, yad gasɨ ap nɨŋem köl am nɨŋnɨg nɨnabin a gɨnö. Yad Masedonia nɨbi bɨ kalɨp nɨŋnɨg arnabin, pen nöd am kalöp nɨŋem arnam, a gɨnö. Pen ado gɨ apem, Judia arnɨg, adan mɨlö añɨ anɨbu nöp apem, kalöp kauyaŋ nɨŋöl gɨ ap padinam, a gɨnö. Anɨg gɨnö me, kale mɨñ mɨñ gɨmim yɨp pen gɨ ñɨmim nan magö rɨmnap ñɨbe ñɨŋöl gɨ, Judia arnam, a gɨnö.

Jems 4:15

Göp anɨbu rö, manö hagpim anɨbu arö gɨmim hagmim, “Bɨ Kub nɨp aij geinab u, hon kamɨŋ mɨdun, anɨg anɨg gɨnabun,” a gɨmim.