1 Korid 16:18 - Kobon

¹⁸ Anɨg gɨpal anɨbu yɨp aij göm kalöp aij göm göp. Bɨ aij anɨb gau manö hagnaböl u nɨŋ aij gɨmim.

1 Korid 16:18 ပူးပေါင်းရင်းမြစ်များ

Romans 15:32

Anɨb u, God yɨp yau a gainɨm, kale mɨdpim u amem, magö ap mɨdnö aij gö nɨŋöl gɨ, kalöp aip mɨdeinabun.

2 Korid 7:13

Pen kale köp anɨbu nɨŋmim, hanɨp ud aij yabɨƚ gɨpim u me, hon mɨñ mɨñ gun gasɨ halö mɨdpun. Pen Daidas kalöp am nɨŋöm apöm aiud udöm mɨñ mɨñ gaia u nɨŋun, hon u rö nöp mɨñ mɨñ gɨpun. Daidas nɨp ud aij gɨpe u, mɨñi nɨpe ñɨñɨ löm mɨd aij göp.

1 Desalonaika 5:12

Añ mam bɨ. Bɨ kub kalöp uɫham wög gɨ ñöl gɨ, manö ud asɨköl gɨ, manö hag ñöl gɨ mɨdpal gau, kalɨp ud aij gɨmim.

Pilimon 1:20

Mam yad. Bɨ Kub nɨp wög aip gɨpul rö, hagabin rö nöp gɨmön. Krais halɨp mɨhöŋ ud aij gö mamil mɨhau mɨdpul rö, ne anɨg gɨmön nɨŋöm yad mɨñ mɨñ gɨnabin.

Pilimon 1:7

Pen mam aij yad Pilimon nöŋ! Ne God nɨbi bɨ nɨpe gau kalɨp mɨdmagö yabɨƚ lɨban u, kale mɨdmagö aŋ kale daŋ mɨñ mɨñ gɨpal. Yad u rö nöp nɨŋem mɨñ mɨñ göl gɨ gasɨ halö mɨdpin.

Hibru 13:7

Bɨ kub kalöp God Manö aij haglö nɨŋbe u gasɨ nɨŋöl gɨ mɨdaimim. Kale God nɨp nɨŋ udöm, manö nɨpe hagöp rö gɨlö arö umla u gasɨ nɨŋöl gɨ mɨdmim, anɨg unbö rö nöp göl gɨ mɨdaimim.

3 Jon 1:4

Ñɨ pai yad gau, Jisas Krais manö nɨŋö hagöp rö nöp gɨpal, a gɨnaböl u, yad mɨñ mɨñ yabɨƚ gɨnabin.