1 Jon 4:8 - Kobon

⁸ God nɨpe nɨbi bɨ kalɨp mɨdmagö löp u me, nɨbi bɨ an, nɨbi bɨ gau kalɨp mɨdmagö lagpal gau, kale God nɨp nɨŋagpal.

1 Jon 4:8 ပူးပေါင်းရင်းမြစ်များ

2 Korid 13:11

Añ mam bɨ. Mɨñi manö hag junɨg gem, “Kale mɨdaiim” a gabin. Köp kalɨ kƚiñ rɨkabin anɨbi aunab u nɨŋmim, hon nan aij adö u nöp gun a gɨmim kƚö nöp anɨg göl gɨ mɨdaimim, manö kalɨ kƚiñ rɨkabin i udmim, manö hag adö añɨ lɨmim, agamɨj mɨd aij gɨmim. Anɨg gɨpe me, God nɨbi bɨ mɨdmagö löm ud aij göp u, kale aip nöp mɨdeinab.

Epesas 2:4

Anɨb u, hon nɨbi bɨ böŋ nöp umla nɨbö rö mɨdaino, God aip mɨdep rö lagö, God nɨbi bɨ pör nöp mög nɨŋöb u, hanɨp mɨdmagö yabɨƚ löm, Krais aip ud kamɨŋ löp. God nɨpe kalöp mög nɨŋöb u me, kalöp ud kamɨŋ yuöp.

Hibru 12:29

God hon mab ke inab rö mɨdöp.

1 Jon 1:5

Jisas Krais hanɨp hagö nɨŋbun manö u kalöp hagnɨg gabin. God nɨpe mailö; nɨpe sɨbön halö mɨdagöp.

1 Jon 2:4

Bɨ ap, God nɨp nɨŋbin, a gɨnab pen God hagöp rö gagnab u, nɨpe manö piral hagnab; manö nɨŋö u mɨdmagö aŋ nɨpe daŋ mɨdagöp.

1 Jon 2:9

Nɨbi bɨ, mailö mɨdpun, a göm, añ mam kale rɨmnap mulu kal nɨŋbal gau, kale sɨb au mɨdpal.

1 Jon 3:10

Anɨb u hon nɨŋbun, nɨbi bɨ an an kale God ñɨ pai nɨpe mɨdpal, nɨbi bɨ an an kale Seden ñɨ pai nɨpe mɨdpal; nɨbi bɨ gɨ aij gagpal gau kale God ñɨ pai nɨpe mɨdagpal; nɨbi bɨ añ mam gau kalɨp mɨdmagö lagpal gau kale u rö nöp God ñɨ pai nɨpe mɨdagpal.

1 Jon 3:6

Anɨb u, nɨbi bɨ nɨp aip jɨm ñöl mɨdpal gau, nan si nan naij gagpal. Nɨbi bɨ nan si nan naij gɨpal gau, Jisas Krais nɨp nɨŋagpal; nɨpe bɨ aigale bɨ rö mɨdöp u nɨŋagpal.

1 Jon 4:16

Anɨbu, God nɨpe hanɨp mɨdmagö yabɨƚ löp u nɨŋ udun, gasɨ anɨbu nɨŋöl gɨ nöp mɨdpun. God Bɨ mɨdmagö lep. Nɨbi bɨ mɨdmagö lɨbal gau, God aŋ daŋ mɨdpal; God kalɨp aŋ daŋ mɨdöp.

1 Jon 4:7

Nɨbi bɨ mɨdmagö yad gau. Añ mam gau pen pen mɨdmagö lun. God nɨpe gö me, nɨbi bɨ mɨdmagö lɨbal. Nɨbi bɨ an, nɨbi bɨ gau kalɨp mɨdmagö lɨbal gau, kale God ñɨ pai nɨpe mɨdöm, God nɨp nɨŋbal u me, nɨbi bɨ gau mɨdmagö lɨbal.