1 Jon 4:6 - Kobon

⁶ Pen hon God ñɨ pai nɨpe mɨdpun. Nɨbi bɨ God nɨp nɨŋ udpal gau, manö hon nɨŋ udpal. Pen nɨbi bɨ God nɨp nɨŋ udagpal gau, manö hon nɨŋ udagpal. Adö anɨbu, Ana nɨŋö nöp kalɨp gasɨ ñö hagpal aka ana piral u gasɨ ñö hagpal u, nɨŋbun.

1 Jon 4:6 ပူးပေါင်းရင်းမြစ်များ

Luke 10:22

Jisas anɨg hagöm haga, “Nɨbi bɨ rɨmnap yad bɨ aigale bɨ rö mɨdpin u nɨŋagpal; Bapi nɨpe nöp yɨp nɨŋöb. Pen Bapi nɨpe bɨ aigale bɨ rö mɨdöp u, nɨbi bɨ rɨmnap nɨŋagpal; yad ke nöp nɨŋbin. Nɨpe yɨp pɨdöŋ nan nɨpe gau magöŋhalö ñöb rö, nɨbi bɨ kalɨp yamnam a gɨnabin gau nöp, Bapi kalɨp yamnö nɨp nɨŋnaböl. Nɨbi bɨ rɨmnap halö Bapi nɨp nɨŋagnaböl,” a ga.

John 10:16

Sipsip waryö raul mɨgan i mɨdpal nöp wasö, sipsip rɨmnap halö mɨdpal. Sipsip anɨb gau u rö nöp udnabin. Kale u rö nöp manö yad u nɨŋnaböl. Sipsip raul mɨgan añɨ ap magum gɨ mɨdöm, bɨ mukep kale añɨ ap nöp mɨdöm gɨnab.

John 10:27

Sipsip yad gau manö yad hagabin nɨŋbal; yad kalɨp nɨŋbin nɨŋöm kale yɨp hain gɨpal.

John 10:3

“Pen bɨ sipsip mukep u amjakö, bɨ ajöŋ iƚ abad mɨdöp u nɨp nɨŋ aij gɨnab rö, adan u hiɨknab. Pen sipsip gau u rö nöp, bɨ anɨbu maj mɨgan nɨp u nɨŋnaböl rö, sipsip nɨpe ke gau hib ñöl gɨ paŋɨd höŋ arnab.

John 13:20

“Yad kalöp nɨŋö yabɨƚ hagabin, nɨbi bɨ yad hag yunabin gau, nɨbi bɨ an an kalɨp udnaböl gau, kalɨp nöp udagnaböl; yɨp abe udnaböl. Pen nɨbi bɨ an yɨp udnaböl gau, yɨp nöp udagnaböl; Bɨ yɨp hag yuö aunö u abe udnaböl,” a ga.

John 14:17

Bɨ Aɫ Ba Gep nɨpe Ana manö nɨŋö nöp hag ñab u. Nɨpe God nɨpe bɨ aigale bɨ rö mɨdöp manö nɨŋö anɨbu hag ñab. Nɨbi bɨ mɨnöŋ naböŋ iƚ i gau Bɨ Aɫ Ba Gep nɨp amgö nɨŋagpal; nɨpe bɨ aigale bɨ rö mɨdöp u nɨŋagpal. Anɨb u, nɨp nɨŋ udöl rö lagöp. Pen mɨñi Bɨ Aɫ Ba Gep nɨpe kalöp aip mɨdöp; pen hainö aŋ kale daŋ mɨdeinab. Anɨb u, kale nɨp hadö nɨŋbim.

John 15:26

“Pen yad am Bapi nɨp hagnö, nɨpe pen Bɨ Aɫ Ba Gep u nɨp yuö, apöm kalöp abad mɨdeinab. Ana manö nɨŋö nöp hag ñab u, yad bɨ aigale bɨ rö mɨdpin u, kalöp gasɨ ñö, nɨŋnabim.

John 16:13

Pen Ana nɨpe aueinab u, God nɨpe bɨ aigale bɨ rö mɨdöp manö nɨŋö anɨbu magöŋhalö kalöp hag ñɨ aij gɨnab. Manö nɨpe adö rɨmnap ke udöm hagagnab; manö apdi nɨŋnab manö anɨbu nöp hag ñöl gɨ, hainö gɨnab manö adö u kalöp hag ñɨnab.

John 18:37

Anɨg hageia, Pailod haga, “Anɨb u, ne kiŋ ap aka?” ga. Hageia, Jisas haga, “Me ne hagpan me u. Adö anɨbu nöp me, Bapi God gö, yɨp mɨnöŋ naböŋ iƚ i yag daulö, majö gem, manö nɨŋö yuö yabɨƚ u hag ñɨbin. Nɨbi bɨ manö nɨŋö yabɨƚ udun, a gɨ gasɨ nɨŋbal gau, manö yad u udpal,” a ga.

John 20:21

Jisas pen kalɨp kuöyaŋ haga, “God kalöp abad mɨdeiaŋ. Bapi yɨp hag yuö apem wög nɨpe gɨpin rö, kalöp pen abe hag yuabin,” a ga.

John 8:19

Anɨg hageia, nɨp hagla, “Nap ne mai?” ö gɨla. Hageila, Jisas pen haga, “Kale yɨp nɨŋagpim rö, Bapi yad nɨp u rö nöp nɨŋagpim. Yɨp nɨŋbep, Bapi yad u rö nöp nɨŋbep,” a ga.

John 8:23

Anɨg hagla u pen Jisas kalɨp haga, “Kale yaŋ nɨbö; yad laŋ nɨbö. Kale mɨnöŋ naböŋ iƚ i nɨbö; yad mɨnöŋ naböŋ iƚ i nɨbö wasö.

Romans 1:1

Yad Pol. Krais Jisas wög gɨ ñeb bɨ nɨpe mɨdpin. God yɨp hag lö, Krais Jisas manö aij ud arep bɨ ap mɨdpin. God nɨpe yɨp udö, God manö aij u ud ajmɨdin.

Romans 11:8

Adö anɨbu nöp, Mosɨs God Manö adɨŋ ap kalɨ kƚiñ rɨköm haga, “God nɨpe gö, kale hon hanöm, amgö ju ju gɨ mɨdeila; nɨpe gö, kalɨp amgö we gö, amgö nɨŋageila; nɨpe gö, kalɨp hauƚ alö, manö apdi nɨŋageila; anɨbu nöp mɨd damöm, uri unbö rö nöp mɨdpal,” a ga.

1 Korid 14:37

Kale bɨ an an, God Ana hanɨp nan aij ñö, Jisas manö aij u nɨbi bɨ gau hag ñɨmɨdun a gɨmim gasɨ nɨŋbim gau, yad Bɨ Kub hagöp rö hagabin me u a gɨmim nɨŋmim.

2 Korid 10:7

Kale rɨmnap amgö nöp nɨŋbe. Nɨŋ aij gɨmim. Bɨ ap Krais bɨ nɨpe mɨdpin a gɨ gasɨ nɨŋöb u, Pol u rö nöp Krais bɨ nɨpe mɨdöp u nɨŋnɨm.

2 Desalonaika 1:8

Nɨbi bɨ God nɨp gasɨ nɨŋagöm, Bɨ Kub hon Jisas manö aij nɨpe u nɨŋ udöm, hagöp rö gagpal nɨbi bɨ gau kalɨp pen ilön ñɨnab.

1 Dimodi 4:1

God Ana waiö hagöm hagab, “Ñɨn hain nɨbi bɨ rɨmnap Krais Jisas manö aij nɨŋ udla u arö göm, kɨjaki manö piral anɨbu nɨŋöm, kɨjaki aiön pi yam nɨpe gau manö piral hag ñɨbal u nɨŋ udöm adö anɨbu nöp hain gɨnaböl,” a gab.

2 Pida 3:2

God nɨpe ke bɨ manö hagep uɫ nɨpe gau hag lö, kale hadame nöp manö nɨpe hagla. Ud Kamɨŋ Yuep Bɨ hon, Bɨ Kub hon u, nɨpe ke bɨ manö ud arep nɨpe hag lö, manö kƚö hagöm anɨg gɨmim, a ga, manö u hag ñɨmɨdun. Manö anɨbu nöp, kale hadame hagla abe, hon uri hagabun abe, nɨŋ mɨdaimim, a gem, kalöp köp anɨbi kalɨ kƚiñ rɨkabin.

1 Jon 4:1

Mɨdamam aij yad gau. Nɨbi bɨ God Manö piral hag ajaböl gau iru mɨdpal u me, nɨbi bɨ rɨmnap God Ana aip jɨm ñöl mɨdpun, a gaiöl u, nɨŋ aij gɨmim, manö kalɨp u udmim. God Ana aka nan rɨmnap ke kalɨp gasɨ ñö hagaböl, a gɨmim, nɨŋmim.

1 Jon 4:4

Ñɨ pai mɨdmagö yad gau. God nɨpe kalöp aŋ daŋ mɨdöp; nɨpe Bɨ kƚö yabɨƚ. Pen Seden nɨpe nɨbi bɨ ram mɨnöŋ iƚ i mɨdpal gau kalɨp aŋ daŋ mɨdöp; nɨpe bɨ kƚö yabɨƚ wasö. God Bɨ kƚö yabɨƚ u, nɨpe kalöp aŋ daŋ mɨdöp u me, nɨbi bɨ manö piral hagpal gau gasɨ kalöp ɫɨp gɨ ud aröl rö lagöp.

1 Jon 4:8

God nɨpe nɨbi bɨ kalɨp mɨdmagö löp u me, nɨbi bɨ an, nɨbi bɨ gau kalɨp mɨdmagö lagpal gau, kale God nɨp nɨŋagpal.

1 Jon 5:19

Hon nɨŋbun, hon God ñɨ pai nɨpe mɨdpun; pen nɨbi bɨ ram mɨnöŋ iƚ i gasɨ nɨŋbal gau magöŋhalö Seden ñɨmagö adö nɨpe mɨdpal.

Jude 1:17

Pen bɨ nɨŋeb aij yad gau. Bɨ Kub hon Jisas Krais bɨ manö nɨpe ud arep gau nöd hagla manö u gasɨ nɨŋöl gɨ mɨdaimim.