1 Dimodi 6:20 - Kobon

²⁰ Dimodi. God nan ñɨmagö adö nöp ñɨ la u, ud aij gɨmön. God nɨp gasɨ nɨŋagöm manö piral manö yɨharɨŋ pör pör hag amɨl apɨl gɨpal gau abe, manö hauƚ alö pen pen hagaböl gau abe, udagmön.

1 Dimodi 6:20 ပူးပေါင်းရင်းမြစ်များ

Aposɨl 16:1

Pol Sailas kalpe mɨhöŋ aj aj lɨmil, Debi ammil, Lisdra amjaklö. Ram mɨnöŋ anɨb gau Jisas nɨp nɨŋ uda bɨ ap mɨdeia; hib nɨpe u Dimodi. Bɨ anɨbu nɨme nɨpe u Juda nɨbö nɨbi ap pen Jisas nɨp nɨŋ uda. Nap nɨpe u Grik nɨbö bɨ ap.

Aposɨl 17:18

Daun kub Adens anɨbu, nɨbi bɨ gasɨ adö ke ke nɨŋla gau, hib ke ke hagöm, rɨmnap Epikorian nɨbi bɨ a gɨla, rɨmnap Sɨdowɨk nɨbi bɨ a gɨla. Ñɨn ap, Pol nɨbi bɨ anɨb gau kalɨp Jisas umöm uraka manö aij u hagö, Epikorian bɨ gasɨ aij nɨŋeb rɨmnap, Sɨdowɨk bɨ gasɨ aij nɨŋeb rɨmnap, Pol manö haga u nɨŋöm, nɨp aip hag amɨl apɨl göm, rɨmnap hagla, “Bɨ manö hib ñɨg löp manö u nɨhön manö hagnɨg gab?” ö gɨla. Pen rɨmnap hagla, “Nɨbi bɨ mɨlö gau sabe gɨpal god kale gau rö nöp hagab,” a gɨla.

Aposɨl 17:21

Pen nɨbi bɨ Adens nɨbö gau abe, nɨbi bɨ ke gau nɨbö apöm Adens mɨdeila gau abe, manö gɨsön nɨbö rɨmnap nɨŋun hag mɨdaiun, a göm, gasɨ u nöp nɨŋmɨdal.

Romans 1:22

Hon nɨbi bɨ gasɨ aij nɨŋmɨdun, a gɨpal u pen kale nɨbi bɨ hauƚ rö mɨdpal.

Romans 3:2

Juda nɨbi bɨ mɨdpun u aij yabɨƚ mɨdpun. Manö yad ke nɨbi bɨ rɨmnap kalɨp hag ñöl, a göm, God hanɨp Juda nɨbi bɨ nöp manö aij nɨpe ña.

1 Korid 2:6

Pen yad am nɨbi bɨ Krais nɨp kabö rö nɨŋ ud pɨdöŋ gɨpal gau aip am mɨdem, kalɨp gasɨ kɨd hiɨk nɨŋeb manö rɨmnap hag ñɨmɨdin. Pen ram mɨnöŋ adö iƚ i gasɨ kɨd hiɨk nɨŋbal rö hag ñagmɨdin. Kiŋ gau bɨ kub gau, kale gasɨ kɨd hiɨk nɨŋbal rö hag ñagmɨdin. Kiŋ gau bɨ kub gau kale hir gɨnaböl.

1 Korid 3:19

Nɨhön gɨnɨg: mɨnöŋ naböŋ iƚ i manö kub kub rö hagöm hagpal adö u, God nɨŋö, manö hauƚ nɨŋagep rö löp. God Manö u kalɨ kƚiñ rɨköm hagla, “Nɨbi bɨ gasɨ kɨd hiɨk nɨŋun, nɨŋ aij gɨpun a gɨpal gau, nɨpe gö, gasɨ kɨd hiɨk nɨŋeb magö anɨbu, hel ap rö löm, gasɨ rɨmɨd mɨdmagö kalɨp ud sɨsɨ lö, bɨ nagɨman rö mɨdeinaböl,” a gɨla.

Kolosi 2:18

Anɨb u, nɨbi bɨ rɨmnap apöm, manö mɨlö hagöm, naböŋ nɨŋbun rö, kale anɨg anɨg gɨmim, aka nɨbi bɨ ramö rö mɨdmim, aka ejol gau sabe gɨmim, a gaiöl u, manö kale udmim, God nan aij kalöp ñɨnab nan u arö gagmim. Nɨbi bɨ anɨb gau, Krais manö aij u nɨŋagpal; gasɨ kale ke nöp nɨŋöm, gasɨ piral gau nɨbö gau nɨbö udöm, hon nɨbi bɨ kub a göm, aiud yɨharɨŋ mɨlö yabɨƚ udaböl.

Kolosi 2:8

Pen nɨŋ aij gɨmim. Nɨbi bɨ rɨmnap kalöp manö yɨharɨŋ manö piral haglö, kale manö piral anɨbu udmim kɨd kale gau ammim rö löp. Manö yɨharɨŋ manö piral hagpal u, bac bɨ aiud kale abe, ana naij nan gau mɨnöŋ naböŋ iƚ i abad mɨdpal gau aiud abe udöm hagpal. Krais manö aij u udöm hagagpal.

2 Desalonaika 1:4

Krais nɨbi bɨ nɨpe mɨdpe, nɨbi bɨ rɨmnap kalöp gɨ naij gɨlö, mɨŋör auö uɫham mɨdpim u pen gasɨ iru nɨŋagmim, Krais nɨp nɨŋ ud pɨdöŋ gɨmim cɨg aij yabɨƚ gɨpim. Anɨb u, God cöc nɨpe ram mɨnöŋ ke ke gau aramun, Krais manö aij hag ñɨ ajun, pör nöp kale anɨg gɨpim u kalɨp hagpun.

2 Desalonaika 2:15

Anɨb u me, añ mam bɨ, Bɨ Kub Jisas Krais aip mɨd aij gɨnabun a gɨmim, kƚö gɨmim, manö kalöp hag ñɨno nɨŋbe u abe, manö kalɨ kƚiñ rɨkun hagno nɨŋbe u abe nɨŋ ud pɨdöŋ gɨmim mɨdaimim.

1 Dimodi 1:11

Manö aij anɨbu Krais manö aij nɨpe u nöp. Manö aij anɨbu God mailö halö u yɨp manö hag ñɨ ajep bɨ nɨpe hag la.

1 Dimodi 1:2

Dimodi. Krais manö aij u nöp hag ñainö, Krais Jisas nɨŋ udpan u me, nöp ñɨ aij yad, a gabin. Bapi God, Bɨ Kub hon Krais Jisas, nöp mög nɨŋmil, ud aij gɨmil, abad mɨd aij gɨlö me, ne agamɨj mɨd aij gɨmön.

1 Dimodi 1:4

Manö aiud piral udöm hagpal u, “Apɨs bac hon anɨg göl anɨg göl rɨklö auöp,” a gɨpal u, hagmön arö göl. Manö adö anɨbu hagöm, pen pen nöp hagpal. Manö piral adö anɨbu nɨbi bɨ gau kalɨp haglö, God nɨpe nɨbi bɨ ud kamɨŋ yunɨg gab manö aij u nɨŋagnaböl. Anɨb u, kale Krais manö aij u nɨŋ udöl rö lagnab.

1 Dimodi 1:6

Pen nɨbi bɨ rɨmnap Krais manö aij u hagöp rö arö göm, bɨ hauƚ rö manö yɨharɨŋ gau hag amɨl apɨl gɨpal.

1 Dimodi 1:9

Pen hon nɨŋbun, God lo manö nɨbi bɨ gɨ aij gɨpal gau kalɨp hagagab; nɨbi bɨ lo manö rɨb jubal gau kalɨp hagab. Nɨbi bɨ God nɨp nɨŋagal gau abe, nɨbi bɨ nan si nan naij gɨpal gau abe, kalɨp hagab. Nɨbi bɨ God nɨp sabe gagal gau abe, nɨbi bɨ God nɨp manö naij hagpal gau abe, kalɨp hagab. Nɨbi bɨ nɨme nap kale ke al pak lɨbal gau abe, nɨbi bɨ wip albal gau abe, kalɨp hagab.

1 Dimodi 4:7

Pen aiud yɨharɨŋ gau hag amɨl apɨl gɨpal gau nɨŋagmön. Ne kƚö gɨmön, God nɨp aij gɨnab adö u nöp gɨ mɨdaimön.

1 Dimodi 6:11

Dimodi. Ne God bɨ nɨpe mɨdpan u me, nan naij nan piral hagajɨn i magöŋhalö hil gɨmön, gɨ aij gɨmön, God hagöp rö nöp gɨmön, Krais Jisas nɨŋ udmön, nɨbi bɨ gau mɨdmagö lɨmön, kƚö gɨmön gɨ dammön, bɨ agamɨj hain rɨkmön, gɨ mɨdmön.

1 Dimodi 6:14

manö nöp hagabin i magöŋhalö nɨŋ aij gɨmön, hain gɨmön, gɨ aij gɨmön gö arö, Bɨ Kub hon Jisas Krais ado gɨ aunab. Ne anɨg geinabön, nɨbi bɨ rɨmnap nɨŋöm nöp hag juöl rö lagnab.

2 Dimodi 2:1

Pen ñɨ yad Dimodi. Ne Krais Jisas nɨp hain geinabön u, nɨpe nöp mög nɨŋöm ud aij gɨnab. Anɨb u, ne gasɨ añɨ nöp nɨŋmön, kƚö gɨ mɨdaimön.

2 Dimodi 2:16

God nɨp gasɨ nɨŋagöm manö yɨharɨŋ pör pör hag amɨl apɨl gɨnaböl u, ne aip hagagmön. Hag dam dapɨl göm, kale God Manö nɨŋö u arö göm, mɨlö gau arnaböl.

Daidas 1:14

Kalɨp manö kƚö hagmön, Juda nɨbi bɨ aiud yɨharɨŋ hadame gau hagmɨdal gau arö göl; nɨbi bɨ Krais manö nɨŋö jɨ nɨŋbal gau anɨg anɨg gɨmim a gɨpal gau, manö kale udagöl.

Daidas 1:4

Daidas, nöp köp anɨbi kalɨ kƚiñ rɨkabin. God Manö u nöp hag ñainö, Krais Jisas nɨŋ udmön, manö aij adö añɨ nɨŋbul u me, nöp ñɨ aij yad, a gabin. Bapi God abe, Ud Kamɨŋ Yuep Bɨ hon Krais Jisas abe, nöp mög nɨŋmil, ud aij gɨmil, abad mɨd aij gɨlö, ne agamɨj mɨd aij gɨmön.

Daidas 1:9

Krais manö nɨŋö nöd hag ñɨlö nɨŋla u nöp nɨŋ ud pɨdöŋ göl gɨ, Krais nɨbi bɨ gau kalɨp Krais manö yɨdun göl u nöp hag ñɨ aij gɨlö, kale nɨŋ udöm gasɨ halö mɨdeinaböl. Pen nɨbi bɨ manö yɨdun göl anɨbu rɨb jubal gau, kalɨp manö yɨdun göl adö u hag ñɨ aij geinaböl, manö pen hagöl rö lagnab.

Daidas 3:9

Pen nɨbi bɨ rɨmnap manö haƚöwaƚö hag amɨl apɨl göm, apɨs bac hon gau anɨg anɨg göl rɨklö auöp, a göm, Juda lo manö u anɨg anɨg göl mɨdöp, a göm, pen pen hagaiöl u, ne aip hagagmön. Manö anɨb gau iƚ ap mɨdagöp; nɨbi bɨ manö yɨharɨŋ anɨbu nɨŋöm agamɨj mɨd aij göl rö lagöp.

Repelesin 3:3

Anɨb u, Krais manö aij u hag ñeila nɨŋbim u, nɨŋ ud pɨdöŋ gɨmim, nan si nan naij gɨpim u, nɨhön gɨnɨg anɨg gɨpun a gɨmim, arö gɨmim, Krais manö aij u hagöp rö gɨmim. Pen uhön hauƚ hanmim urakagnabim u, yad bɨ nan si udep gau nɨŋ mɨdlö auagpal rö u aunö, nɨŋmim pa gɨƚɨ gɨnabim.