1 Dimodi 6:14 - Kobon

¹⁴ manö nöp hagabin i magöŋhalö nɨŋ aij gɨmön, hain gɨmön, gɨ aij gɨmön gö arö, Bɨ Kub hon Jisas Krais ado gɨ aunab. Ne anɨg geinabön, nɨbi bɨ rɨmnap nɨŋöm nöp hag juöl rö lagnab.

1 Dimodi 6:14 ပူးပေါင်းရင်းမြစ်များ

1 Korid 1:8

Bɨ Kub hon Jisas Krais kalöp abad mɨdöm gɨ ñɨ aij gö, kale ram mɨnöŋ iƚ i mɨdmim, manö aij nɨpe u nɨŋ udöl gɨ mɨdmim, nɨp arö gagnabim. Bɨ Kub hon Jisas Krais aunab ñɨn u, kale manö rɨmnap nɨŋagnabim.

Pilipai 1:10

Anɨb u, adan mai adan aij yabɨƚ u nɨŋ aij gɨmim, adan aij yabɨƚ adö anɨbu nöp arammim, aij yabɨƚ göp adö u nöp gɨ mɨdpe me, kalöp manö ap mɨdageinab nɨŋöl gɨ Krais ado gɨ aunab.

Pilipai 1:6

Yad nɨŋbin, God kalöp nöd nɨbi bɨ nɨpe uda u, kalöp arö gagnab me; nɨpe wög aij anɨbu gɨ dam dam kalöp abad mɨd dam dam, Krais Jisas ado gɨ aunab.

Pilipai 2:15

Kale anɨg gɨmim, ram mɨnöŋ iƚ i mɨdmim, nɨbi bɨ naij yabɨƚ nan si nan naij gɨmɨdal gau aip mɨdpim u pen kale God ñɨ pai nɨpe aij yabɨƚ asɨŋ mɨdagöp mɨdeinabim. Kamɨŋ ñeb manö u ud nɨbi bɨ nan si nan naij gɨmɨdal gau kalɨp ñɨmim, gapɨ magö kumi kabö laŋ ñɨ lab rö u, kale mailö ñɨ lɨmim. Anɨb u, Krais ado gɨ aunab ñɨn u, Krais manö aij kalöp pör hag ñɨbin u, hagnö pak lɨ aragöp, nɨŋöm adö anɨbu nöp gɨpal a gem, mɨñ mɨñ yabɨƚ gɨnabin.

Kolosi 1:22

Mɨñi pen Ñɨ nɨpe hañ romaŋ löm uma rö, kalöp ud nɨpe ke aip jɨm ñöl lö, ram mɨnöŋ nɨpe kumi kabö adö laŋ au arammim, God amgö ilö nɨpe au nɨbi bɨ uɫ, nɨbi bɨ asɨŋ mɨdagöp, nɨbi bɨ manö ap mɨdagöp, mɨdeinabim.

Kolosi 4:17

Pen Akipas nɨp hagmim, “Bɨ Kub wög nöp hag la u gɨ udmön,” a gɨmim.

1 Desalonaika 3:13

Bɨ Kub Jisas kalöp kƚö nɨpe ñöm abad mɨd damöm, nɨbi bɨ uɫ nɨpe gau magöŋhalö udöm ado gɨ aunab ñɨn u, nɨpe apöm kalöp udö, God Bapi hon amgö ilö adö nɨpe u, kalöp manö ap mɨdagö nɨbi bɨ uɫ nɨpe mɨdeinabim.

1 Desalonaika 5:23

God hanɨp nɨbi bɨ ud aij göp agamɨj mɨd aij gɨpun u, nɨpe ke kalöp abad mɨdöm gö, kale nɨbi bɨ ke kamɨŋ aij nɨpe mɨdeinabim. God nɨpe ke gö, Bɨ Kub hon Jisas Krais aunab ñɨn u, ana kale gau, gasɨ rɨmɨd mɨdmagö kale gau, hañ romaŋ kale gau magöŋhalö, asɨŋ ap mɨdagnɨm.

2 Desalonaika 2:1

Añ mam bɨ. Bɨ Kub hon Jisas Krais ado gɨ apöm hanɨp ƚɨhu udö nɨpe aip mɨdeinabun manö u hagnabin.

2 Desalonaika 2:8

God gö bɨ adan wamöb u ke gau arnab u, God nɨp kauaƚ mauaƚ mɨdöp bɨ u waiö lɨnab. Pen Bɨ Kub Jisas aunab ñɨn anɨbu, nɨpe rɨb adɨk göm apöm manö nöp hagö, Bɨ Naij u böŋ nöp ap lug paknab.

1 Dimodi 6:20

Dimodi. God nan ñɨmagö adö nöp ñɨ la u, ud aij gɨmön. God nɨp gasɨ nɨŋagöm manö piral manö yɨharɨŋ pör pör hag amɨl apɨl gɨpal gau abe, manö hauƚ alö pen pen hagaböl gau abe, udagmön.

2 Dimodi 4:1

Nöp manö anɨbi yɨharɨŋ hagagabin. Krais Jisas nɨbi bɨ gau magöŋhalö Kiŋ kale abad mɨdeinabin, a göm, ado gɨ aueinab ñɨn u, nɨpe nɨbi bɨ kamɨŋ mɨdeinaböl gau abe, nɨbi bɨ umla gau abe, nɨme ke ke lɨnɨg gab. Anɨb u, God abe, Krais Jisas abe nɨŋmɨdlö nɨŋöl gɨ, nöp manö anɨbi hagnɨg gabin.

Daidas 2:13

Anɨb u, God hon Jisas Krais hanɨp ud Kamɨŋ yuöp u, mailö halö ado gɨ aunab a gun, gasɨ halö mɨdun aij gö nɨŋöl gɨ mɨdpun.

Hibru 9:14

Hagape yɨharɨŋ pɨsmas gɨ yuö kamɨŋ lɨmɨdöp anɨbu nɨŋun nɨŋbun, Ana pör pör nöp mɨdöp u Krais Bɨ Uɫ Ke Yabɨƚ u aip mɨdöm, hanɨp a göm umö, hagape yua u hanɨp gö, nan si nan naij gɨpun gac u mɨdmagö aŋ hon daŋ mɨdöp u ƚɨk gɨ yuö, nagɨ ubɨŋ ap lug paköm umnaböl adö u arö gun, God pör kamɨŋ mɨdöp u nɨp nöp wög gɨ ñun.

Hibru 9:28

Krais nɨpe mañ añɨ nöp nɨbi bɨ nan si nan naij gac kale magöŋhalö ƚɨk gɨ yunɨg uma. Nɨpe bɨ añɨ nöp; kale nɨbi bɨ iru yabɨƚ. Krais kauyaŋ aunab. Pen kauyaŋ ado gɨ aunab ñɨn u, nɨbi bɨ nan si nan naij gɨpal gau kalɨp kauyaŋ nan sabe gɨ ñɨnam a göm auagnab; nɨpe anɨg hadö böŋ nöp ga. Pen nɨbi bɨ nɨp aij gö nɨŋöl gɨ abad mɨdpal gau kalɨp böŋ nöp udöm nan aij ñɨnabin a ga u ñɨnɨg aunab.

1 Pida 1:7

Nɨbi bɨ gol raubal gau laulö inö, magöŋhalö gol nöp mɨdöp aka nan naböŋ naböŋ halö mɨdöp, a göm, nɨŋbal. Gol nan yɨharɨŋ rö u pen anɨg gɨpal. Pen God nɨp cɨg gɨpim aka cɨg gagpim u nan kub yabɨƚ u me, marö auö uɫham mɨdeinabim anɨbu, nɨp cɨg aij gɨpim aka cɨg aij gagpim u nɨŋnab. Pen marö auö, nɨp cɨg aij göl gɨ nöp mɨdeinabim u, Jisas Krais ado gɨ aunab ñɨn u, God nɨpe kalöp, gɨ aij yabɨƚ gɨpim, a göm, hib kale gö adö laŋ arö, kalöp wɨhai damöm, ram Mɨnöŋ aij nɨpe ud arnab.

2 Pida 2:21

Kamɨŋ mɨdep nagɨ u nɨŋagblap u, aij rö gɨböp. Pen God kalɨp haga manö aij u nɨŋöm, hainö arö gɨnaböl u, gɨ naij yabɨƚ gɨnaböl.

2 Pida 3:14

Anɨb u, nɨbi bɨ mɨdmagö yad gau. Nɨpe aunab, a gɨmim, abad mɨdpim ñɨn i, gasɨ kƚö nɨŋmim, God amgö ilö nɨpe nɨbi bɨ asɨŋ mɨdagöp, nɨbi bɨ manö mɨdagöp rö mɨdun, nɨp aip jɨm ñöl mɨdaiun, a gɨmim, gɨpe arö me, nɨpe apöm kalöp nɨŋö, aij yabɨƚ gɨnɨm.

2 Pida 3:2

God nɨpe ke bɨ manö hagep uɫ nɨpe gau hag lö, kale hadame nöp manö nɨpe hagla. Ud Kamɨŋ Yuep Bɨ hon, Bɨ Kub hon u, nɨpe ke bɨ manö ud arep nɨpe hag lö, manö kƚö hagöm anɨg gɨmim, a ga, manö u hag ñɨmɨdun. Manö anɨbu nöp, kale hadame hagla abe, hon uri hagabun abe, nɨŋ mɨdaimim, a gem, kalöp köp anɨbi kalɨ kƚiñ rɨkabin.

1 Jon 3:2

Nɨbi bɨ nɨŋeb aij yad gau. Mɨñi hon God ñɨ pai nɨpe mɨdpun pen hainö nɨbi bɨ aigale bɨ rö mɨdeinabun u nɨŋagpun. Pen hon nɨŋbun, Jisas Krais nɨpe waiö lɨnab ñɨn u, nɨpe ke mɨdöp rö u amgö nɨŋun, nɨpe mɨdöp rö lun mɨdeinabun.

Jude 1:24

Mɨñi kalöp God ñɨmagö adö u labin. Nɨpe kalöp abad mɨdö nɨŋöl gɨ, ap lug pakagnabim. Hainö kalöp udöm, nɨpe ke mailö aij ke halö mɨdöp au lö, nɨbi bɨ asɨŋ mɨdagöp nɨpe mɨdmim, mɨñ mɨñ yabɨƚ gɨnabim.

Repelesin 1:7

Pen nɨŋim! Nɨpe kumi halö auö, nɨbi bɨ ram mɨnöŋ gau nɨbö gau nɨbö magöŋhalö nɨp waiö nɨŋnaböl. Bɨ nɨp waƚab ud bɨnɨŋ gɨla gau abe magöŋhalö nɨp waiö nɨŋnaböl. Nɨp nɨŋöm, nɨbi bɨ ram mɨnöŋ gau nɨbö gau nɨbö magöŋhalö, nɨhön gɨnɨg anɨg gɨpun, a göm, mög gö mɨɫöŋ kub gɨnaböl. Nɨŋö, anɨg gɨnab me u! Anɨb unbö rö aij.