1 Dimodi 6:10 - Kobon

¹⁰ Nɨbi bɨ uɫpö kɨƚno kɨbap mani nan gau mɨdmagö lɨbal gau, nan si nan naij adö ke ke iru nöp gɨpal. Rɨmnap gasɨ anɨbu nɨŋöm, God nɨp gasɨ u arö göm, mɨd aij gagöm, kalɨp ke mög naij yabɨƚ göp.

1 Dimodi 6:10 ပူးပေါင်းရင်းမြစ်များ

Madyu 13:22

Magö rɨmnap lugnab nagɨ kalɨ kalɨ halö aŋ gau a gɨpin u, nɨbi bɨ gau manö yɨp u nɨŋnaböl u pen wög waryö, ram, kaj, ru mɨŋoƚ, uɫpö kɨƚno kɨbap nan gau nöp gasɨ nɨŋöm, God manö aij u arö gɨnaböl nɨŋöm nan ñɨŋeb rɨmnap pɨlagnab, a gem hagpin.

Madyu 23:13

“Kale God lo manö hag ñeb bɨ gau abe, bɨ Perisi gau abe, kale manö pir alöm gɨ naij gep bɨ. God kalöp gɨ naij gɨnab. Kale ke God nɨbi bɨ udöm kumi kabö adö laŋ au abad mɨdeinab mɨgan u aragmim, nɨbi bɨ arnɨg gɨpal gau kalɨp adan rɨkpim.

Madyu 6:19

“Pen mɨnöŋ naböŋ iƚ i nan aij aij gau ud magum gun, a gɨmim gasɨ u nɨŋagmim. Nɨhön gɨnɨg: nan anɨb gau ud magum geinabim, sɨpsop ñɨŋöm, hij göm, si udöm gɨnaböl.

Mark 4:19

wög waryö, ram köp haneb, kaj nan gau gasɨ iru nɨŋöm, ru kɨbap, uɫpö mani nan gau gasɨ iru nɨŋöm, nan gau gau nöp gasɨ nɨŋnaböl u me, God Manö u pɨmamu gɨ pak ñɨŋö, magö pɨlagnab, a gem, hagpin.

Kolosi 3:5

Anɨb u, nan nɨhön hañ romaŋ gasɨ göp u al pak lɨmim. Nɨbi si bɨ si gɨmim, gasɨ naij nɨŋmim, haƚöwaƚö gɨmim, nan si nan naij nöp gun a gɨmim, uɫpö kɨƚno kɨbap gol mani nan gau iru nöp udun a gɨmim gɨpe aragnɨm. Uɫpö kɨƚno kɨbap gol mani nan gau iru nöp udun a gɨ gasɨ nɨŋbal nɨbi bɨ gau, kale nɨbi bɨ nan piral sabe gɨpal rö nöp mɨdpal.

1 Dimodi 3:3

Pen bɨ ñɨg wain iru ñɨŋbal gau, bɨ kal yabɨƚ jubal gau, bɨ manö pen pen hagpal gau, bɨ uɫpö kɨƚno kɨbap mani mɨdmagö lɨbal gau, kalɨp nɨŋmim udagmim. Bɨ agamɨj hain rɨköm, mɨd aij göl u nöp nɨŋmim udmim.

1 Dimodi 6:21

Nɨbi bɨ rɨmnap, manö piral kale anɨbu udöm, uri God Manö kabö rö nɨŋbun, a göm, ke padö u aramöm, Jisas manö aij nɨpe nɨŋ udla u böŋ nöp arö gɨpal. God nöp mög nɨŋöm, abad mɨdainɨm.

1 Dimodi 6:9

Pen nɨbi bɨ nan iru udun a göm gasɨ nɨŋbal gau, hauƚ alö, gasɨ añɨ anɨbu kalɨp ɫɨp gɨ ud arö, wal nan ñɨŋnɨg aulö, hel udö, adɨŋ ilön kub udpal u rö kalɨp gɨnab. Kalɨp böŋ nöp naij gɨnab.

2 Dimodi 3:2

Kale hañ romaŋ kale nöp gasɨ nɨŋöm, uɫpö kɨƚno kɨbap mani nöp mɨdmagö löm, hon nöp bɨ kub mɨdpun, a göm, hib kale ke dap ranöm, nɨbi bɨ gau kalɨp hag juöm, nɨme nap bɨ kalɨp manö rɨb juöm, nɨbi bɨ kalɨp gɨ aij gɨpal gau kalɨp aij a göp hagagöm, God nɨp gasɨ nɨŋagnaböl.

2 Dimodi 4:10

Bɨ yad aip mɨdmɨdun gau, mɨñi yad aip aui mɨdagpal. Bɨ ne Demas, nan mɨnöŋ naböŋ adö iƚ i mɨdmagö löm, yɨp böŋ nöp arö göm, hadö daun kub Desalonaika ara. Bɨ yad Kresej Galesia Propins ara. Daidas Dalmesia Propins ara.

Daidas 1:11

Ne gɨmön manö piral u arö gɨlaŋ. Mani nan gau udun a göm kale manö piral anɨbu nöp hag ñɨlö, bɨ rɨmnap nɨbi bɨ ñɨ pai ram kale aip hanbal gau magöŋhalö manö piral anɨbu udpal.

Jems 5:19

Añ mam bɨ. Nɨbi bɨ kale rɨmnap Krais manö nɨŋö u arö gɨlö, kalɨp hag ñɨ aij gɨpe, kauyaŋ Krais nɨp nɨŋ udnaböl u aij. Anɨg gɨmim me, nan si nan naij nɨhön nɨhön gɨpal gau, God nɨŋöm arö gö, hainö umöm böŋ nöp umagnaböl.

Jude 1:11

Bɨ anɨb gau kalɨp mög nɨŋbin. Adam ñɨ nɨpe Ken gɨ naij ga rö gɨpal. Mumug mani nan gau nöp gasɨ nɨŋöm, bɨ ne Belam hadame nöp ga rö gɨpal. Anɨb u, kale bɨ ne Kora, God Manö rɨb juöm uma rö umnɨg gaböl.

Repelesin 18:13

nan haƚɨŋ aij auep ñɨg ke ke gau, pauda ke ke gau ‘sɨnamɨn’ u, ‘spais’ u, ‘insens’ u, ‘mö’ u, ‘pƚaginsens’ u; ñɨg wain abe, olip wel abe; wid magö abe, plaua abe; kaj kau abe sipsip abe; kaj hos abe, nan kaj hos adɨklö ɫɨp gɨ ud ajpal gau abe; nɨbi bɨ kalɨp rau daulö nagɨ wög gɨmɨdal gau abe, nɨbi bɨ aip pen pen göm kalɨp nagɨ lɨ daulö nagɨ wög gɨmɨdal gau abe. Nan kale sɨkim gɨmɨdal anɨb gau me u.