Titus 1:3 - God da geka seka

³ Amingedo, sifo gategusira ava fira buviri gido, nunda geka isagha sisira. Geka amo, na vironu saono dae setiri, tuturo edo vironu seno ainda jokáda, nunda jebuga rea mutari sisira, ava isagha usira. God namondeda Sonemba Kato aimi setiri, na nunda Geka ava, vironu sise irena. Yari budo gi!

Korafe-Yegha

³ Amingedo, sifo gategusira ava fira buviri gido, nunda geka isagha sisira. Geka amo, na vironu saono dae setiri, tuturo edo vironu seno ainda jokáda, nunda jebuga rea mutari sisira, ava isagha usira. God namondeda Sonemba Kato aimi setiri, na nunda Geka ava, vironu sise irena. Yari budo gi!

Titus 1:3 ပူးပေါင်းရင်းမြစ်များ

Mark 1:15

Vironu eminge sedo ghusira, “God sifo fifitusira ava ojira buvira! God evetu genembo kaifa ari da sifo utua etira. Nenda ari ekoko vujege dodo, God da Bino Eveva ava tumondevu!” aminge sedo ghusira.

Mark 13:10

Nanda Bino Eveva evia saovo enda da natofo isambu ningoro dadabari ainda amboda, enda emo dadabarira.

Mark 16:15

Dombuda sedo, ainda amboda nemokena sisira, “Nanda Bino budo reighi isambu aminda yasivu! Natofo isambukena sevu ningore!

Luke 1:47

Nanda asisiimi ivuga erira. Ainda susu mo: na sabuari, avata God Fakina Kato namo kotedo sonembuse veka eveva erira. Ava sedo, orokoá evetu genembo tuturo edo, nandae sarera, ‘God Mary esimbugusira.’ Nunda javo kakara bekári.

Ekaresia 10:36

God nange nange giti Israel embokena nunda geka futusira ava niningusevu. A God nange nange evetu genembo isasambu da ari ekoko kote doyari dae sedo, Bajari Iesu Keriso dirigetiri fusira, a nunda Bino Eveva, ábarago niningusevu.

Ekaresia 17:26

God nu giti beká genembo dabako etiri sirorusira, ainda imemesiri ava God setiri, gatedo nunda oro oro siroruseri. Siroretero, ne reighi reda dighi anumbaetera, a sifo ningiaminda ya dighi anumbaetera ava, God gategedo setiri, ne reighi nunda nunda era dighi anumbuseri.

Rome Embokena 16:25

Namonde evovodae God dae sakai sise irore! Ainda susu mo: nu inonori. Nune sari ne fakina edo tumonde gogoghombareva. Nu amingarikena inonori. God amingarira ava, na nemokena Iesu Keriso da Bino Eveva vironu sise sedo ghuseni. Iesu Keriso da Bino resena emo, nu ghaeko ghousa ava jungedo irei.

Rome Embokena 16:26

Avata orokoá isagha etiri, namonde eregosera a niningerera. God setiri feroveta rea gefusera ava, oroko isagha urureari endada oro oro isambu giraera a ningiraera. Numoá tumonduse, nunda Geka ava ningido amingaoro dae sedo, God setiri ferovetai gefuseri.

Rome Embokena 5:6

Ai resira amo: namonde fakina tefo irero, God sifo gategusira aminda, Keriso ari ekoko embodae sedo ambududurusira.

1 Corinth Embokena 9:17

Na saramana evia nanda ujuimi aetena amo, God nandae mino teria eni mutaeti tanojo. Avata God na saramana ava aono dae sedo, na gategetiri aminguse irena.

Galesia Embokena 4:4

Avata God sifo fifitusira ava fira buviri gido, nunda Mandi dirigetiri vose fira sirorusira. Amo, evetui fumbiri sirorusira. Siroredo, nu Jusi embo da Agho Dari ainda jokáda irá ghedo ghusira.

Efesas Embokena 1:10

God rejoá kotedo kivo usira amo, eviri. Roera a evetu genembo isasambu utuda a endada, bu dabade edo, mutari Keriso kaifa ururari irarera. Nunda sifo fifitusira ava, foa buvarira amo, God nu amingarira.

Efesas Embokena 2:17

Keriso nu amingari dae use, fira dubo jama da Bino Eveva ava, namondekena vironu sisira. Ne God kena ajagha fefetusevu, a namane God kena utua fefetuseri.

Filipai Embokena 1:13

Nanda bino ava, Rome embo da kotofu teria ainda kambo da kaifa kakato isambu, a evetu genembo isambu eminda irera aimi, ningido kasama useri.

Kolosi Embokena 1:23

Ava sedo, ne God da Bino Eveva ava tumonduse, fakina edo jo manamana ae areva amo, ne ya nunda dombuda fetareva. Ne nunda Bino Eveva ava nininguse, jebuga evovodae irari ava bari dae gigituse irareva amo, nene bareva. Bino Eveva resena emo, evetu genembo endada irera aikena, vironu seoro ningiraera. A kotugo, Bino Eveva einda aghi kato eni mo, na Paul nane edo irena.

Kolosi Embokena 1:6

A kau ne God da Bino Eveva ningido, nunda esimbugari budo ne digarigo useva, daba aminga ava, natofo isambu eraera. Kau Epaphras God da sonemba ainda beká ava, nemokena vironu setiri kasama useva aminga ava, natofo isambukena siroreraira. Epaphras mo, namane nangae dubo buraera a tumonderaera. Nu namane namonde dabade, Keriso da saramana kakato edo irera. Namane Timothy ghae, namanendae sedo, nu ira Keriso da saramana nenda jokáda edo ghusira.

1 Tesalonaika Embokena 2:4

Namane nunda Bino Eveva sarikena mo inonori. Ava sedo, God nunda Bino Eveva ava namane osa saore dae sedo futusira. Aindae sedo, namane God da uju ava use, nunda Bino Eveva ava osa seraera. God namondeda dubo joká ijujeraira, ava kasama erera. Ava sedo, namane jo evetu genembo ivuga aoro dae sedo, vironu sae eraera. Namane, God ivuga are dae sedo, vironu seraera.

1 Timothy 1:1

Arie nanda mandi! Na Paul, ni roro ategi beká ava erena. Yari budo gi! God namondeda Sonemba Kato, a Iesu Keriso setero, na nenda aghi kato edo irena. Iesu resena, nunda sonemba amboda barera aindae gigituse irera, aindae resena. Yari budo gi! Timothy, ni kasama eresa, nimo, nane ena vironu seteno ningido tumonduse, kau nanda mandi avaga usesi. God Afa a nangaeda Bajari Iesu Keriso nindae joka edo, sonemba a dubo jama mutoro base!

1 Timothy 1:11

Ijuga beká resena emo, Bino Eveva durode, God futusira aindae resena. God numo beká, sakai seraera aimi setiri na Bino Eveva ainda aghi kato edo irena.

1 Timothy 2:3

Amo irari evevari. Namonde amingarera amo, namondeda Sonemba Kato God nu ivuga arira.

1 Timothy 4:10

God namonde gigituse tumonderaera amo, nu jebuga irira. Nu evetu genembo isambu da Sonemba Katori. Avata mokogo mo, nu namonde tumondari embo da Sonemba Katori. Namonde aindae sise, janjagu use saramana eraera.

2 Timothy 4:17

Avata kotugo, na koto usena amo, Bajari nangae irise, fakina futiri nunda geka ava se gogoghombeno, namane Jusi embo da gitofu ne nininguseri. Aminge seno niningero, God sonembetiri na dotero buvurutuseni. Na sino fuka eko, raiyoni (lion) kena mutoro na gambu mindaetira avata, dotero na jebuguseni.

Titus 2:10

o nenda roera eni jo bagia ae arera. Ne emingarera. Namondeda Sonemba Kato God da ijuga ava tumonduse, nunda javo jighoro erare dae sedo, nenda babojegari da saramana e gogoghombururoro gido, babojegari amo nenda saramana kakato da irari eveva ava gosuse, tumonduse God da javo jighoro erarira.

Titus 2:13

Aminguse, namondeda God a Sonemba Kato Iesu Keriso, nunda duroghae jovereghe foama namonde esimbugarira ainda Sifo ava, kaifa use gigitarera.

Amboda Sirorarira 14:16

Setiri, forogada anumbirisira aimi eredo, kaiyai endada afe jetiri, beká isambu ghasaghe vovosusira.