Matthew 6:9 - God da geka seka

⁹ Ava sedo, ne eminge banungareva: ‘Namanenda Afa, utuda iresa! Ninda javo kakara use jighoro erare!

Korafe-Yegha

⁹ Ava sedo, ne eminge banungareva: “Namanenda Afa, utuda iresa! Ninda javo kakara use jighoro erare!

Matthew 6:9 ပူးပေါင်းရင်းမြစ်များ

Matthew 10:29

“Eni mo: rika kaghá ajamena kote givu! Ne rika isambu etoto ombari saeteva amo, toea dabako avavagai ombaetevu. Amo, ne roera kikitakori. Avata God Afa jo doyae arira amo, eni jo ambae arira. God nu rika kaghá ajamena kaifa e gogoghomberaira.

Matthew 23:9

A ni genembo eni ategi use, jo ‘Afa’ sae aresa. Ainda beká mo: nenda Afa dabako utuda irira.

Matthew 26:29

Na nemokena resena: na vaini (wine) jo mindae irono, Afa sari ne nunda vasa eveva aminda ya terovo, namonde dabade anumbedo, na vaini sekago aminda mindarena,” aminge sisira.

Matthew 26:42

Aminge sedo, nu jovereghe ira banunguse sisira, “Arie, nanda Afa! Emboro eni jo inono ae aetira amo, na, emboro simbugusesa aminda ise, ninda uju ava use ambarena. Ninda uju ava sirorare!” aminge sedo,

Matthew 5:16

Kau daba aminga ava, erá nanda usasa bu jungeove dae resena. Ari eveva use a geka beká sise, nanda usasa natofo isambu kena ijugururovo nemokena gosuse, God Afa utuda irira, nunda javo jighoro erarira!” aminge sisira.

Matthew 5:48

Afa utuda irira ai, evetu genembo isambukena veka eveva eraira. Ne kau daba aminga ava, evetu genembo isambukena veka eveva use irareva!” Iesu aminge sisira.

Matthew 6:14

“Avori, evetu genembo nimokena dara eraera, ava kote doyaresa amo, ari ekoko nine eraesa amo, Nimamo utuda irira ai, kote doyarira.

Matthew 6:6

Ava sedo, ni banungari dae aresa amo, ni ya ninda kamboda tere guro gajedo, banungaresa. Ni ditiimi God Afa jo gae eraesa, avata junjugai banungururaso nu gido, aindae mino eveva ava nimokena mutari baresa.

Matthew 7:11

Tefo, ni jo amingae aresa. Ne ari ekoko embori, avata nenda sasingu tavo eveva eraeva. God Afa nu veka eveva bekári. Ava sedo, kau nenda sasingu tavo eveva eraeva aminga ava, mave God Afakena benunu sarera amo, God nemoá tavo e gogoghombuse, roera evevago beká ava mutarira.

Luke 15:18

Ava sedo, na eredo ya afakena sarena, “Afa, na nimokena, a God kena dara useni.

Luke 15:21

Muno iri, mandiá numamokena setira, ‘Afa, na God kena a nimokena dara useni. Na jo ninda mandi beká amingo iraeri,’ aminge setira.

Luke 2:14

“God Teria, a Iká Bekáda irira, aikena sakai sise resera! Ã evetu genembo endada God nune uju eraira, aikena dubo jama mutari irare!” Aminge sedo, aneya do jovereghedo utuda vitiseri.

John 20:17

Setiri, Iesu numokena eminge sisira, “Erá nanda tamo jigheose! Ainda beká mo: na Afakena jo ya buvae irena. Nu, ni yasi! Nanda nano namendikena buvudo eminge se ningore, ‘Na jovereghe yari dae erena, nanda Afa, a nenda Afakena, nanda God, a nenda God kena,’ aminge se nanda ambo jimbi ningore!”

Rome Embokena 1:7

Ava sedo, God da natofo Rome aminda ireva, nemokena reta evia eregefenere. God ne dubo ererurira. A nu ne dubo ruruse, nunda natofo aovo dae sise, ne aghi usira. Ava kotise reta evia eregefenere. Yari budo givu! Namondeda Afa God, a namondeda Bajari Iesu Keriso da sonemba a dubo jama nemokena mutari baove! Yari budo givu!

Rome Embokena 8:15

Ainda beká mo: God nunda Asisi futusira amo, nu jo, namonde sabua+ da kotari ava budo oju aoro dae sedo, mutaeri. Tefo. Namonde nunda sasingu aoro dae sedo, nunda Asisi mutiri budo, namonde Asisi da fakinaimi God Afakena eminge sise irera, “Eri, Afa, Afako!” sise irera.

Galesia Embokena 1:1

Arie, nanda nano namendi! Na Paul. Nanda nano namendi mendeni eminda irera ainde dabade, ne ategi erena. Tumondari+ embo isambu Frovensi Galesia aminda ireva, ne ategi roro beká ava erena. Na Iesu Keriso da aghi aono dae sedo, jo evetu genemboimi na gategaeri. God Afa nunda Mandi Iesu Keriso ghae dabade setero gido, na nenda aghi kato edo irena. God Afa resena eimi, setiri Iesu ambarida ghe jebuge erorusira. Na nenda aghi kato edo irena. Yari budo givu!

Galesia Embokena 4:6

A ne nunda sasingu useva, ava ijugari dae sedo, God nunda Mandi da Asisi nemokena futusira. Mutiri ruruseva ainda fakinaimi, ne God dae javono gatise, “Eri, Afa, Afako!” sise irá gheraeva.

1 Timothy 6:16

Nu nusuka irei, irira, a evovodae irarira. Nu usasa tomanako ainda jokáda irá gheraira, jo evetu genembo enii ya numokena buvari da kau iraeri. Nu mave jo gae irira. A numo jo mave gari da kaugo iraeri. Numoá kakara use irore! Nunda fakina evovodae irare! Ai, bekári!+

1 Peter 1:17

Ne God kena banungari dae use, “Afa” seraeva. Avata nu evetu genembo isambu da ari inononda gosuse ijujeraira. Ava sedo, ne jo ambae, enda eminda irise, God Afa kakara a igheghi use irareva!

Amboda Sirorarira 4:11

“Arie, namanenda Bajari a God! Ni seteso roera isasambu sirorusira. Ni uju eteso, siroredo jebuga irira. Aindae sedo, usasa, duro, a fakina, mutoro nine baresa amo, inonori!” aminge seraera.

Amboda Sirorarira 5:12

Edo yaru beka teriago fuge eminge didivero nininguseni: “Sifi da Mandi detero ambududurusira amo, nu inono bekári. Ava sedo, fakina, gugua, dubo kotari, duro, usasa, a sakai sari isambu mutoro nune bare!” aminge didivero nininguseni.