Matthew 6:13 - God da geka seka

¹³ Erama namane derarikena budo yeose! A Satan da derari aminda, namanendae kosege fetaetesi!’ Kau aminge banungevu!

Korafe-Yegha

¹³ Erama namane derarikena budo yeose! A Satan da derari aminda, namanendae kosege fetaetesi!” Kau aminge banungevu!

Matthew 6:13 ပူးပေါင်းရင်းမြစ်များ

Matthew 26:41

Erá Satan foa nemo dereuri ari eko eove dae sise, diti fakara edo banungevu! Nenda uju a kotari namokenari. Avata nenda tamo imboe edo, diti bouvu etiri, ne fakina jo ae ereva,” Iesu aminge sisira.

Matthew 28:20

Na rea aovo dae sedo ghusena ava, ijugururovo natofo isambu ningido tumonduse amingaore! Amingururovo, na namonde dabade tatedo iroro, enda a sifo foa tano arira,” Iesu aminge sisira. Avori, nanda geka tano eviri.

Matthew 5:37

Amo, ni eminge saresa, ‘Ai, amingarena,’ o ‘Tefo, jo amingae arena.’ Tufako aminge saresa amo, inono arira. O ni evetu genembo mendeni da javoda beka gajaresa, ainda susu mo Satan ri,” Iesu aminge sisira.

Matthew 6:10

Utuda ninda uju avanembo siroreraira. Kau daba aminga ava, enda eminda sirorare! Amingare dae sedo, fu namane kaifa ururaso, namonde irore!

John 17:15

Na jo, nine saso endada ghe yaoro dae, benunu sae erena. Avata, erá Ari Eko da Numamo foa nemo dereure dae sise, nine kaifa ururaso eveva iroro dae benunu resena.

1 Corinth Embokena 10:13

Satan nunda derari kau eni kau eni, namonde evetu genembo isasambukena foa gheraira aminga ava, nunda derari nemokena budo foa gheraira. Avata God beka gagojuse, ne sonembari dae sisira, ava sedo, jo doyari Satan nenda fakina dere gosuse fakina ururari ne gofae areva. Avata derari da sifoda, ne sonembuse fakina futururari, emboro gido inono edo, Satan da derari ava dariguse fakina e fetareva.

1 Corinth Embokena 14:16

Ainda beká mo: ni tumonde bainghuse, geka tinonguimi sise God Afakena ‘aiyakoe’ saresa amo, ninda komana nange kasama edo, ninda banungari sonembuse, ‘Ai, bekári!+’ sari? Nu ninda banungari da tuka bunarira ava sedo, nu ninda banungari jo sonembae arira.

2 Corinth Embokena 1:20

A kotugo, God da beka gajari namonde evetu genembokena futusira amo, isambu Iesu da tamonda isagha etiri beká usira. Aindae sedo, namonde Iesu de dabade tatedo, God tumonde bainghuse eminge seraera, “Arie, God! Duro nimokena irare! Ai, bekári!+”

Galesia Embokena 1:4

Namonde, evetu genembo oroko endada irera, ainda ari ekoko da bouvu ava darigaoro dae sedo, Iesu fira God da uju ava use, namondeda ari ekoko dae ambududurusira.

1 Tesalonaika Embokena 1:10

A ne nange God da Mandi utuda ghe vose furarira ava kaifa use ireva aindae, osa sise irera. Nunda Mandi Iesu resena emo, God nune setiri ambarida ghe jebuge erorusira. A kotugo, Iesu da fakina a sonembaimi, God da janje eko furari dae erira ava, namonde darigarera.

2 Tesalonaika Embokena 3:3

Avata Bajari nu inonori. Ne Bajari tumondururovo, nu sifo ghousa sonembururari irareva. Nune sonembururari ne fakina edo, Satan da fakina ava darigareva.

1 Timothy 1:17

Ava sedo, namonde God kakara use nunda duro aindae sakai saore! Nu namondeda kiniri. Nu irei, irira, a evovodae irarira. Nu God bekári, eni numongo tefori. A numo jo ditiimi gari da kaugo iraeri. Numokena evovodae sakai sise irore! Ai, bekári!+

Hebrew Embokena 11:36

Ágido, gitofuimi ne dere jiseri, ambíimi doruseri, seiniimi (chain) bundiseri, diburada fifituseri,

1 Peter 5:8

Diti fangedo, kaifa e gogoghombaovo dae resena! Ainda beká mo: kau raiyoni (lion) ighoi itatamuse, bayaudae dubo gangaraghae deingheraira aminga ava, nenda gitofu Satan goroto reda teredo, nemo bari dae kato eraira.

2 Peter 2:9

Ava sedo, Bajari nu inonori. Evetu genembo eveva ava, nange nangedo sonembururari derari mendeni mendeni darigarikena ava, nune ari inono arira. A kau daba aminga ava, evetu genembo ekoko Ategi da Sifo kaifa aoro dae sedo, nune ne sandi bundari dae arira amo, inonori.

1 John 3:8

O mave ari ekoko use irarira amo, nu Satan da tofo edo irise, amingarira. Ainda beká mo: Satan nu tuturoda ghedo ari ekoko udo refira. Aindae sedo God da Mandi fusira. Amo, Satan da ari rea eraira a rejo etiri sirorusira ava, dari bejare dae sedo, fusira.

Amboda Sirorarira 1:18

Na jebuga da susuri. Geka bekári: na ambududuruseni. Avata kote gi! Na ambarida ghe jebugedo irena, a evovodae irarena. Ambari ava, nanda sari ningariri, a ambari embo da vasa ainda guro da boraga (bolt) ava, nane bu kaifa erenere.

Amboda Sirorarira 19:1

Ainda amboda, kau evetu genembo natofogoi utuda fetedo, beka fainghedo sarigo ero nininguseni, “God dae sakai sise resera! Sonemba, usasa, a fakina tofo nundari.

Amboda Sirorarira 19:4

Aminge sero, babojegari 24 nemonde serubim avononde ainde dabade du fafasedo, God tumonde bainghuseri. God nunda avo anumbada anumbiriri, tumonde bainghuse siseri, “Ai, bekári!+ God dae sakai resera!” aminge siseri.

Amboda Sirorarira 2:10

Erama dubo mema oroko nembo fururari itatamareva aindae, oju eove! Geka evia ningivu! Nenda fakina dere gari dae sedo, nenda nano namendi ava, Satan da mendeniimi bu ya diburada fitarera. Dara resena emo, sifo isambu ghabu sovenisoveni ainda jokáda itatamururovo ya dadabarira. Ne nandae sise ambari dae oju jo ae areva amo, na jebuga evovodae irari da koana, kotofu da kekesa da kaugo ava, nemokena mutono bu asugareva. Koanaá mave bu asugarira amo, nu jebuga evovodae irari ava tuve barira.

Amboda Sirorarira 21:4

God nu tofo mandi nenda jivu ghajari, nenda dubo mema dadabarira. Nune sari dubo mema, ambari, sorara, a mema isambu dadabarira. Ainda beká amo, roera sembae isasambu enda manaida ireira amo, utu a enda manai ainde dabade manjetira.”

Amboda Sirorarira 3:10

Ne fakina edo durumuguse, nanda geka kaifa aovo dae sisena ava, ne e gogoghombedo ghusevu. Ava sedo, na sonembururono, sifo amboda dara endada sirorarira ava, ne jo itatamae areva. Dara resena emo, evetu genembo isasambu endada irera ava dere gari dae sedo, sirorarira.

Amboda Sirorarira 3:14

Aminge sedo, Iesu sekago namokena sisira, “Ekaresia+ reighi Leodisia aminda irira, ainda aghi katokena gembu mutu yari, nune budo osa sirurari ningore! Geka beká da susu, a God da Aghi Kato geka beká seraira amo, namori. A kotugo, roera isambu God etiri sirorusira ainda susu mo, namori. Na nemokena geka evia resena.

Amboda Sirorarira 5:13

Ainda amboda, roera utuda, endada, enda jokáda, a evada, isasambu yaru didivero nininguseni. Aneya, sukaru, evetu genembo, sino fuka a oka, roera jebuga irira, isasambu aimi, yaru eminge sise didivero nininguseni: “Mave kini (king) da avo anumbada anumbirira aikena, a Sifi da Mandi aikena, sakai sari, duro, usasa, a fakina evovodae irare dae sise resera!” aminge sise didivero,