Matthew 28:18 - God da geka seka

¹⁸ Etero, nu namanekena fira buvudo eminge sisira, “God Afa geka isambu a fakina isambu, namokena mutiri ruruseni, endada a utuda.

Korafe-Yegha

¹⁸ Etero, nu namanekena fira buvudo eminge sisira, “God Afa geka isambu a fakina isambu, namokena mutiri ruruseni, endada a utuda.

Matthew 28:18 ပူးပေါင်းရင်းမြစ်များ

Matthew 11:27

“Nanda Afa roera isasambu evia, nane kaifa aono dae sedo, futusira. God nusuka nunda Mandi kasama erira. Kau daba aminga, God da Mandi nusuka nune, numamo kasama erira. A evetu genembo mendeni nune gategarira amo, nune ijugururari, ne God Afa kasama arera.

Matthew 16:28

A na geka beká nemokena resena. Ne mendeni eminda fetireva emo, ne jo ambae irovo, Evetu Genembo da Koro+ nunda fakina budo, kau kini (king) da kaugo ava edo fururari gareva,” aminge sisira.

Matthew 26:64

Nu aminge setiri, Iesu mino numokena sisira, “Resesa, avori. Kotugo nemokena resena: amboda ne, Evetu Genembo da Koro+, God Fakina Kato ainda ungo gimandukena anumbirari gareva, a kotugo utu da foroga etoda fetedo vose fururari gareva,” Iesu aminge sisira.

Luke 10:22

“Nanda Afa namokena roera isasambu mutiri kaifa eraena. God nusuka nune nunda Mandi kasama eraira. Kau daba aminga ava, God da Mandi nusuka nune numamo kasama eraira. A evetu genembo mendeni nune gategarira amo, nune ijugururari, nembarago God Afa kasama arera.”

John 13:3

Avori, God Afa roera a fakina isambu Iesu da ungoda fifitusira ava, Iesu kasama usira. A nu God kena ghe fusira, kotugo sekago God kena jovereghe yarira amo, nu kasama usira.

John 17:2

Nangaeda duro gaoro dae sedo, ni seteso, na evetu genembo isasambu da bajari edo irena. Na ainda bajari rurusena da susu mo: ni evetu genembo namokena futusesa ava, sonembaono jebuga evovodae irari ava baoro dae sedo futusesi.

John 3:31

Aminge sise, John sisira, “Genembo mave utuda ghe vose fusira amo, nu teria bekári. Eni jo numongo iraeri. Mave endada sirorarira amo, nu enda da tofori. Nu enda da bouvu a kotari aindae kotise a sise irarira. O genembo mave utuda ghe vose fusira amo, nu teriago a iká bekádari.

John 3:35

God nunda Mandi dubo ruruse, roera isasambu nunda ungoda fifitusira.

Ekaresia 10:36

God nange nange giti Israel embokena nunda geka futusira ava niningusevu. A God nange nange evetu genembo isasambu da ari ekoko kote doyari dae sedo, Bajari Iesu Keriso dirigetiri fusira, a nunda Bino Eveva, ábarago niningusevu.

Ekaresia 2:36

Ava sedo, ningi gogoghombevu! Ne Israel embo ava sedo, kasama aovo dae resena. Iesu setena emo, nene budo arafa dorusevu. Genembo daba ava, God setiri nu kotofuko edo, namondeda sonembadae sedo irira. Numo Keriso ri!”

Rome Embokena 14:9

Ainda beká mo: Keriso nu, jebuga embo a ambari embo ainda Bajari ari dae sedo, ambududurusira a kotugo, sekago ambarida ghe jebuge erorusira.

1 Corinth Embokena 15:27

Avori, God da Geka eminge resira: “God roera isasambu, nunda ata duruda fifitusira,” God da Geka aminge resira. Avata ‘roera isasambu’ resira amo, jo God dae saeri. Amo isagha bekári. Ainda beká mo: God nu susuri. Nune roera isasambu Keriso da ata duruda fitari, atai fati fefetuse kaifa arira.

Hebrew Embokena 1:2

Avata oroko ava, nu tofo nunda Mandi dirigetiri ojighira, nunda geka namondekena siri niningerera. Nunda Mandi resena einda fakinaimi, God setiri utu a enda sirorusira. God nunda Mandi mo, sifo amboda roera isasambu, nunda tofo are dae sedo, nune gategusira.

Hebrew Embokena 2:8

seteso roera isasambu ainda bajari nune edo irira.” “Roera isasambu ainda bajari arira,” resira amo, nu roera isasambudae sisira. Avata oroko emo, geka da beká jo sirorae irira. Namonde evetu genembo, jo roera isasambu kaifa ae eraera.

1 Peter 3:22

Iesu Keriso resena emo, nu utuda vitíra, God da ungo gimandukena anumbusira. Aminda iriari, aneya a sukaru isasambu nenda kokotofude dabade, nunda sari ava eraera.

Amboda Sirorarira 11:15

Ainda amboda, aneya amboda nemboimi nunda tavuya fusetiri, utuda beka teria ava sero nininguseni, “Oroko namondeda Bajari a nunda Genembo Keriso ghae enda da fakina evia nene budo, nene enda evovodae kaifa use irarera.”

Amboda Sirorarira 17:14

Nene eredo, Sifi da Mandi aikena isoro arera. Ne isoro arera, avata Sifi da Mandi aimi eredo, ne de atai duboda fati fetarira. Nunda natofo ainde dabade eredo, kini ghabu sovenisoveni ava de atai duboda fati fetarera. Natofo resena emo, nune gategedo kori setiri, nunda natofo edo, nunda geka nininguse irera. Avori, nu kini ghabu sovenisoveni ava de atai duboda fati fetarira da tuka mo: babojegari isambu ainda Bajari, a kini isambu ainda Kini numori,” aminge sisira.

Amboda Sirorarira 19:16

Genembo ainda tamo asugarida a nunda furada, javo eni gembero iriri, gosuseni: ‘Kini Isasambu Ainda Kini A Kokotofu Isasambu Ainda Kotofuko’ geka ava gembero irira.