Matthew 24:24 - God da geka seka

²⁴ Ainda beká mo: gegenembo mendeni eredo, foa gungubo sise, ‘Genembo eni God mutari sisira amo, namori,’ sarera. Nemo feroveta gungubo kakatode dabade foama, God da natofokena dederururoro, ‘bekáva’ sise, nemoá tumondaeteri. Aminguse, ne tano a ari mendeni mendeni ururoro evetu genembo ne jo gae iriara ava, nenda gitida sirorari garera.

Korafe-Yegha

²⁴ Ainda beká mo: gegenembo mendeni eredo, foa gungubo sise, ‘Genembo eni God mutari sisira amo, namori,’ sarera. Nemo feroveta gungubo kakatode dabade foama, God da natofokena dederururoro, ‘bekáva’ sise, nemoá tumondaeteri. Aminguse, ne tano a ari mendeni mendeni ururoro evetu genembo ne jo gae iriara ava, nenda gitida sirorari garera.

Matthew 24:24 ပူးပေါင်းရင်းမြစ်များ

Matthew 22:14

Iesu aminge sise, tano ari dae use sisira, “God evetu genembo digari ava kori seraira, avata daba daba gategeraira,” Iesu aminge sisira.

Matthew 24:11

Sifo aminda, feroveta gungubo kakato foama, evetu genembo digari ava derarera. Foa gungubo sise, eminge sarera, ‘God da feroveta eni mo namori,’ sarera. Aminge sise, evetu genembo digari ava dederururoro, ne ‘bekáva’ sise tumondarera.

Matthew 24:22

Avata jo ghousa irae arira. God setiri fetirira amo, eviri. Dara furarira amo, jo ghousa irae arira. Ghousago iraetira amo, evetu genembo isambu sirivo aeteri. Avata God nunda natofo gategusira, nendae kotise sari, dara furarira amo, jo ghousago irae arira.

Matthew 24:25

Dara resena emo, jo sirorae iriri, nu mavega ava kasama edo, fakina aovo dae sedo, orokoá seteno niningereva.

Matthew 24:31

Gosururoro, tavuya fusari, Evetu Genembo da Koro+ nunda aneya dirigari endada vose foa, iji vitarikena a vosarikena, kotugo foriforimanakena a yavatakena, aminda yama, nunda natofo gategusira ava unumbe budo yarera,” Iesu aminge sisira.

Matthew 24:5

Ainda tuka mo: evetu genembo digari foa, gungubo sise, eminge sarera, ‘God evetu genembo da ari ekokodae, Genembo eni mutari sisira amo, namori,’ ne aminge sise, evetu genembo digari ava deroro, nemoá tumondarera.

Matthew 7:15

“Kote gogoghombevu! Evetu genembo mendeni nemokena yama, gungubo sise eminge sarera, ‘Namane God da ferovetari,’ aminge sarera. Nenda gari kau evevagori, sifi (sheep) da kakaugori. Avata nenda dubo joká mo, eko bekári, gambari sino da kaugori.

Mark 13:22

Ainda beká mo: gegenembo mendeni eredo, foa gungubo sise, ‘Genembo eni God mutari sisira amo, namori,’ sarera. Nemo feroveta gungubo kakatode dabade foa, God da natofokena nange edo gido dederururoro, ‘bekáva’ sise, nemoá tumondaeteri. Aminguse, ne tano a ari mendeni mendeni ururoro, evetu genembo ne jo gae iriara ava, nenda gitida sirorurari garera.

Luke 18:7

Jaji (judge) nu ekori. O God nu evevari. Ava sedo, God da natofo sifo tumba evia nundae banungururoro, nininguse ne jo ighagha ae arira.

John 4:48

Aminge setiri, Iesu numokena sisira, “Na kasama erena: na jo tano eni aono gi dudukughae areva amo, ne nanda geka jo tumondae areva,” aminge setiri,

John 6:37

Mave namokena mutari furarira amo, na nu jo buregae arena.

Ekaresia 20:16

Paul nu reighi Efesas darige yari dae sisira. Ainda tuka mo: nu Frovensi Asia aminda, sifo eni tefo irari ava imboe usira. Nunda uju mo: nu kirumo javo ‘Pentecost’ ainda gitida, ya Jerusalem aminda buvaeti.

Rome Embokena 12:18

Ne evetu genembo isambude dubo jamaghae irari dae sedo, nenda fakina ava edo gaetevu!

Galesia Embokena 4:15

Avata orokoé, ne nange etirai nandae jo ivuga ae erevu? Ai resira amo: na kasama use resena, sifo aminda, na embako aetena amo, ne nanda ketuadae baeteni.

2 Timothy 2:19

Avata namonde jo oju ae arera. Ainda beká mo: Geka beká Bajari anakora sisira, kau nunda kambo da tutumbi dariri fefetusira amo, jo durege bari da kaugo iraeri. A tutumbi resena einda tamonda, geka evia gembero irira: “Evetu genembo mave Bajari da tofo edo irera ava, nune kasama erira.” A eni mo eviri: “Mave Bajari da javono gatari sarira amo, nu giti dubo jovereghedo nunda ari ekoko doyarira.” Ava kotise, gegenembo etoto naká gungubo seraera aindae, namonde jo oju ae arera.

1 Peter 1:5

Ainda koana ava nene amboda baovo dae sedo, God utuda bu jighirise, tavo use irira. A kotugo nembarago, God nunda fakinaimi tavo iri ireva. Amo, ne tumondururovo, nu, ne tavo ururari, nunda sonemba mindafu anakora simbugusira ava, sifo gombuda isagha ari bareva.

2 Peter 3:17

Avori, nanda kokomana, ne erá daba ava eove dae sise resena! Geka evia kotise, kaifa e gogoghombaovo dae sise resena! Erá evetu genembo mave dara use agho dari jo kotae eraera, ainda amboda amboda ise, ari kotae kotae use gofeove!

1 John 2:18

Nanda sasingu, ningivu! Sifo buvari dae erira. Genembo tomanako eni amboda eredo, Keriso kena gitofu use fetarira, aindae setero niningusevu. Avori, evetu genembo digari eredo, Keriso da gitofu use fefetuseri. Avo gido, namonde kasama erera, Ategi da Sifo foa buvari dae erira.

1 John 2:22

Avori, genembo eni Keriso kena gitofu arira, setena amo, mavejori? Kote givu! Mave gungubo sise, “Sonemba Kato God mutari sisira amo, jo Iesu iraeri,” sarira amo, nu gungubo katori. Genembo amo, aminge sise, God Afa nunda Mandighae dabade, ava ighagha eraira.

1 John 5:18

Eregoseva: namonde kasama erera, God da sasingu ne jo ari ekoko use irae arera. Ainda beká mo: God da Mandi kaifa ururari, Satan jo foa ne dederururari ari ekoko use irae arera.

Amboda Sirorarira 19:20

Avata utuda ghe vose fusera aimi eredo, sino fuka eko a nunda feroveta gungubo kato ainghae sanduduseri. (Feroveta gungubo kato resena emo, nu giti sino fuka da dombuda, tofo sino fuka da fakinaimi tano a ari mendeni mendeni eari siroreari, natofo nenda gitida gido, dukukughedo ghuseri. Dudukughedo, sino fuka ava tumonde bainghedo, a sino fuka da ove kau numoá avavaga simbugusera ava tumonde bainghedo ghuseri. Evetu genembo amo, ‘avori’ setero, nenda tamonda sino fuka eko da tano ava gembero fefetusira.) Avori, sino fuka nunda feroveta gungubo kato ainghae dabade, jebuga sandi fugetero avaraka imo kaeghae, a masa eko beká, ainda jokáda vovosuseri.