Matthew 23:13 - God da geka seka

¹³ Aminge sise, Iesu sisira, “Arie, Moses da Geka ijuga kakato+ a kaifa kakato+! Ne taká amboda mema itatamareva. Ne gungubo kakatori! Ne totofo God da natofo+ jo ae ireva. A evetu genembo mendeni God da natofo+ ari dae uju eraera ava, nene buregeraeva.

Korafe-Yegha

¹³ Aminge sise, Iesu sisira, “Arie, Moses da Geka ijuga kakato+ a kaifa kakato+! Ne taká amboda mema itatamareva. Ne gungubo kakatori! Ne totofo God da natofo+ jo ae ireva. A evetu genembo mendeni God da natofo+ ari dae uju eraera ava, nene buregeraeva.

Matthew 23:13 ပူးပေါင်းရင်းမြစ်များ

Matthew 23:16

“Arie, ne ijuga kakato sembaeri! Ne amboda taká mema mindafu beká ava itatamareva. Ne diti digoide mamaneri. Ava nange edo evetu genembo mendenidae emboro ijugeraevu? Ne sembae ijuguse eminge seraeva, “Genembo eni, God da Kambo+ ainda javoda beka gajedo irise, ya nunda beka gajari ava bejarira amo, ne ‘avori’ seraeva. O genembo daba aimi, auri eni ‘gold’ seraera God da Kamboda+ irira, ainda javoda beka gajedo irise, ya nunda beka gajari ava bejarira amo, ne ‘agho dari beká ava bejariá’ seraeva.

Matthew 23:23

“Arie, Moses da Geka ijuga kakato+ a kaifa kakato+! Ne taká amboda mema mindafugo itatamareva. Ne gungubo kakatori! Nenda gugua tomanako a nenda roera veveyako kau mosou, yabiyabina, a karaje ava budo, diti ghabu sovenisoveni fitido, diti eni budo God kena muturaeva. A nu evevari. Ne amingareva. Avata, amo kitakori. O Agho Dari da geka tomanako mo: inono da ari, joka ari, geka bekáda bekáda sari a ari bekáda bekáda ariri. Roera kikitako ava, nene eraeva. Avata roera teriago evia, ne jo ae eraeva.

Matthew 23:25

“Arie, Moses da Geka ijuga kakato+ a kaifa kakato+! Ne taká mema mindafugo ava, amboda tambareva. Ne gungubo kakato a diti tefori! Ne kau genembo eni, nunda agha kofiri fokakena seghuse, jokakena jo seghae etira. Avavaga, ne gogho etevo nenda tamo eveva etira. Avata nenda dubo joká jo simbugae ireva. Ne ari ekokoi doghetiri jokáda ireva. Nenda dighighi ari a sosighi ari amo dodo, nenda ari ekoko vujegedo dubo joká ava simbugareva amo, ne gegenembo eveva edo irareva, dubo jokáda a kotugo nenda irari tamo isaghada. Ava jo ae eraeva aindae sedo, ne mema tambareva.

Matthew 23:27

“Arie, Moses da Geka ijuga kakato+ a kaifa kakato+! Ne taká mema itatamareva. Ne gungubo kakatori! Nemo kau ambari embo da ofofo gomogori. Isaghakena mo, simbuge gogoghombetevo gari eveva erira. Avata jokáda mo, anakora betedo masa erira.

Matthew 23:29

“Arie, Moses da geka ijuga kakato+ a kaifa kakato+! Ne taká amboda mema mindafugo ava itatamareva. Evetu genembo evevago a God da feroveta, nenda ofofo ava esimbuguse, totofo eminge seraeva, ‘Namane abuamane da sifo aminda siroredo iraetera amo, namane God da feroveta jo daoro sirivo ae aeteri. Abuamane edo ghusera avavaga, namane jo ae aeteri,’ aminge sise seraeva.

Matthew 3:7

Umbu eni, Moses da Geka kaifa kakato+ a Sadusi embo+ mendeni, ne dabade fera, John nemo bafataito are dae sedo totorugetero gido, nu eminge sisira, “Ne Satan da sasinguri. Ne na jo derae areva. Ne dubo jo jovereghae ireva. God nenda ari ekoko aindae, janje eko use mino mutari erekotira ava, ne jo reda darige yae areva.

Luke 11:52

“Arie, Moses da Geka ijuga kakato!+ Ne taká mema teriago beká ava itatamareva! God da Geka da susu mo, nemori. Avata God da kotari mavega amo, ne jo saovo isagha ae eraira. O totofo nemo amo, jo kasama ae eraeva. A kotugo ne, evetu genembo mendeni erá ava kasama eore dae sedo buregeraeva! Ava sedo, ainda mino eko God amboda nemokena mutari bareva,” aminge sisira.

John 9:22

Aminge sisera da beká mo: genembo ainda noi numamo ne Jusi embo da babojegari aindae oju useri. Ainda tuka mo: ne geka setero fefetusira, amo eviri: “Mave, ‘God Genembo eni dirigari furare dae sisira amo, Iesu numori,’ sarira amo, namane nu imboe use buregaoro, nu jo foa dengoro indari da kamboda+ terae arira,”

John 9:24

Setero aindae, Moses da Geka kaifa kakato+ sekago aghi etero, genemboá jovereghe fira buviri numokena siseri, “Jebugetesa aindae, God da javo jighaso erarira amo, avori. O genembo Iesu da javo mo, erá jigheóso ereure dae sise resera. Namane kasama erera amo, nu ari eko embori.”

John 9:34

Aminge setiri, ne numokena jijivu sise minonda siseri, “Nimbarago, emboroda bu undariri. Namane jo nine dengoro indae aresa!” aminge sedo, ne genemboá ondero ira buvurutusira.

Ekaresia 13:8

Era buvurutusera avata, kae da bajari Bar-Jesus (namonde Greek gekaimi Elymas seraera), nu eredo, erá butu ainda kotofu nenda geka ningi tumondeure dae sise, Barnabas nengae Saul ghae buregusira.

Ekaresia 5:28

“Namane, erama Iesu da javoda ijugeove dae siseri. Avata nene sevo, evetu genembo isambu Jerusalem eminda geka evia niningerera: ‘Iesu ambududurusira da susu mo, namaneri,’ aminge reseva amo, bekári? Sevu ningore!”

Ekaresia 5:40

Tumonduse, aghi mutero era Iesu da ambo jimbi budo fera teretero, ne ambíimi doruseri. Detero ainda amboda, babojegari nemokena siseri, “Erama Iesu da javoda, geka rejo eni seove!” aminge sedo, ne dotero iseri.

Ekaresia 8:1

Stephen ambiri gido, Saul nu ivuga usira. Sifo daba aminda, evetu genembo mendeni Jerusalem aminda eredo, Iesu da natofokena fakarago use, bouvu muteoro mema itatamedo ghuseri. Natofo isambu Frovensi Judia a Samaria aminda oju use, reighi nunda nunda sufuseri. Etero, Iesu da ambo jimbi 12 ainembo fefetuseri.

2 Timothy 3:8

Kau Jannes nengae Jambres ghae, Moses da geka beká ava buregedo ghusera aminga ava, gegenembo ekoko gembena emo, ne geka beká imboe use, buregeraera. Gegenembo resena emo, ne tumondari jo inono ae etiri kotari dadabusira.

2 Timothy 4:15

Nimbarago, nundae oju edo kaifa aso dae resena. Ainda beká mo: namanenda geka ava nu imboe edo, eredo namanenda geka edo gido buregari dae usira. Yari budo gi!