Matthew 10:22 - God da geka seka

²² Ne namo tumonderaeva aindae sedo, evetu genembo isambu ne imboe arera. Avata mave fakina edo, namo tumonduse jo ighagha ae iria, ambari tano arira amo, jebuga evovodae irari ava, nune tuve barira.

Korafe-Yegha

²² Ne namo tumonderaeva aindae sedo, evetu genembo isambu ne imboe arera. Avata mave fakina edo, namo tumonduse jo ighagha ae iria, ambari tano arira amo, jebuga evovodae irari ava, nune tuve barira.

Matthew 10:22 ပူးပေါင်းရင်းမြစ်များ

Matthew 10:39

Mave nu enda da gugua kotise, nanda javodae ambari dae oju edo na doyarira amo, nu sifo amboda ambarira. O mave nandae sedo ambarira amo, nu amboda jebuga evovodae irari ava tuve barira.

Matthew 24:13

Avata mave fakina edo, namoá tumonduse jo ighagha ae iria ambarira amo, nu jebuga evovodae irari ava tuve barira.

Matthew 24:9

“Sifo aminda, evetu genembo mendeniimi foa ne sandido, gavana nemokena fakarago are dae sedo, a nemo dari ambovo dae sedo, gavanakena mutoro barira. Ne namo tumonderaeva aindae sedo, enda da natofo isambu ne imboe arera.

Matthew 5:11

“O ne namo tumondururovo aindae sedo, evetu genembo mendeni nendae aji sise jijivu sarera, o dedo gaedo ghuse gungubo sarera amo,

Mark 13:13

Ne namoá tumonderaeva aindae sedo, evetu genembo isambu ne imboe arera. Avata mave fakina edo, namoá tumonduse jo ighagha ae iria ambarira amo, nu jebuga evovodae irari ava tuve barira,” Iesu aminge sisira.

Luke 21:17

Ne namoá tumonderaeva aindae sedo, evetu genembo isambu ne imboe arera.

Luke 21:19

Ava sedo, fakina edo fete gogoghombevu! Amingareva amo, God sari ne jebugareva.

Luke 6:22

Ni Evetu Genembo da Koro+ tumonderaesa aindae sedo, evetu genembo ni imboe edo ighagha use, nindae aji sise, ‘Ni ekori!’ sarera amo, ni ivugaghae iraetesi. Aji sari kakato resena einda nombuamane, God da ferovetakena kau daba ava edo ghuseri. Ne ava edo gharera amo, ni ivuga beká ava use, yaru divaetesi. Ainda beká mo: God utu ominda, nimokena mino eveva mutari baresa.

Luke 8:15

Enda eveva aminda vosetira amo, evetu genembo ará God da Geka ningido, jighi fetedo durumuguse dubo joká isambui muturaera avori. Amingeraera aimi, beká siroreraera,” Iesu aminge sisira.

John 17:14

Na ninda geka muteno ne ningido, ruruseri. Budo irero, evetu genembo fisi da uju use irera aimi, tuturo edo nangaeda natofo imboe eraera. Kau na ari ekoko da emboro ava ighagha edo, ajagha fetirá gheraena aminga ava, ne ari ekoko da emboro ava ighagha edo, evetu genembo fisi da uju use irera, ainda jokáda ghe buvudo era, ajagha fetedo irera. Ne ajagha irera aindae sedo, evetu genembo fisi da uju ava use irera aimi, nangaeda natofo amo imboe eraera.

John 7:7

Ne fisi da uju ava use ireva aindae sedo, evetu genembo ne jo imboe ae eraera. O namo, evetu genembo nenda ari ekoko aindae, dombuda sise irá gheraena. Aindae ne, na imboe eraera.

Ekaresia 9:16

Na tofo mandi ijugururono, nanda javoda, mema a bouvu mavegoá itatamarira ava, nu kasama arira.”

Rome Embokena 2:7

Eregoseva: evetu genembo mendeni, God nemoá sakai sare dae sedo, ari eveva use irera. Aminguse, ne nunda usasa a jebuga tava use irera. Nemokena God jebuga evovodae irari ava mutari barera.

2 Corinth Embokena 4:11

Namane jebuga irise, Iesu da javodae sedo, eko jokáda fefetuse ambarigeraera. Amingeraera da beká mo: Iesu nu namane sonembururari, nunda jebuga namanenda tamonda isagha ururari evetu genembo isambu gaeteri.

Galesia Embokena 6:9

Ava sedo, namonde jo ari eveva ari ava imboe ae arera. Ainda beká mo: namonde ari eveva use irarera amo, namonde beká bari da sifo aminda, mino eveva ava tambarera.

Hebrew Embokena 3:14

Ai resira amo: fakina edo gigituse irarera amo, namonde dabade tatedo Keriso da natofo arera.

Hebrew Embokena 6:11

Na uju beká ava erena amo, ne isambu nenda fakinaga ava ururovo, ne rea gigiteraeva ainda beká ava foa isagha ari bareva.

James 1:12

Genembo mave mema a bouvu fufuse, jo gofae arira amo, nu ivuga arira. Ainda beká mo: nu mema a bouvu fufuse jo gofae arira ava gido, Bajari numokena kotofu da yeye kau kekesa avavaga mutari barira. Kekesaá mave barira amo, jebuga evovodae irari ava barira. God nu, evetu genembo mave nu dubo buraera aikena, kekesa ava mutari dae sedo, beka gagojusira.

1 John 3:13

Ava sedo, nanda nano namendi, evetu genembo fisi da uju ava use irera aimi eredo, kau Cain usira aminga ava use, ne imboe arera amo erá buneove!

Amboda Sirorarira 2:10

Erama dubo mema oroko nembo fururari itatamareva aindae, oju eove! Geka evia ningivu! Nenda fakina dere gari dae sedo, nenda nano namendi ava, Satan da mendeniimi bu ya diburada fitarera. Dara resena emo, sifo isambu ghabu sovenisoveni ainda jokáda itatamururovo ya dadabarira. Ne nandae sise ambari dae oju jo ae areva amo, na jebuga evovodae irari da koana, kotofu da kekesa da kaugo ava, nemokena mutono bu asugareva. Koanaá mave bu asugarira amo, nu jebuga evovodae irari ava tuve barira.

Amboda Sirorarira 2:17

“Asisi Kakara rea ekaresiakena+ resira ava, ningi gogoghombevu! “Mave nandae sedo isoro use, gitofu de atai duboda fati fetarira amo, na numokena, bayau eveva javo ‘mena’ jungetiri oroko God da vasa aminda irira ava, mutono barira. A eni mo: na numokena ghamana foyago, ainda tamonda javo seka gembero irira ábarago, mutono barira. Javo amo, mave ghamanaá barira, ainembo kasama arira.” Iesu aminge sisira.

Amboda Sirorarira 2:26

“Mave nandae sedo isoro use, gitofu de atai duboda fati fetarira, a nanda uju vanembo use iria, sifo gombuda tano arira amo, avori, na numokena fakina mutarena. God Afa fakina namokena futusira ainda fakina kau daba ava, numokena mutarena. Na ketua auriimi ari ava, numokena mutono bu jighirise, nunda oro oro enda eminda irera ava, nune kaifa arira. Kau okia fugeoro du de bejeraira aminga ava, nu natofo ekoko aikena arira. Amo, nenda fakina ava nune de bejarira.

Amboda Sirorarira 2:3

Eni mo: ne fakina edo, nandae sedo gitofu da diti kosisevu. Aminguse, mema itatamuse, na jo ighagha ae usevu.

Amboda Sirorarira 2:7

“Avori, Asisi Kakara rea ekaresiakena+ resira ava, ningi gogoghombevu! “Mave nandae sedo isoro use, gitofu de atai duboda fati fetarira amo, na numokena jebuga evovodae irari ainda ika vuji ava mindare dae sedo, emboro afigedo ijugarena. Ika amo, nu God da vasa aminda vitiraira,” Iesu aminge sisira.

Amboda Sirorarira 3:21

Na giti isoro use, gitofu de atai duboda fati feteteno, God Afa setiri numokena viti nangae irise, nunda kini (king) da avo anumba aminda anumbedo kotofuko useni. “Kau daba aminga ava, mave nandae sise isoro use, gitofu de atai duboda fati fetarira amo, na saono nu viti nanda kini (king) da avo anumba aminda anumbedo, numbarago kotofuko arira.