Matthew 1:22 - God da geka seka

^22-25 Setiri dadabetiri, Joseph diti fangedo erorusira. Eredo, Bajari da aneya rea numokena sisira ava use, Mary fifitusira. Fifitusira avata, nengae jo dabade avae irise, nu mandi fufusira. Fumbiri, Joseph mandi ainda javo Iesu jijighusira. Ari evia sirorusira amo, jo tefo siroraeri. Susudae sirorusira. God nu rea nunda ferovetakena setiri gefusira, ava beká are dae sedo sirorusira. God setiri, geka gefusira amo eviri: “Gagara seka eni genemboghae jo avae irise, kauri edo mandi fumbarira. Fumbari, natofo mandi ainda javo Emmanuel jigharera. (Emmanuel da tuka mo: ‘God Namonde Dabade Irera’.)”

Korafe-Yegha

^22-25 Setiri dadabetiri, Joseph diti fangedo erorusira. Eredo, Bajari da aneya rea numokena sisira ava use, Mary fifitusira. Fifitusira avata, nengae jo dabade avae irise, nu mandi fufusira. Fumbiri, Joseph mandi ainda javo Iesu jijighusira. Ari evia sirorusira amo, jo tefo siroraeri. Susudae sirorusira. God nu rea nunda ferovetakena setiri gefusira, ava beká are dae sedo sirorusira. God setiri, geka gefusira amo eviri: “Gagara seka eni genemboghae jo avae irise, kauri edo mandi fumbarira. Fumbari, natofo mandi ainda javo Emmanuel jigharera. (Emmanuel da tuka mo: ‘God Namonde Dabade Irera’.)”

Matthew 1:22 ပူးပေါင်းရင်းမြစ်များ

Matthew 12:17

Aminge sisira da beká mo: God da feroveta Isaiah rea nundae sisira ava beká sirorare dae sedo, Iesu aminge sisira. Isaiah nu eminge sisira:

Matthew 13:21

avata nunda dubo jokáda tumondari jo inono ae arira. Ava sedo, nu sifo tufako tumonduse irari, dara sirorarira, o nu God da Geka tumonderaira aindae, gitofu numokena fakarago use mema mutarera amo, nu oju use fakina jo ae irise totoi gofarira.

Matthew 13:35

Geka feroveta enii sisira ava, beká are dae sedo, Iesu amingedo ghusira. Geka amo eviri: ‘Nemokena dengoro induduse, kasiai sarena. Enda jo saono sirorae iriri, na irise, rea kotedo kivo usena ava, kasiai nemokena saono ningarera,’ feroveta aminge sisira.

Matthew 2:15

Era buvudo aminda irero, Herod ambiri gido ainda amboda, jovereghe fuseri. Bajari setiri ne amingusera amo, jo tefo aeri. Nunda geka rea setiri feroveta eniimi gefusira ava, beká are dae sedo, nune setiri ne aminguseri. Nunda geka ferovetakena setiri gefusira amo, eviri: “Nanda Mandi dae kori seteno, Egypt ghedo buvudo fusira,” feroveta aminge gefusira.

Matthew 2:23

Era, reighi Nasareth aminda dighi anumbuseri. Joseph nu jo tefo amingaeri. God nunda geka ferovetakena setiri gefusera, ava beká sirorare dae sedo, God setiri Joseph amingusira. Feroveta rea gefusera amo, eviri: “Natofoi nundae, ‘Nu Nasareth embori,’ sarera.” aminge gefuseri.

Matthew 5:17

Aminge sise, Iesu sisira, “God da Geka Moses a feroveta mendeninde dabade gefusera amo, oroko irira. Erá nandae eminge seove: Iesu nu, God da Geka Moses gefusira ava, sari dadabare dae sedo ojighira, ava erá seove dae sise resena! Na, God da Geka Moses gefusira ava, jo nane saono dadabare dae sedo furaeri. Na ijugaono, Geka gefusira ainda beká ava, sirorare dae sedo refena.

Matthew 8:17

Iesu amingusira amo, jo tefo aeri. Susudae usira. God nu rea nunda feroveta Isaiah kena setiri gefusira ava, beká isagha are dae sedo, nu amingusira. Isaiah gefusira amo, eviri: “Nu tofo mandi namonde da kae da bouvu fufuse, setiri namonde jebuguseri.”

Luke 21:22

Ainda sifoda, God da Geka rejodae resira amo, beká sirorurari God da janje eko eminda isagha ari garera.

Luke 24:44

Mindido, nemokena sisira, “Namonde deinghuse, na rea sedo ghusena ava, oroko eminda beká siroretiri eregosevere. God da Geka aminda, Moses a God da feroveta rea nandae gefusera, a kotugo Yaru Buku jokáda rea nandae gefusera amo, beká sirorarira. Ava sedo, beká evia siroretiri eregosevere.

John 10:35

Avori, namonde kasama erera: God da Geka nu evovodae irarira. Ava sedo, evetu genembokena God Afa Geka futusira aindae mo, ‘Ne totofo nemoá goderi,’ sisira amo, geka bekári.

John 15:25

A ne namane imboe eraera amo, nenda Agho Dari jokáda rea sisira ava, beká are dae sedo eraera. Amo eviri: ‘Ne susu tefo na imboe edo ghuseri,’ Agho Dari jokáda aminge sisira.

John 17:12

Namane namonde enda eminda dabade irise, ninda javo namokena futusesa ainda fakinaimi, ne kaifa edo ghuseni. Ne, nane kaifa eno, mendeni ne eveva iriari. Avata, ninda Geka jokáda rea resira ava, beká are dae sedo, genembo dabako jebuga evovodae irari ava kosasaghusira. O mendeni, nane kaifa eono ne eveva iriari.

John 18:9

(Nu aminge sisira da beká mo: nu giti sisira ava, beká are dae sedo sisira, amo eviri: “Afa, ni gegenembo namokena futusesa amo, kaifa eno eveva irera.”)

Rome Embokena 1:2

Bino Eveva resena, einda beká isagha ijugari dae sedo, God beka gagojusira. Beka gajedo, nu nunda ferovetakena seari ningido, nunda Geka jokáda gembudo ghuseri a vironu sedo ghuseri.

Amboda Sirorarira 17:17

Ava nene arera amo, God da ujuri. Nu rejo aoro dae uju usira ava, God nune nenda dubo jokáda fitiri sirorusira, amo eviri. Kini ghabu sovenisoveni amo dubo dabako edo, nenda fakina sino fukakena futuse iroro, God da Geka einda beká sirorari garera.