Mark 3:35 - God da geka seka

³⁵ Mave God da uju ava use irarera amo, nanda ai ghasovu, nanda nano namendi, a nanda aya mo, nemori,” aminge sisira.

Korafe-Yegha

³⁵ Mave God da uju ava use irarera amo, nanda ai ghasovu, nanda nano namendi, a nanda aya mo, nemori,” aminge sisira.

Mark 3:35 ပူးပေါင်းရင်းမြစ်များ

Matthew 7:21

“Oroko evetu genembo digari namokena kori sise, eminge seraera, ‘Bajari! Bajari!’ seraera, avata jo aindae sedo, doyono God da vasada terae arera. Mave God Afa da uju beká ava use irarera ainembo, God da vasa eveva aminda teroro, God ne kaifa ururari irarera.

John 7:17

Avori, nanda ijuga God kena foa gheraira o, na tofo nanda kotariimi ijugeraena amo, mave God da uju ari dae koteraira ainembo kasama arira.

Efesas Embokena 6:6

Saramana kakato mendeni ne totofo, nenda javo jighoro erare dae sedo, evetu genembo da dombuda saramana e gogoghomberaera. O ne nusuka nusuka fetarera amo, ne saramana jo e gogoghombae arera. Erama amingeove! Nemo Keriso da saramana kakatori. Ava sedo, ne saramana rea areva amo, God da uju ava kotise, saramana ivugaghae e gogoghombedo ghevu!

Hebrew Embokena 10:36

God da uju mo: ne durumugedo kaifa use iraetevu. Amingururovo, God nemokena rea mutari dae beka gagojusira ava mutari bareva.

James 1:25

Eregoseva: God da Agho Dari mo, numo bekári. Aminda, namonde jebuga tambarera. Ava sedo, genembo mave God da Agho Dari bu jighirarira amo, nu jo ningari vanembo use, Agho Dari jo kotae ae arira. Nu Agho Dari ava kotise, kaifa use irá ghedo gharira. Kotugo, nu Agho Dari ava kotise, kaifa use irarira aindae, God nu esimbugarira.

1 Peter 4:2

Ava sedo, oroko tuturo edo, God da sari avanembo ningido, enda eminda irise nenda fisi da uju ava do darigareva.

1 John 2:17

A enda einda gugua evetu genembo dighighi eraera amo, enda einghae dabade dadabari dae erira. O mave God da uju ava use irarira amo, nu jebuga evovodae irarira.