Mark 2:2 - God da geka seka

² Iri, evetu genembo digari ningi kasama edo, fera numokena totoruguseri. Totorugedo, natofoimi kambo bedo edo mambe kosegetero, mendeni ya terari manamana useri.

Korafe-Yegha

² Iri, evetu genembo digari ningi kasama edo, fera numokena totoruguseri. Totorugedo, natofoimi kambo bedo edo mambe kosegetero, mendeni ya terari manamana useri.

Mark 2:2 ပူးပေါင်းရင်းမြစ်များ

Matthew 5:2

nu tuturo edo nemokena dengoro induduse, eminge sisira:

Mark 1:14

Kini (King) Herod setiri, John Bafataito Ari Katoá sandi budo diburada fifitusera ainda amboda, Iesu ira Frovensi Galilee aminda teredo, tuturo edo God da Bino Eveva ava, vironu sedo ghusira.

Mark 1:33

Kaponiam embo isasambu kambo dendeguda totorugedo guro békada fefetuseri.

Mark 1:37

Tambudo siseri, “Evetu genembo isasambu eredo nimo tava use irera.”

Mark 1:45

Avata genembo amo, nu jo amingaeri. Nu evetu genembo isambukena osa setiri, numo jebugusira da binó ava reighi isambu aminda ivegedo isira. Ava sedo, Iesu reighi bogu eninda jo isaghada ya terari da kaugo irae usira. Etiri, nu evetu genembo irae da vasa aminda ira iriri, reighi isambu ainda evetu genembo ya numokena buvudo ghuseri.

Mark 2:1

Sifo nanjogoá dadabetiri, Iesu nu sekago jovereghe ira reighi Kaponiam buvurutusira. Ainda bino ava ivegedo isira.

Mark 2:13

Iesu sekago Galilee uvu da teria aminda ira buviri, natofo isambu fera numokena totorugetero, dengoro indudusira.

Mark 6:34

Iesu amboda buvudo ghaka+ dari vitido, evetu genembo natofogo ava totorugedo irero gosusira. Gido, nendae joka usira. Ainda beká mo: ‘Ne kau sifi (sheep) giti jighari iraede, ainda kaugo ava edo iriari,’ ava kotise, nemokena roera mendeni mendeni ava ijugusira.

Luke 12:1

Natofo digari ambari ava totorugedo anumbari vasa ganjibetero, Iesu nunda ambo jimbikena sisira, “Yisti (yeast) farava jokáda fiteoro baji mindafu eraira amo nu kau, evetu genembo da jokáda gungubo baji mindafu eraira ainda kaugori. Moses da Geka kaifa kakato+ da yisti (yeast) ava imboe edo darigaovo dae resena. Amo ne, gungubo eraera. Ne natofo gaoro dae sedo, ari eveva isaghada eraera, avata aminguse, ne ufena ari ekoko eraera. Erá amingeove dae sise resena!

Luke 5:17

Sifo eni, Iesu ira kambo eninda tere anumbedo dengoro indudusira. Moses da Geka kaifa kakato+ ã ijuga kakato+ mendeni, reighi Jerusalem ghedo ã kotugo reighi isambu Galilee ã Judia frovensi aminda ghedo fera, numokena totorugedo, anumbe niningero, nu dengoro indudusira. Bajari da fakina numokena iriri ainghae setiri, evetu genembo mendeni jejebuguseri.

Luke 8:1

Ainda amboda, Iesu ya reighi mendeni mendeni aminda, God da Bino Eveva ava vironu sedo ghusira. God nange nange nunda natofo+ kaifa eraira ava, osa sedo ghusira. Nunda ambo jimbi 12 ã evevetu mendeninde dabade, karona eoro ise, vironu sedo ghusira. Evevetu resena emo, mendeni kae budo iriari ã mendeni sukaruimi asugetero iriara ava, Iesu setiri jejebuguseri. Eni Magdara embo evetu javo Mary aikena, Iesu sukaru isambu 7 ava ondiri fera buvurutuseri.

Luke 8:11

Aminge sedo, sekago sisira, “Kasia da tuka mo eviri. Veka amo, God da Gekari.

Ekaresia 11:19

Stephen detero ambududurusira ainda sifoda, Iesu da gitofu ne eredo, Iesu da natofokena fakarago use bouvu futurureoro mema itatamedo ghuseri. Amingedo, Iesu da dorevare oju sumbudo reighi mendenikena iseri. Mendeni oju sumbudo era reighi Foenisia aminda buvurutuseri. Buvudo, Iesu da Bino nenda natofo Israel embokena seoro ningido ghuseri.

Ekaresia 16:6

Paul, Silas, a Timothy de dabade eredo iseri. Asisi Kakara nu, erama ne ya Frovensi Asia aminda vironu seore dae setiri ningido, ne Frovensi Asia darigedo, Frovensi Frijia a Galesia aminda sembera, Frovensi Misia aminda buvurutuseri. Aminda buvudo, ne Frovensi Bitinia aminda sembi yari dae ero, Iesu da Asisii ne buregusira.

Ekaresia 8:25

Ainda amboda, Peter nengae John ghae, Bajari ne nange sonembusira ava osa sise, Bajari da Geka ava vironu siseri. Setero dadabetiri, Peter nengae John ghae eredo jovereghe Jerusalem aminda ise, emboro soroda ne Frovensi Samaria aminda, reighi mendeni mendeni aminda teredo, God da Bino Eveva ava vironu sedo ghuseri.

Rome Embokena 10:8

Namonde nange God kena ya buvaetera, ainda emboro ava ijuguse, God da Geka eminge resira: “God da Geka nemokena utua bekári, nenda békada a nenda dubo jokáda irira.” God da Geka aminge sise, ‘geka’ resira emo, a kotugo namane nene tumondaovo dae sedo, geka vironu sise irá gheraera amo, geka daba avori.

2 Timothy 4:2

Nunda Bino ava, ni vironu sise iraresa. Evetu genembo ningari sarera, o ningari imboe arera, avata ni taká vironu sise iraresa. Nunda Bino Eveva ava tumondaoro dae sedo, ni evetu genembode dabade geka se ningaresa, a dombuda saresa. A kotugo, ni nange ghamo deraso erari evetu genembo ari eveva aetera ava kotise, durumugedo ijuguse iraso dae sise resena.